'கடனுக்கான வட்டியை வங்கிகள் குறைக்காதது முட்டாள்தனமானது'!

**krishnaamma** · **krishnaamma** Wed Apr 08, 2015 9:45 am

மும்பை: ரிசர்வ் வங்கி, 'ரெப்போ' விகிதங்களை இருமுறை குறைத்த பின்பும், வங்கிகள் கடனுக்கான வட்டியை, இன்னும் குறைக்காதது முட்டாள்தனமானது என, ரிசர்வ் வங்கியின் கவர்னர் ரகுராம் ராஜன் காட்டமாக தெரிவித்து உள்ளார்.

நடப்பு 2015 - 16ம் நிதியாண்டிற்கான, முதல் நிதி ஆய்வுக் கொள்கையை, ரகுராம் ராஜன், நேற்று வெளியிட்டார்; அதில் கூறப்பட்டுள்ளதாவது:

மாற்றம் இல்லை:

காலந்தவறிய பருவமழையால் ஏற்படும், உணவு பணவீக்கத்தை கருத்தில் கொண்டு, ரிசர்வ் வங்கி, 'ரெப்போ' விகிதத்தில் மாற்றம் எதையும் செய்யவில்லை. இதையடுத்து, ரிசர்வ் வங்கியிடமிருந்து, வங்கிகள் பெறும் கடனுக்கான வட்டி விகிதம், 7.5 சதவீதம் என்ற அளவிலேயே நீடிக்கும். இதே போன்று, ரொக்க கையிருப்பு விகிதமும் (சி.ஆர்.ஆர்.,), 4 சதவீதம் என்ற அளவிலேயே இருக்கும். நடப்பு நிதியாண்டில், நாட்டின் பொருளாதார வளர்ச்சி, 7.8 சதவீதமாகவும், சில்லரை பணவீக்கம், ரிசர்வ் வங்கியின் இலக்கான, 6 சதவீதத்தை விட குறைவாகவே இருக்கும் என, மதிப்பிடப்பட்டு உள்ளது.

முழுமையாக...:

ரிசர்வ் வங்கி, ஏற்கனவே இருமுறை 'ரெப்போ' விகிதங்களை (0.50 சதவீதம்) குறைத்துள்ள போதிலும், இதன் பயன், வாடிக்கையாளர்களை முழுமையாக சென்றடையவில்லை. கடந்த நான்கு மாதங்களில், யூனியன் பேங்க் ஆப் இந்தியா மற்றும் ஸ்டேட் பேங்க் ஆப் திருவாங்கூர் உள்ளிட்ட, சில வங்கிகள் மட்டுமே, தங்களின் அடிப்படை வட்டி விகிதங்களை, 0.10 சதவீதம் குறைத்துள்ளன. வட்டி விகித குறைப்பு பலன்களை, வாடிக்கையாளர்களிடம் கொண்டு சேர்க்கும் வகையில், பெரும்பாலான வங்கி கள் கடனுக்கான வட்டியை குறைக்கவில்லை; இது, முட்டாள்தனமானது. பொருளாதார வளர்ச்சிக்கு ஊக்கமளிக்கும் வகையில், வங்கிகள் விரைவில், கடனுக்கான வட்டியை குறைக்க வேண்டும். இவ்வாறு, அதில் கூறப்பட்டு உள்ளது. ரிசர்வ் வங்கியின் கண்டிப்பை அடுத்து, ஸ்டேட் பேங்க் ஆப் இந்தியா, அடிப்படை வட்டி விகிதத்தை பல மாதங்களுக்கு பின் முதன் முறையாக 0.15 சதவீதம் குறைத்துள்ளது.

ரிசர்வ் வங்கி, இருமுறை 'ரெப்போ' விகிதங்களை குறைத்துள்ள போதிலும், வங்கிகள் வட்டி விகிதங்களை குறைக்காத காரணத்தால், கடன் நடவடிக்கைகள் மந்தமாகவே உள்ளன.

ரானா கபூர், அசோசெம் தலைவர்

தொழில் துறை, தற்போது இறுக்கமான சூழலில் உள்ளது; தேவை குறைந்துள்ள நிலையில், தொழில் புரிவதற்கான செலவு அதிகரித்துள்ளது; எனவே, வங்கிகள் கட்டாயம் கடனுக்கான வட்டியை குறைக்க வேண்டும்.

அ லோக் பி.ஸ்ரீராம், பி.எச்.டி., சேம்பர் தலைவர்

பாதியில் நிறுத்தப்பட்ட பல திட்டங்கள், குறைந்த செலவில் கடனுதவியை எதிர்பார்த்துள்ளன; இந்நிலையில், வட்டி விகிதங்கள் குறைக்கப்பட்டால், முதலீட்டு நடவடிக்கைகள் சூடுபிடிக்கும்.

அஜய் ஸ்ரீராம், இந்திய தொழிலகக் கூட்டமைப்பு தலைவர்

**M.Saranya** · **M.Saranya** Wed Apr 08, 2015 2:16 pm

'கடனுக்கான வட்டியை வங்கிகள் குறைக்காதது முட்டாள்தனமானது'! 103459460

'கடனுக்கான வட்டியை வங்கிகள் குறைக்காதது முட்டாள்தனமானது'!

'கடனுக்கான வட்டியை வங்கிகள் குறைக்காதது முட்டாள்தனமானது'!

Re: 'கடனுக்கான வட்டியை வங்கிகள் குறைக்காதது முட்டாள்தனமானது'!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக