சித்திரை திருநாள்: தலைவர்கள் வாழ்த்து!

**சிவா** · **சிவா** Mon Apr 13, 2015 11:03 pm

First topic message reminder :

சித்திரை மாதம் பிறப்பதையொட்டி அரசியல் கட்சித் தலைவர்கள் `சித்திரை திருநாள் ` வாழ்த்துக்கள் தெரிவித்துள்ளனர்.

மதிமுக பொதுச் செயலாளர் வைகோ வெளியிட்டுள்ள வாழ்த்துச் செய்தியில்,

"சித்திரை முதல் நாளை முதுவேனில் காலத்தின் தொடக்க நாளாக நெடுங்காலமாக தமிழ் மக்கள் கொண்டாடி வருகின்றனர். ஐப்பசி, கார்த்திகையில் மேகங்கள் பொழியும் மழையை எதிர்கொண்டு, தமிழர்கள் கொண்டாடும் ஆண்டின் முதல் நாளான தைத் திங்களில் பொங்கல் திருவிழா கண்டு அறுவடை நடத்தி, ஆவினங்களுக்கும், நிலத்துக்கும் நன்றி செலுத்தி மாசி, பங்குனியில் வசந்தத்தையும் இளவேனிலையும் வரவேற்று மகிழ்ந்து, சித்திரைத் திங்களில் கடற்கரை மணல் வெளியில், ஆற்றுப் படுகைகளில் தமிழர்கள் விழா எடுத்து வந்துள்ளனர்.

இளைய வயதினருக்கு இச்சித்திரை மாதம் தான் வசந்த விழா காலம் என இலக்கியம் கூறுகிறது. “சித்திரை சித்திரை திங்கள் சேர்ந்தன என்றும், இதுவே இந்திர விழா எடுக்கும் பருவம்” என்றும் சிலப்பதிகாரத்தில் இளங்கோ அடிகள் வர்ணிக்கின்றார்.

வெப்பம் மிகுந்துள்ள இக்காலத்தில், குளிர்ந்த நீரையும், பழங்களையும் வழங்கி கோடையின் தகிப்பைப் போக்குதல் தமிழர்களின் வழக்கமாகும்.

தமிழக வாழ்வாதாரங்களுக்கு, குறிப்பாக காவிரி நீர் உரிமைக்கு கேடு விளைவிக்க கர்நாடக அரசு முனைந்துள்ளது.

20 அப்பாவி தமிழர்கள் ஆந்திர அரசின் காவல்துறையால் படுகொலை செய்யப்பட்ட வேதனை தமிழ் இனத்தை சூழ்ந்துள்ள வேளையில், கொலைகாரர்கள் கூண்டில் நிறுத்தப்பட்டு, தண்டிக்கப்பட வேண்டும். தமிழர்களுக்கு நீதி கிடைக்க மத்திய அரசும், தமிழக அரசும் உரிய நடவடிக்கை மேற்கொள்ள வேண்டும்.

ஏப்ரல் 14 ஆம் நாள்தான் இந்திய அரசியல் சட்டத்தை யாத்துத் தந்த மாமேதை பாபாசாகேப் அண்ணல் அம்பேத்கர் அவர்களின் பிறந்த நாள். ஆதலால், அப்பெருமகனார் கனவுகண்ட சமூக நீதி மலர உறுதிகொள்வோம்.

தாய்த் தமிழகத்திலும், தரணியெங்கும் வாழும் தமிழ் மக்களுக்கு சித்திரை முதல்நாள் வாழ்த்துகளை தெரிவித்துக்கொள்கிறேன்" என்று கூறியுள்ளார்.

**சிவா** · **சிவா** Tue Apr 14, 2015 12:16 pm

பல்வேறு கட்சிகள்-அமைப்புகள்

அகில் இந்திய காங்கிரஸ் கமிட்டி உறுப்பினர் கார்த்தி ப.சிதம்பரம், இந்திய ஜனநாயக கட்சி நிறுவனர்-தலைவர் பாரிவேந்தர், வி.ஜி.பி. உலக தமிழ்ச் சங்கத்தின் நிறுவனர் வி.ஜி.சந்தோசம், கொங்குநாடு மக்கள் தேசிய கட்சி தலைவர் ஈ.ஆர்.ஈஸ்வரன், அகில இந்திய மூவேந்தர் முன்னணி கழகத்தின் நிறுவனர்-தலைவர் டாக்டர் ந.சேதுராமன், கோகுல மக்கள் கட்சி நிறுவனர்-தலைவர் எம்.வி.சேகர், தமிழக இஸ்லாமிய இயக்கங்களின் கூட்டமைப்பு ஒருங்கிணைப்பாளர் மேலை நாசர், தமிழக மறுமலர்ச்சி முஸ்லிக் லீக் பொதுச்செயலாளர் எம்.ஏ.என்.சலீமுதீன், இந்திய தேசிய முஸ்லிம் லீக் தலைவர் ஒய்.ஜவஹர் அலி, ஜனநாயக மக்கள் முன்னேற்ற கழக மாநில தலைவர் ஆர்.பி.ராஜா, ஜனதா தளம் (தனி) மாநில பொதுச்செயலாளர் கரு.பவுனாச்சாரி, ஜனதா தளம் (ஐக்கியம்) தமிழ்நாடு மாநில பொதுச்செயலாளர் டி.ராஜகோபால், இந்திய மக்கள் மறுமலர்ச்சி கழகத்தின் நிறுவன தலைவர் சு.தாமஸ், கொங்குநாடு ஜனநாயக கட்சி நிறுவன தலைவர் ஜி.கே.நாகராஜ், அகில இந்திய காந்தி காமராஜ் காங்கிரஸ் கட்சி தேசிய தலைவர் பா.இசக்கிமுத்து, அம்பேத்கர் மக்கள் கட்சி நிறுவனத்தலைவர் ம.மத்தியாஸ்(எ)சீனிவாசன், திருவேற்காடு இந்து சமய வளர்ச்சி பேரவை நிறுவனர் மு.இராமச்சந்திரனார், தென் இந்திய பொதுநலச்சங்கத்தின் பொதுச்செயலாளர் பி.வி.ராஜேந்திரன் உள்பட கட்சி தலைவர்களும் தமிழ் புத்தாண்டு வாழ்த்து தெரிவித்து அறிக்கை வெளியிட்டுள்ளனர்.

சரவணன் · சரவணன் Tue Apr 14, 2015 12:18 pm

அரசியல் தலைவர்கள் மற்றும் ஈகரை தலைவர் எங்கள் ஆருயிர் அண்ணன் டாக்டர் சிவா அவர்களின் வாழ்த்துகளுடன் அவருடைய கடைசி தம்பியின் வாழ்த்துகளும்.....! - இப்படிக்கு அண்ணனின் விழுதுகள்!

**ராஜா** · **ராஜா** Tue Apr 14, 2015 1:34 pm

சரவணன் wrote:அரசியல் தலைவர்கள் மற்றும் ஈகரை தலைவர் எங்கள் ஆருயிர் அண்ணன் டாக்டர் சிவா அவர்களின் வாழ்த்துகளுடன் அவருடைய கடைசி தம்பியின் வாழ்த்துகளும்.....! - இப்படிக்கு அண்ணனின் விழுதுகள்!

அதானே ... சரியாய் சொன்னே தம்பி , தலைவர்கள் வாழ்த்துன்னு சொல்லிட்டு நம்ம தலயோட வாழ்த்து காணுமே சோகம்