பொடா (The Prevention Of Terrorism Act - POTA ) சட்டம்

**சிவா** · **சிவா** Sat Apr 04, 2015 12:18 am

பொடா (The Prevention Of Terrorism Act - POTA ) சட்டம் மலேசியர்களை என்ன செய்யும்?

பொடா (The Prevention Of Terrorism Act - POTA ) சட்டம் 11102607_849392948467137_7188740760924345906_n

எது தீவிரவாத இயக்கமாகக் கருதப்படும்:

பொடா சட்டப்பிரிவு 66பி -ன் கீழ் ஓர் இயக்கத்தை தீவிரவாத இயக்கமாக உள்துறை அமைச்சரே உறுதி செய்வார், அல்லது ஒரு காவல்துறை அதிகாரி தரும் அறிக்கையின் மேல் உள்துறை அமைச்சர் நம்பிக்கை கொண்டிருந்தால், சம்பந்தப்பட்ட அமைப்பை தீவிரவாத அமைப்பு என அறிவித்து அதனை அரசிதழில் வெளியிடும் அதிகாரம் பெற்றிருப்பார்

இந்தச் சட்டத்தின் கீழ் யார் வேண்டுமானாலும் காலவரையின்றி, விசாரணையின்றி தடுத்து வைக்கப்படலாம்.

“பொடா சட்டத்தில் கைது செய்யப்பட்டால் அதற்கு நீதிமன்ற மறுவிசாரணை கிடையாது. இன்னும் சொல்லப்போனால் உங்களுக்கென்று ஒரு வழக்கறிஞரை நியமிக்க முடியாது.

விடுதலை செய்யுமாறு நீதிபதியிடமும் கோரிக்கை வைக்க முடியாது. எந்த ஒரு விசாரணையும் இன்றி தடுத்து வைக்கப்படுவீர்கள்.

(உங்களுக்கு எதிராக பல பொய்யான ஆதாரங்கள் காட்டப்படும் வாய்ப்புக்களும் உண்டு!)

நீங்கள் ஒரு தீவிரவாதியாக இருக்கத் தேவையில்லை. அதற்கு ஆதரவு தெரிவிக்கும் வகையில் ஏதாவது நடவடிக்கைகளில் ஈடுபட்டாலும் பொடா சட்டம் பாயும். உதாரணமாக, தமிழ் விடுதலைப் புலிகளுக்கு (உள்துறை அமைச்சு இதை தீவிரவாத இயக்கமாக அறிவித்துள்ளது) நிதியுதவி செய்தால் பொடாவில் கைது செய்யப்படுவீர்கள்.

ஐஎஸ்ஐஎஸ் சட்டைகள் அல்லது கொடிகளை இரவுக் கடைகளில் (பாசார் மாலாம்) வாங்கினாலும் கைது செய்யப்படுவீர்கள்.

ஐஎஸ்ஐஎஸ் சம்பந்தமான பேஸ்புக் பக்கத்தை ‘லைக்’ செய்தாலும் எந்த விசாரணையும் இன்றி தடுத்து வைக்கப்படுவீர்கள்” !

anikuttan · anikuttan Sat Apr 04, 2015 8:20 am

ஆங்கிலேயர்கள் ஆட்சியிலும் கூட இந்த அளவுக்கு கொடுமையான சட்டங்கள் இல்லையே .

**krishnaamma** · **krishnaamma** Sat Apr 04, 2015 9:29 am

**M.Saranya** · **M.Saranya** Sat Apr 04, 2015 10:22 am

**ராஜா** · **ராஜா** Sun Apr 05, 2015 11:24 am

anikuttan wrote:ஆங்கிலேயர்கள் ஆட்சியிலும் கூட இந்த அளவுக்கு கொடுமையான சட்டங்கள் இல்லையே .

இப்ப தானே தீவிரவாதம் அதிகமா தலைதூக்கியிருக்கு

**சிவா** · **சிவா** Tue Apr 07, 2015 12:11 pm

நாடாளுமன்றத்தில் ‘பொடா’ சட்டம் நிறைவேற்றப்பட்டது!

கோலாலம்பூர், ஏப்ரல் 7 – நாடாளுமன்றத்தில் இன்று அதிகாலை 2.26 மணியளவில், 79 நாடாளுமன்ற உறுப்பினர்களின் ஆதரவோடு, பயங்கரவாதத் தடுப்பு சட்டமான ‘பொடா’ நிறைவேற்றப்பட்டது. இதற்கு 60 நாடாளுமன்ற உறுப்பினர்கள் எதிர்ப்பு தெரிவித்தனர்.

எதிர்கட்சியினரின் கடுமையான எதிர்ப்புகளுடன் சுமார் 10 மணி நேரங்கள் நீடித்த விவாதங்களின் இறுதியில் இந்த முடிவு எடுக்கப்பட்டுள்ளது.

இந்த தீர்மானத்தை தாக்கல் செய்த உள்துறை அமைச்சர் அகமட் சாஹிட் ஹமீடி, எதிர்கட்சி நாடாளுமன்ற உறுப்பினர்களிடமிருந்து கடுமையான எதிர்ப்புகளைப் பெற்றார். அவர்கள் இந்த சட்டம் இன்னொரு உள்நாட்டுப் பாதுகாப்பு சட்டம் (ஐஎஸ்ஏ) என்று வர்ணித்தனர்.

எனினும், கொண்டுவரப்பட்ட இந்த சட்டத்தில் திருத்தங்கள் இருந்தால், தேவைப்படும் போது நிறைவேற்றப்படும் என்றும் சாஹிட் தெரிவித்துள்ளார்.

**ராஜா** · **ராஜா** Tue Apr 07, 2015 2:17 pm

ஏற்கனவே இந்தியாவில் இந்த பொடாவை போட்டு தான் அரசியலில் வேண்டாவதர்களை எல்லாம் உள்ளே தள்ளினார்கள் .. இப்ப அங்குமா சோகம்

Sponsored content · Sponsored content

பொடா (The Prevention Of Terrorism Act - POTA ) சட்டம்

பொடா (The Prevention Of Terrorism Act - POTA ) சட்டம்

Re: பொடா (The Prevention Of Terrorism Act - POTA ) சட்டம்

Re: பொடா (The Prevention Of Terrorism Act - POTA ) சட்டம்

Re: பொடா (The Prevention Of Terrorism Act - POTA ) சட்டம்

Re: பொடா (The Prevention Of Terrorism Act - POTA ) சட்டம்

Re: பொடா (The Prevention Of Terrorism Act - POTA ) சட்டம்

Re: பொடா (The Prevention Of Terrorism Act - POTA ) சட்டம்

Re: பொடா (The Prevention Of Terrorism Act - POTA ) சட்டம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக