ஜெயலலிதா சொத்துக்குவிப்பு மேல்முறையீட்டு வழக்கில் தீர்ப்பு வழங்க உச்ச நீதிமன்றம் தடை!

**ayyasamy ram** · **ayyasamy ram** Tue Apr 07, 2015 9:01 pm

புதுடெல்லி: அதிமுக பொதுச் செயலாளர் ஜெயலலிதா மீதான சொத்துக்குவிப்பு மேல்முறையீட்டு வழக்கில் கர்நாடக உயர் நீதிமன்றம் தீர்ப்பு வழங்க, உச்ச நீதிமன்றம் இடைக்கால தடை விதித்துள்ளது.
-
ஜெயலலிதா சொத்துக்குவிப்பு மேல்முறையீட்டு வழக்கில் தீர்ப்பு வழங்க உச்ச நீதிமன்றம் தடை! FV2MlQOdTrKc1INeXkqC+sasikala-elavarasi-jaya-sudhakaran1

ஜெயலலிதா சொத்துக்குவிப்பு மேல்முறையீட்டு வழக்கில் தீர்ப்பு வழங்க உச்ச நீதிமன்றம் தடை! FV2MlQOdTrKc1INeXkqC+sasikala-elavarasi-jaya-sudhakaran1

-
ஜெயலலிதா உள்ளிட்ட 4 பேரின் மேல்முறையீட்டு மனுக்கள் மீது, கர்நாடக உயர் நீதிமன்ற நீதிபதி குமாரசாமி முன்னிலையில் விசாரணை நடைபெற்றது. இந்த வழக்கின் விசாரணை முடிவடைந்த நிலையில், தீர்ப்பு தேதியை குறிப்பிடாமல் நீதிபதி ஒத்திவைத்தார்.

இந்நிலையில், ஜெயலலிதா சொத்துக்குவிப்பு மேல்முறையீடு வழக்கில் அரசு தரப்பு வழக்கறிஞர் பவானி சிங்கை நீக்கக் கோரி திமுக பொதுச்செயலாளர் க.அன்பழகன் தரப்பில் உச்ச நீதிமன்றத்தில் மனு தாக்கல் செய்யப்பட்டது.

அதில், பவானி சிங் நடுநிலையாக செயல்படவில்லை. எனவே அவரை நீக்கிவிட்டு, அரசு தரப்பில் வாதாட வேறு வழக்கறிஞரை நியமிக்கும் வரை ஜெயலலிதா வழக்கு விசாரணையை நிறுத்தி வைக்க வேண்டும் என்று தெரிவித்திருந்தார்.

இந்த மனு உச்ச நீதிமன்ற நீதிபதிகள் மதன் பி லோக்கூர், பானுமதி கொண்ட அமர்வு முன்பு இன்று விசாரணைக்கு வந்தது. அப்போது, அன்பழகன் தரப்பில் வழக்கறிஞர் அர்ஜூனா, சண்முகசுந்தரம் ஆகியோரும், ஜெயலலிதா தரப்பில் மூத்த வழக்கறிஞர் பாலி எஸ்.நாரிமன், துள்சி ஆகியோரும் ஆஜராகி வாதாடினர்.

இரு தரப்பு வாதங்களையும் கேட்ட நீதிபதிகள், அன்பழகன் மனு மீதான தீர்ப்பு வரும் 15ஆம் தேதி வழங்கப்படும் என்று கூறியதோடு, சொத்துக் குவிப்பு வழக்கில் ஜெயலலிதா, சசிகலா, இளவரசி, சுதாகரன் உள்ளிட்ட 4 பேரின் மேல்முறையீட்டு மனு மீதான தீர்ப்பை 15ஆம் தேதி வரை வழங்க இடைக்கால தடை விதித்து உத்தரவிட்டனர்.
==
விகடன்

**krishnaamma** · **krishnaamma** Tue Apr 07, 2015 9:48 pm

இன்னும் எத்தனை நாள் இப்படி இழுத்தடிப்பாங்களோ ?........... சோகம்

**ராஜா** · **ராஜா** Tue Apr 07, 2015 10:30 pm

நடத்துங்க நடத்துங்க ... பள்ளியில் படிக்கும் போது நண்பனுடன் சேர்ந்து எதாவது சேட்டை பண்ணினால் வாத்தியார் "உன்னால நான் கேட்டேன் என்னால நீ கேட்டே" என்று சொல்லிகிட்டே ஒருத்தர் காதை இன்னொருத்தர் பிடித்துகிட்டு தோப்புகரணம் போட சொல்லுவார்.

அதுபோல இருக்கு இவனுங்க பண்ணுற அட்டகாசம் ... புன்னகை

" உன்னால நான் வாழ்கிறேன் , என்னால நீ வாழ்கிறாய் "

Sponsored content · Sponsored content

ஜெயலலிதா சொத்துக்குவிப்பு மேல்முறையீட்டு வழக்கில் தீர்ப்பு வழங்க உச்ச நீதிமன்றம் தடை!

ஜெயலலிதா சொத்துக்குவிப்பு மேல்முறையீட்டு வழக்கில் தீர்ப்பு வழங்க உச்ச நீதிமன்றம் தடை!

Re: ஜெயலலிதா சொத்துக்குவிப்பு மேல்முறையீட்டு வழக்கில் தீர்ப்பு வழங்க உச்ச நீதிமன்றம் தடை!

Re: ஜெயலலிதா சொத்துக்குவிப்பு மேல்முறையீட்டு வழக்கில் தீர்ப்பு வழங்க உச்ச நீதிமன்றம் தடை!

Re: ஜெயலலிதா சொத்துக்குவிப்பு மேல்முறையீட்டு வழக்கில் தீர்ப்பு வழங்க உச்ச நீதிமன்றம் தடை!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக