பத்ம விருதுகள் வழங்குவதை உடனடியாக நிறுத்த வேண்டும்

**ayyasamy ram** · **ayyasamy ram** Tue Apr 14, 2015 3:20 am

புதுடெல்லி:
-
பத்ம விருதுகள் வழங்குவதை உடனடியாக நிறுத்த வேண்டும் CnW5l7pRLeXpGX1OnROo+TamilDailyNews_659099817277

-
பெரும்பாலான மக்களிடையே பிளவு, வேறுபாட்டை
ஏற்படுத்தும் விதமாக பத்ம விருதுகள் வழங்கப்
படுகின்றன. அந்த விருதுகள் வழங்கப்படுவதைக்
கண்டிப்பாக மத்திய அரசு உடனடியாக நிறுத்த
வேண்டும் என்று ஐக்கிய ஜனதா தளம் கட்சியின்
தலைவர் சரத் யாதவ் வலியுறுத்தியுள்ளார்.

பத்ம விருதுகள் நேர்மையற்றவர்களுக்கு
வழங்கப்படுகிறது என்று சமீபத்தில் சர்ச்சைக்குரிய
வகையில் கருத்து தெரிவித்த நிலையில், தற்போது
பத்ம விருதுகளை நிறுத்த வேண்டும் என்றும்
சரத்யாதவ் போர்க்கொடி உயர்த்தியுள்ளார்.

இது குறித்து புதுடெல்லியில் நேற்று செய்தியாளர்களிடம்
சரத் யாதவ் கூறுகையில், பத்ம விருதுகள் வழங்கப்
படுவது உடனடியாக நிறுத்தப்பட வேண்டும். அரசுக்கு
நெருக்கமாக இருக்கும் சிலருக்கு மட்டுமே இந்த
விருதுகள் வழங்கப்படுகின்றன..

கடந்த 1977-ம் ஆண்டு ஜனதாபரிவார் அரசில் இது
போன்ற பத்ம விருதுகள், அரசு சார்பில் யாருக்கும்
வழங்கி கவுரவிக்கப்படவில்லை.

பிரதமராக வாஜ்பாய் இருந்த காலத்தில்,
ஜனாதிபதி அப்துல் கலாம், ஒருமுறை எழுதிய கடிதத்தில்,
பத்ம விருதுகள் வழங்கப்படுவதில் முறைகேடுகள்
நடப்பதாக குற்றம்சாட்டியிருந்தார்.

சமீபத்தில் வழங்கப்பட்ட பத்ம விருதுகள் பட்டியலில்,
தாழ்த்தப்பட்டோர், பழங்குடியினர், சிறுபான்மையினர்
மற்றும் விவசாய குடும்பத்தைச் சேர்ந்தவர்கள் யாரும்
இல்லை.

புகழ்பெற்ற நடிகர்களுக்கு இந்த விருதுகள்
தேவையில்லை. மத்தியில் ஆளும் நரேந்திர மோடி
தலைமையிலான பாரதிய ஜனதா அரசு ஆட்சிக்கு
வந்த பின்பு, மக்களை பொருளாதாரம், சமூகம்
வாரியாக வேறுபடுத்துவது அதிகரித்துள்ளது.

கிறிஸ்துவர்கள், இஸ்லாமியர்கள் அரசால்
பாகுபாட்டுடன் நடத்தப்படுகிறார்கள் என்று அவர்
குற்றம்சாட்டினார்.
-
------------------------------------
தினகரன்

பத்ம விருதுகள் வழங்குவதை உடனடியாக நிறுத்த வேண்டும்

பத்ம விருதுகள் வழங்குவதை உடனடியாக நிறுத்த வேண்டும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக