சிங்கத்துடன் உலா வரத் தயாரா?

-
மொரீஷியஸ் நாட்டின் மேற்கு முனையருகே,
1,000 ஏக்கர் பரப்பளவில், கேசெல்லா என்ற
இயற்கை பூங்கா ஒன்று அமைந்துள்ளது.

இங்கு, வெள்ளை சிங்கம், சிறுத்தை, புலி,
காட்டுப்பூனை, ஒட்டகச் சிவிங்கி, ராட்சச ஆமை
மற்றும் நீண்ட வால் குரங்கு போன்ற விலங்குகளும்,
1,500 வகையான பறவைகளும் உள்ளன.

இந்த இயற்கை பூங்காவின் மற்றொரு சிறப்பு
என்னவென்றால், சிங்கங் களுடன் கை கோர்த்தபடி
நடக்கலாம்; அவற்றின் மீது ஏறி, சவாரியும் போகலாம்.

அத்துடன், நன்கு பழக்கப்படுத்தப்பட்ட இரு
சிங்கங்களுடன் இரு பயிற்சியாளர்கள் பின் தொடர,
அவர்களுக்கு பின், 11 சுற்றுலா பயணிகள் வரை
அணிவகுத்து செல்லலாம்.

ஒவ்வொருவருக்கும் ஒரு தடி கொடுக்கப்படும்.
தடி வைத்திருப்போரை சிங்கம் நெருங்காது;
தொந்தரவும் தராது.

வழியில், இச்சிங்கங்கள் மரத்தில் ஏறும்; ஒன்றை
ஒன்று கொஞ்சும்; திடீரென, படுத்துக் கொள்ளும்.
இச்சமயங்களில், சுற்றுலா பயணிகள் அவற்றின்
அருகில் நின்று புகைப்படம் எடுத்துக் கொள்ளலாம்;
தொடலாம்; எதுவும் செய்யாது.

* இச்சிங்கங்களுடன் ஒரு மணி நேரம் உலா வர,
3,500 ரூபாய் கட்டணமாக வசூலிக்கப்படுகிறது.
* நுழைவுக் கட்டணம், 700 ரூபாய் தனி.

*இப்பூங்காவுக்குள் நாள் முழுவதும் பொழுதை கழித்து,
அனைத்தையும் ரசிக்கலாம். அத்துடன், குழந்தைகள்
விளையாட தனி இடமும் உண்டு.

*இங்கு, சிங்கம் மட்டுமல்ல; புலி சவாரியும் உண்டு.

*இத்தகைய சவாரிகளுக்கு, 15 வயதுக்கு மேற்
பட்டவர்களுக்கு மட்டுமே அனுமதி.
* காலை, 9:00 மணி முதல் மாலை, 5:00 மணி வரை
பூங்கா திறந்திருக்கும்.

* கிறிஸ்துமஸ் மற்றும் புத்தாண்டு நாட்களில்
மட்டுமே விடுமுறை.

* இங்குள்ள, ‘கைடு’கள் ஆங்கிலம் மற்றும் பிரெஞ்ச்
மொழியில் அழகாக வர்ணிப்பது கூடுதல் சிறப்பு.

என்ன… இந்த கோடை விடுமுறையை கொண்டாட
மொரீஷியஸ் செல்ல தயாராகி விட்டீர்களா!
-[
——————————

— செல்வகணபதி
வாரமலர்