100 ஆண்டுகளுக்குப் பிறகு பொன்னேரி அகத்தீஸ்வரர் கோயில் தேர்த் திருவிழா

**சிவா** · **சிவா** Fri 3 Apr 2015 - 1:52

பொன்னேரியில் பழைமை வாய்ந்த ஸ்ரீஆனந்தவல்லி வலம் கொண்ட ஸ்ரீஅகத்தீஸ்வரர் கோயிலில் 100 ஆண்டுகளுக்குப் பிறகு கடந்த 26-ஆம் தேதி பிரம்மோத்ஸவ விழா கொடியேற்றத்துடன் தொடங்கியது. இதையடுத்து அகத்தீஸ்வரர், ஆனந்தவல்லி தாயார் மாட வீதியில் நாள்தோறும் வீதியுலா வந்தனர்.

திருவள்ளூர் மாவட்டம், பொன்னேரி பழைய பேருந்து நிலையம் அருகே ஆரணி ஆற்றங்கரையோரம் இக்கோயில் அமைந்துள்ளது. சோழர் காலத்தில் கட்டப்பட்ட இந்தக் கோயில் கடந்த 11 ஆண்டுகளுக்கு முன் பாழடைந்த நிலையில் காணப்பட்டது. பின் கோயிலை புனரமைத்து அப்போது மகா கும்பாபிஷேகம் நடத்தப்பட்டது.

கும்பாபிஷேகம் நடைபெற்ற நிலையிலும் இதுவரை கோயிலில் பிரம்மோத்ஸவ விழா நடைபெறவில்லை. கடந்த 100 ஆண்டுகளுக்கு முன்பு இக்கோயிலில் பிரம்மோத்ஸவ விழா நடைபெற்றதாக கூறப்படுகிறது.

இந்நிலையில் இந்த ஆண்டு தற்போது பிரம்மோத்ஸவ விழா கடந்த 26-ஆம் தேதி கோயில் கொடியேற்றத்துடன் தொடங்கியது. பிரம்மோத்ஸவ விழாவின் 7-ஆம் நாளான புதன்கிழமை தேர்த் திருவிழா நடைபெற்றது. பூக்களால் அலங்கரிக்கப்பட்ட திருத்தேரில் அகத்தீஸ்வரர், ஆனந்தவல்லி தாயார் அமர்ந்த நிலையில் மாட வீதிகளில் வீதியுலா வந்தனர். ஆயிரக்கணக்கான பக்தர்கள் தேரை வடம் பிடித்து இழுத்துச் சென்றனர். மதியம் 2 மணி அளவில் தேர் நிலையை அடைந்தது. தேர்த் திருவிழாவுக்கான உபயத்தை பொன்னேரி நகர அனைத்து வியாபாரிகள் சங்கத்தினர் செய்திருந்தனர். விழாவில் கலந்து கொண்ட பக்தர்களுக்கு அன்னதானம் வழங்கப்பட்டன.

**ayyasamy ram** · **ayyasamy ram** Fri 3 Apr 2015 - 5:51

100 ஆண்டுகளுக்குப் பிறகு பொன்னேரி அகத்தீஸ்வரர் கோயில் தேர்த் திருவிழா 103459460

100 ஆண்டுகளுக்குப் பிறகு பொன்னேரி அகத்தீஸ்வரர் கோயில் தேர்த் திருவிழா

100 ஆண்டுகளுக்குப் பிறகு பொன்னேரி அகத்தீஸ்வரர் கோயில் தேர்த் திருவிழா

Re: 100 ஆண்டுகளுக்குப் பிறகு பொன்னேரி அகத்தீஸ்வரர் கோயில் தேர்த் திருவிழா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக