உங்களின் மதிப்பு என்ன?

அபிராமிவேலூ · அபிராமிவேலூ Tue Nov 10, 2009 6:41 pm

உங்களின் மதிப்பு என்ன?

200 பேர்கள் கூடியிருந்த அரங்கத்தில் ஒரு பேச்சாளார் ஒரு 500 ரூபாய் நோட்டைக் காட்டி
” யாருக்கு இது பிடிக்கும்?” எனக் கேட்டார்.

கூடியிருந்த அனவரும் தனக்கு பிடிக்குமென கையை தூக்கினர்.

பேச்சாளார் “உங்களில் ஒருவருக்கு இந்த 500 ரூபாயைத் தருகிறேன் ஆனால் அதற்கு முன்” என சொல்லி
அந்த 500 ரூபாயைக் கசக்கி சுருட்டினார். பிறகு அதை சரி செய்து
“இப்போதும் இதன் மீது உங்களுக்கு இன்னும் விருப்பம் இருக்கிறதா?” என்றார்கள்.
அனைவரும் கையைத் தூக்கினர்.

அவர் அந்த ரூபாய் நோட்டை தரையில் போட்டு காலால் நசுக்கி அந்த அழுக்கான நோட்டை காட்டி
“இன்னும் இதன் மேல் உங்களுக்கு விருப்பம் இருக்கிறதா? என்றார்
அனைவரும் இப்போதும் கைகளை தூக்கினர்.

அவர் தொடர்ந்தார் “கேவலம் ஒரு 500 ரூபாய்தாள் பல முறை கசங்கியும் மிதிப்பட்டும் அழுக்கடைந்தும்
அதன் மதிப்பை இழக்கவில்லை. ஆனால் மனிதர்களாகிய நாம் அவமானப் படும் போதும் ,
தோல்விகளை சந்திக்கும் போதும் மனமுடைந்து போய் நம்மை நாமே தாழ்த்தி கொள்கிறோம் .
நம்முடைய மதிப்பு என்றைக்கும் குறைவதில்லை. நீங்கள் தனித்துவமானவர்.

இவ்வுலகில் உள்ள ஒவ்வொருவருக்கும் ஒவ்வொர்ருத் தனித் தன்மை இருக்கும்.
அதன் மதிப்பு என்றைக்கும் குறைவதில்லை. வாழ்கை என்ற பயிர்க்கு
தைரியமும் தன்னம்பிக்கையும் தான் உரமும் பூச்சிக்கொள்ளிகளும்.
ஆகையால் தன்னம்பிக்கையை இழக்காமல் வாழுங்கள் “

நன்றி - கால்கரி சிவா

mdkhan · mdkhan Tue Nov 10, 2009 6:56 pm

ஆம்........... உண்மையான செய்தி....

நாம் ஒவ்வொரு செயலை செய்யும்போதும் அதை சாதனையாக நினைத்தோம் என்றால் உண்மையில் ஒரு நாள் சாதனை படைக்க தொடங்கிவிடுவோம்.

சாதனை படைப்பவர் எவரும் புதிதாக வானத்தில் இருந்து குதிப்பவர்கள் அல்ல. தன்னுடை அன்றாட வாழ்க்கையில் கற்றுக்கொளும் பாடமும். படும் தோல்விகளும்தான் ஒரு நாள் சாதனையாக உருவெடுக்கிறது.

மற்றவர்கள் செய்யமுடியாத சிரமமான செயல்கள்தான் எல்லோராலும் பாராட்டப்படும் சாதனையாக மாறுகிறது. அப்படி இருக்கும்போது அதை மிக எளிதாக உடனே நாம் கற்றுக்கொள்ள இயலுமா ?

இன்று சாதிக்க நினைப்பவர்களே வருங்காலத்தில் சாதனையாளர்கள்.......

முன்பு சாதிக்க துடித்தவர்களே இன்றைய சாதனையாளர்கள்....

உங்களின் மதிப்பு என்ன? 154550