போட்டுகிட்டா ரெண்டு பேரும் சேர்ந்து போட்டுக்கணும் தாலி !

seltoday · seltoday Mon 6 Apr 2015 - 12:32

ஒலகம் புதுசா மாறும் போது பழைய மொறையை மாத்திக்கணும்
போட்டுகிட்டா ரெண்டுபேரும் சேர்ந்து போட்டுக்கணும் தாலி

இந்த வரிகளுடன் கூடிய பாடலை ,1960 ஆம் ஆண்டு கே,வி.மகாதேவன் இசையமைப்பில் வெளிவந்த 'வீரக்கனல் ' திரைப்படத்திற்காக பட்டுக்கோட்டை கல்யாணசுந்தரம் எழுதியுள்ளார் .இந்தப் பாடலை எல்.ஆர். ஈஸ்வரியும் ,எஸ்,சி .கிருஷ்ணனும் பாடியுள்ளனர் .

இந்தப் பாடலைப் பார்க்க :-

http://www.pattukkottaiyar.com/site/?p=452

தற்போது தாலி குறித்து நிறைய சர்ச்சைகள் கிளம்பியுள்ளன . மேலே குறிப்பிட்ட இரண்டு வரிகள் தான் தீர்வு . பெண்களைப் பார்த்து என்னென்ன கேள்விகள் கேட்கிறோமோ ,அதே கேள்விகளை ஆண்களைப் பார்த்துக் கேட்கும்போது தான் ஆண் -பெண் சமத்துவம் நிகழும் .

தாலி அணிவதும் அணியாமல் இருப்பதும் இன்றைய நிலையில் தனி மனித சுதந்திரமாகவே பார்க்க முடிகிறது . கிறித்துவ திருமணங்களின் போது மோதிரம் மாற்றிக் கொள்ளப்படுகிறது . அந்த மோதிரங்களைக் கழற்றி வைப்பார்களா ? அல்லது எப்போதும் அணிந்தே இருப்பார்களா ? என்று தெரியவில்லை .ஆனாலும் மணமுடிக்கும் இருவருமே மோதிரம் அணிகிறார்கள் .அப்படிப் பார்த்தால் இந்து சமய முறையில் மணமுடிக்கும் போதும் இருவருமே தாலி அணிந்து கொள்வது தானே நியாயமாக இருக்கும் . பெண்களை ஒடுக்குவது மட்டும் தான் இந்து கலச்சாரமா ?

ஒலகம் புதுசா மாறும் போது பழைய மொறையை மாத்திக்கணும்
போட்டுகிட்டா ரெண்டுபேரும் சேர்ந்து போட்டுக்கணும் தாலி.....

**ayyasamy ram** · **ayyasamy ram** Mon 6 Apr 2015 - 13:05

போட்டுகிட்டா ரெண்டு பேரும் சேர்ந்து போட்டுக்கணும் தாலி ! 103459460

**T.N.Balasubramanian** · **T.N.Balasubramanian** Mon 6 Apr 2015 - 15:20

தாலி வேண்டுமா அல்லது வேண்டாமா ? விவாதம் போய் கொண்டு இருக்கிறது.
போட்டுக்கிட்டா ரெண்டு பேரும் போட்டுக்க வேண்டும் என்கிறீர் நீர் !
தனியா ஒருத்தர் மட்டும் போட்டு கொண்டால் போதாதா ? அதாவது ஆண்கள் மட்டும் !

ரமணியன்

**M.Saranya** · **M.Saranya** Mon 6 Apr 2015 - 16:57

இது சர்ச்சைக்கு உரிய விடயம்....
என்னை பொருத்தவரை இதனை நாம் பெண்களிடமே விட்டுவிடுவது தான் உத்தமம் ....தாலி எந்த பெண்ணுக்கு முக்கியம் என்று படுகிறதோ அவர்கள் அணியலாம்.
எந்த பெண்ணிற்கு பாரமாக அல்லது தேவைபடவில்லையோ அவர்கள் அணிய தேவை இல்லை...

அனால் இதில் அடக்கு முறை என்ற பேச்சிற்கே இடமில்லை ...ஆண்களை அணிய சொல்வதிலும் அர்த்தமில்லை...

monikaa sri · monikaa sri Mon 6 Apr 2015 - 17:14

கிறிஸ்தவ திருமணங்களில் மோதிரம் போடுவது ,மோதிர விரலின் நரம்பு இதயத்தில் இணைவதால் அன்பு கணவனின் காதல் நெஞ்சத்தில் இருக்க வேண்டும் என்பதால்.இந்து திருமணங்களில் தாலி கட்டுவது நெஞ்சின் மீது இருப்பதால் கணவனின் காதல் நெஞ்சுக்குள்ளேஇருக்க வேண்டும் .ஏனென்றல் பெண்கள் மிக்க அன்புடையவர்கள்.பொய்யும் வழுவும் தோன்றிய பின்னர்தான் தாலி வந்தது என்பர் நம் முன்னோர்.

பாலாஜி · பாலாஜி Mon 6 Apr 2015 - 17:24

போட்டுகிட்டா ரெண்டு பேரும் சேர்ந்து போட்டுக்கணும் தாலி ! 5vmuhwcLQLSC3FlgNp5g+10157204_617256248350193_4996775364043494558_n

**சிவா** · **சிவா** Mon 6 Apr 2015 - 17:31

முட்டாள்தனமான கருத்தை முன்வைத்துள்ளீர்கள்!

ஒரு பெண் தாலி அணிய வேண்டும் என்று இப்பொழுது எந்த ஆணும் கட்டாயப்படுத்துவதில்லை!

என் மனைவிக்கு நான் தாலி கட்டிய மூன்றாம் நாள் என்னமோ தாலி தோஷம் என்று தாலியைக் கழற்றி வைத்துவிட்டார்!

இதுவரை தாலியில்லாமல் தான் இருக்கிறார்! அதை ஒரு பொருட்டாகவே நான் இதுவரை நினைத்ததில்லை!

ஆனால் பெண்கள் தாலி அணியக் கூடாது, அதை அறுக்க வேண்டும் என்று சில பேடிகள் பேசும் பொழுது, என் மத்தத்தின் அடையாளச் சின்னத்தின் மீது அவமானத்தை உண்டாக்க நினைக்கும் எவனாக இருந்தாலும் வெட்டிச் சாய்க்க வேண்டும் என்ற வேட்கை உருவாவதைத் தடுக்க முடியவில்லை!

இஸ்லாத்தில் பெண்கள் அணியும் பர்தாவை ஏன் ஆண்களும் அணியக் கூடாது என்பது எவ்வளவு முட்டாள்தனமான கருத்தோ அதுபோலத்தான் இங்கு நீங்கள் கேட்டுள்ள கேள்வியும்!

seltoday · seltoday Mon 6 Apr 2015 - 18:57

55 ஆண்டுகளுக்கு முன்பு பட்டுக்கோட்டையார் எழுதிய வரிகள் இவை. சரண்யா அவர்கள் சொன்னது போல இதை பெண்களிடமே விட்டுவிடலாம். உணவு,உடை,இருப்பிடம் மற்றும் பயன்படுத்தும் பொருட்கள் என அனைத்திலும் கலாச்சாரத்தைச் சிதைத்துவிட்டு பெண்கள் தாலி அணிவதன் முலம் மட்டுமே கலாச்சாரத்தை காப்பாற்ற முடியும் என்று சொல்வது பெரிய முட்டாள்தனம். தற்போது மிஞ்சி அணிந்திருக்கும் ஆண்கள் தாராளமாக பெண்களை தாலி அணியச் சொல்லலாம். தாலி அறுக்கும் போராட்டம் மிகவும் அபத்தமானது. பொதுவுடைமைவாதியான பட்டுக்கோட்டையார் ஆண்-பெண் சமத்துவத்தை முன்வைத்தே இந்த வரிகளை முன்வைத்திருப்பார் என நினைக்கிறேன். நானும் அதே மனநிலையில் தான் நானும் பதிவிட்டுள்ளேன். இயல்பான இயற்கையான விசயமான பெண்களின் மாதவிடாயைக் கூட தீட்டு என்று சொல்லி ஒதுக்குவது எந்த விதத்திலும் நியாயம் இல்லை. அன்பும் அரவணைப்பும் தேவைப்படும் உடலளவில் வலி நிறைந்த நாட்களை மனதளவிலும் நெருக்கடிக்கு உள்ளாக்குகிறோம்.கலாச்சாரத்தில் ஆண்களின் பணி என்ன ?

**T.N.Balasubramanian** · **T.N.Balasubramanian** Mon 6 Apr 2015 - 20:50

பெரியார் --அவர்களின் வழி தோன்றல்கள் என்று கூறிக்கொண்டு --அவர் கூறாத விஷயங்களை கூறினதாக கூறிக்கொண்டு --தங்கள் வாழ்வாதாரத்தை பெருக்கிக் கொள்ள --அவர் பெயரை உபயோகப்படுத்திக்கொண்டு -
தங்கள் குடும்பத்தில் நடைமுறை படுத்த முடியாமல் --ஊரை ஏமாற்றிக்கொண்டு --தங்கள் தொண்டர்களின் தனிப்பட்ட விஷயங்களில் மூக்கை நுழைத்து --பாவம் தொண்டர்கள் வாய் திறந்து பேசவும் முடியாமல் -எதிர்த்து கேள்வியும் பயந்து /கேட்க திறனும் இன்றி படும் அவதிகள் யாவரும் வாய் மூடி பார்த்துக் கொண்டுதான் இருக்கிறார்கள் .
சுய மரியாதை கொள்கைகாரர்கள் என்று கூறிக்கொண்டு , திரியும் தலைவர்களின் மனைவிகள் கோயில் கோயிலாக போவதும், அவர்களுக்காக பூஜை செய்வதும் அன்றாடம் நாம் காண்கின்ற காட்சிகள் தான் .
மாங்கல்ய தாரணம் / தாலி பற்றி அதிக சமாசாரங்களை என்னால் தரமுடியும் .
இப்போதைய நிகழ்சிகள் நாங்களும் இருக்கிறோம் என்று தெரியபடுத்துகிற publicity stunt .
அது அவர்களுக்கும் தெரியும் . நமக்கும் தெரியும் என்பதும் அவர்களுக்கும் தெரியும் .

ரமணியன்

seltoday · seltoday Mon 6 Apr 2015 - 21:43

/அது அவர்களுக்கும் தெரியும். நமக்கும் தெரியும் என்பதும் அவர்களுக்கும் தெரியும்./

உண்மை தான் ரமணியன் சார்.

Sponsored content · Sponsored content

போட்டுகிட்டா ரெண்டு பேரும் சேர்ந்து போட்டுக்கணும் தாலி !

போட்டுகிட்டா ரெண்டு பேரும் சேர்ந்து போட்டுக்கணும் தாலி !

Re: போட்டுகிட்டா ரெண்டு பேரும் சேர்ந்து போட்டுக்கணும் தாலி !

Re: போட்டுகிட்டா ரெண்டு பேரும் சேர்ந்து போட்டுக்கணும் தாலி !

Re: போட்டுகிட்டா ரெண்டு பேரும் சேர்ந்து போட்டுக்கணும் தாலி !

Re: போட்டுகிட்டா ரெண்டு பேரும் சேர்ந்து போட்டுக்கணும் தாலி !

Re: போட்டுகிட்டா ரெண்டு பேரும் சேர்ந்து போட்டுக்கணும் தாலி !

Re: போட்டுகிட்டா ரெண்டு பேரும் சேர்ந்து போட்டுக்கணும் தாலி !

Re: போட்டுகிட்டா ரெண்டு பேரும் சேர்ந்து போட்டுக்கணும் தாலி !

Re: போட்டுகிட்டா ரெண்டு பேரும் சேர்ந்து போட்டுக்கணும் தாலி !

Re: போட்டுகிட்டா ரெண்டு பேரும் சேர்ந்து போட்டுக்கணும் தாலி !

Re: போட்டுகிட்டா ரெண்டு பேரும் சேர்ந்து போட்டுக்கணும் தாலி !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக