தாலி அகற்றும் நிகழ்விற்கு தடை: கி.வீரமணி மீது வழக்குப்பதிவு

**சிவா** · **சிவா** Sun Apr 12, 2015 11:10 pm

திராவிடர் கழகம் சார்பில் சென்னை பெரியார் திடலில் வருகிற 14 ஆம் தேதி (நாளை மறுநாள்) நடைபெறவிருந்த தாலி அகற்றும் நிகழ்வுக்கு இன்று தடை விதித்துள்ள சென்னை காவல்துறையினர் இது தொடர்பாக திராவிடர் கழகம் தலைவர் கி. வீரமணி மீது வழக்குப்பதிவு செய்துள்ளதாக தெரிவித்துள்ளனர்.

அம்பேத்கார் பிறந்தநாளையொட்டி சித்திரை 1 ஆம் தேதி (ஏப்ரல் 14) சென்னையில் திராவிடர் கழகம் சார்பில் தாலி அகற்றும் நிகழ்வு நடைபெறும் என அறிவிக்கப்பட்டிருந்தது. இதற்கு சிவசேனா, இந்து மக்கள் கட்சி மற்றும் தமிழகத்தில் உள்ள பல்வேறு இந்து அமைப்பினரும், இந்திய மக்கள் கல்வி முன்னேற்ற கழகம் உள்ளிட்ட சில அமைப்புகளும் எதிர்ப்பு தெரிவித்திருந்தனர்.

இதற்கிடையில், ஏப்ரல் 14 ஆம் தேதி பெரியார் திடலில் பெண்கள் தாங்களே எவ்வித கட்டாயமோ, நிர்ப்பந்தமோ இன்றி, தெளிவான, துணிவான உணர்வுடன் தாலி அகற்றும் நிகழ்ச்சியை நடத்திக்கொள்ளுகின்றனர் என்றும், இதை தடுக்க எவருக்கும் சட்டப்படி உரிமை இல்லை என்றும், இந்துக்கள் மனம் புண்படுகிறது என்ற வாதம் பொய்யானது என்றும் கி.வீரமணி தெரிவித்திருந்தார்.

இந்நிலையில், இந்த போராட்டத்துக்கு சென்னை போலீசார் தடை விதித்துள்ளதாகவும், இது தொடர்பாக திராவிடர் கழகம் தலைவர் கி.வீரமணி மீது வழக்குப்பதிவு செய்துள்ளதாகவும் சென்னை போலீஸ் (வேப்பேரி) உதவி கமிஷனர் ஐயப்பன் செய்தி நிறுவனமான பி.டி.ஐ.-யிடம் இன்று மாலை தெரிவித்துள்ளார்.

**T.N.Balasubramanian** · **T.N.Balasubramanian** Mon Apr 13, 2015 6:36 am

வீரமணி அவர்கள் ஆந்திராப் பக்கம் சென்று செம்மர கடத்தல் எனக் கூறி , கொலை செய்யப்பட்டவர்களுக்காக போராட்டம் நடத்தினால் வரவேற்போம்: அதை விட்டு விட்டு தமிழ் பெண்களின் கழுத்துப் பகுதியிலும் அதன் கீழும் பார்வையை செலுத்தவேண்டாம் . அது தமிழர் பண்பாட்டிற்கு எதிரானது என்று இவருக்கு யார் புரிய வைப்பது .?

ரமணியன்

**ayyasamy ram** · **ayyasamy ram** Mon Apr 13, 2015 6:40 am

முதலில் தாலியை இலவசமாக வழங்கி புகழ்
சேர்த்துகொண்டவர்களுக்கு எதிராகவும் போராட்டம்
நடத்த அவர் முன் வர வேண்டும்

**ராஜா** · **ராஜா** Mon Apr 13, 2015 11:44 am

பெரியார் அறக்கட்டளை சொத்துகள் எக்குதப்பா அதிகரிச்சு வாரிசுகளை அமெரிக்காவில் பத்திரமா குடியமர்த்தியாச்சு , அதனால் அடுத்து என்ன பண்ணுவது என்ற அரிப்பு இவருக்கு. யாராச்சும் சரியான மருந்து கொடுத்தா தெளிந்துடுவார்

**M.Saranya** · **M.Saranya** Mon Apr 13, 2015 11:51 am

என்னது இது ? இவர்களுக்கு என்ன ஆயிற்று?ஏன் இவர்கள் இப்படியெல்லாம் நடந்து கொள்கின்றனர்....

காவல் துறையினர் சரியான நடவடிக்கை எடுக்க வேண்டும்....

கோ. செந்தில்குமார் · 03/04/2014

வீரமணி அவர்கள் முதலில் தனது வீட்டு பெண்களின் தாலிகளை அறுக்கட்டும். அதனை அவர் வீட்டு பெண்கள் ஏற்பார்களா? தன் வீட்டு குப்பை நாறுகிறது. ஊருக்கு உபதேசம்...! மட்டரகமான அரசியல்...!! மலிவான விளம்பரம்...!!!

**T.N.Balasubramanian** · **T.N.Balasubramanian** Mon Apr 13, 2015 2:11 pm

ராஜா wrote:பெரியார் அறக்கட்டளை சொத்துகள் எக்குதப்பா அதிகரிச்சு வாரிசுகளை அமெரிக்காவில் பத்திரமா குடியமர்த்தியாச்சு , அதனால் அடுத்து என்ன பண்ணுவது என்ற அரிப்பு இவருக்கு. யாராச்சும் சரியான மருந்து கொடுத்தா தெளிந்துடுவார்

மேற்கோள் செய்த பதிவு: 1130200

அடித்தது கொள்ளையோ கொள்ளை .
இதில் வேடிக்கை , அவர்கள் அமெரிக்காவில் எல்லா கோவிலும் போவார்களாம் .
DMK ஆட்சிக்கு வந்தால் அங்க ஜால்ரா .
ADMK ஆட்ச்சிக்கு வந்தாலும் அங்கேயும் ஜால்ராவோ ஜால்ரா .
அய்யா ஹாயா s !
ரமணியன்

**ராஜா** · **ராஜா** Mon Apr 13, 2015 2:17 pm

T.N.Balasubramanian wrote:
ராஜா wrote:பெரியார் அறக்கட்டளை சொத்துகள் எக்குதப்பா அதிகரிச்சு வாரிசுகளை அமெரிக்காவில் பத்திரமா குடியமர்த்தியாச்சு , அதனால் அடுத்து என்ன பண்ணுவது என்ற அரிப்பு இவருக்கு. யாராச்சும் சரியான மருந்து கொடுத்தா தெளிந்துடுவார்
மேற்கோள் செய்த பதிவு: 1130200

அடித்தது கொள்ளையோ கொள்ளை .
இதில் வேடிக்கை , அவர்கள் அமெரிக்காவில் எல்லா கோவிலும் போவார்களாம் .
DMK ஆட்சிக்கு வந்தால் அங்க ஜால்ரா .
ADMK ஆட்ச்சிக்கு வந்தாலும் அங்கேயும் ஜால்ராவோ ஜால்ரா .
அய்யா ஹாயா s !
ரமணியன்