பிரபல பாடகர் நாகூர் ஹனிபா காலமானார்

**ayyasamy ram** · **ayyasamy ram** Thu 9 Apr 2015 - 10:32

-
பிரபல பாடகர் நாகூர் ஹனிபா(90)
உடல் நலக் குறைவால் சென்னை கோட்டூர் புரத்தில்
உள்ள அவரது இல்லத்தில் காலமானார்.
=
தினமணி

**T.N.Balasubramanian** · **T.N.Balasubramanian** Thu 9 Apr 2015 - 10:41

கம்பீர குரலுக்கு அதிபதி அவர் .
ஆன்மா சாந்தி அடைய எந்தன் பிரார்த்தனை .
ரமணியன்

**ayyasamy ram** · **ayyasamy ram** Thu 9 Apr 2015 - 10:42

இறை அருள் பாடகர் என்றும் இசை முரசு என்றும் அவரது ஆதரவாளர்களால் புகழப்பட்ட நாகூர் அனிபா, இஸ்லாமிய பாடல்களையும், திராவிட இயக்கப் பாடல்களையும் பாடியதன் மூலம் புகழ் பெற்றவர்.
பள்ளிமாணவனாக சுமார் 11 வயதில் பள்ளிக்கூட விழாவில் அரங்கேறியதாக கூறப்படும் நாகூர் ஹனிபாவின் கணீர்க்குரல், இஸ்லாமியர்களின் திருமணங்கள், தர்காக்களின் மேடைக்கச்சேரிகள் மற்றும் திமுகவின் மாநாடுகள் உள்ளிட்ட பொதுக்கூட்ட மேடைகளில் தொடர்ந்து ஏறக்குறைய முக்கால் நூற்றாண்டுகாலம் தனித்துவமாக ஒலித்தது. கம்பீரமான குரலும் தெளிவான தமிழ் உச்சரிப்பும் அவரது தனித்துவமாக பாராட்டப்பட்டன.
-
அவர் ஒரு குறிப்பிட்ட அரசியல் கட்சியில் இருந்தாலும், அவருக்கு கட்சி கடந்தும் ரசிகர்கள் இருந்தனர். இருக்கின்றனர். அகில இந்திய வானொலியின் காலைநேர தமிழ் ஒலிபரப்பில் அவரது இஸ்லாமிய மதப்பாடல்கள் இன்றளவும் தொடர்ந்து ஒலிபரப்பாகும். இலங்கை, சிங்கப்பூர், மலேஷிய வானொலிகளிலும் அவரது குரல் தொடர்ந்து ஒலித்து வருகிறது. பல்லாயிரக்கணக்கான மேடைக்கச்சேரிகளில் அவர் பாடியுள்ளார்.
-
பல நூறு பாடல்களை அவர் பிரபலப்படுதியுள்ளார். திரைப்படங்களிலும் அவர் பாடியுள்ளார்.
தமிழ்நாட்டுக்கு வெளியே, இலங்கை, சிங்கப்பூர், மலேசியா, ஹாங்காங், துபாய் உள்ளிட்ட பல நாடுகளுக்கும் சென்று தமிழ் மற்றும் இஸ்லாமியப் பாடல்களைப் பாடியுள்ளார்.
-
திமுகவைச் சேர்ந்த அனிபா சட்டமன்ற மேலவை , வக்ஃபு வாரியத்தலைவராகவும் இருந்திருக்கிறார்.
-
சென்னை கோட்டூர்புரத்தில் வைக்கப்பட்டிருந்த நாகூர் ஹனிபாவின் சடலத்துக்கு திமுக தலைவர் மு கருணாநிதி நேரில் சென்று அஞ்சலி செலுத்தினார். அதன்பிறகு அனிபாவின் உடல் அவரது சொந்த ஊரான நாகூருக்கு எடுத்துச் செல்லப்பட்டது
-
.bbc.co.uk

**krishnaamma** · **krishnaamma** Thu 9 Apr 2015 - 10:49

T.N.Balasubramanian wrote:கம்பீர குரலுக்கு அதிபதி அவர் .
ஆன்மா சாந்தி அடைய எந்தன் பிரார்த்தனை .
ரமணியன்

மேற்கோள் செய்த பதிவு: 1129307

ரொம்ப சரி ஐயா................இவர் பேரை சொன்னதுமே அவர் பாடிய " இறைவனிடம் கை ஏந்துங்கள் .....அவன் இல்லை என்று சொல்லுவதில்லை" என்கிற குரல் காதில் கேட்கும் எனக்கு புன்னகை

**krishnaamma** · **krishnaamma** Thu 9 Apr 2015 - 10:57

**krishnaamma** · **krishnaamma** Thu 9 Apr 2015 - 11:36

ராம் அண்ணா, எப்படி நீங்க திரி மாத்தி பதிவு போட்டுவிட்டீர்கள்?...............இப்போது மாற்றி விடுகிறேன் நான் புன்னகை

யினியவன் · யினியவன் Thu 9 Apr 2015 - 11:49

ஹை பிட்ச்சில் பிச்சு உதற இவரை போல் யாரும் இல்லை என்றே நினைக்கிறேன் - மிக அருமையான பாடகர்.

அனுதாபங்கள் குடும்பத்தினருக்கு.

**ராஜா** · **ராஜா** Thu 9 Apr 2015 - 12:18

திமுகவின் பிரசார மேடைகளில் கம்பீரமாக ஒலிக்கும் இவரின் குரல் இப்ப கூட காதுகளில் ரீங்காரமிடுகிறது ...

அன்னாரின் ஆத்மா சாந்தியடைய இறைவனை வேண்டுகிறேன்

**ஜாஹீதாபானு** · **ஜாஹீதாபானு** Thu 9 Apr 2015 - 14:04

இன்னா லில்லாஹி வ இன்னா இலைஹி ராஜிவூன் சோகம்

மன்னாதிமன்னரெல்லாம் நிரந்தரமாய் இருந்ததில்லை
மகத்தான நெறியில் வாழ்ந்த மனிதரெல்லாம் நிலைத்ததில்லை பொன்னான செல்வரெல்லாம் நிரந்தரமாய் இருந்ததில்லை
புகழோடு வாழ்ந்திருந்த பூமான்கள் நிலைத்ததில்லை....