புற்றுநோய்க்கு காரணம் சிகரெட் இல்லையாம்....!

புதுடில்லி: 'சிகரெட், பீடி போன்ற புகையிலை பொருட்களை பயன்படுத்துவ தால் தான் புற்றுநோய் வருகிறது என, இந்தியாவில் மேற்கொள்ளப்பட்ட ஆராய்ச்சிகள் ஏதும் தெரிவித்துள்ளதா... இல்லையே. எதன் அடிப்படையில், புகைபிடித்தால், புற்றுநோய் வரும் என கூறி, ஏராளமான தொழிலாளர்களின் வயிற்றில் அடிக்க முயற்சிக்கிறீர்கள்...' என, பா.ஜ., - எம்.பி., ஒருவர் கேள்வி எழுப்பியுள்ளார்.

விற்பனைக்கான சிகரெட் பாக்கெட்டில், 'புகைபிடித்தல் உடல் நலத்திற்கு தீங்கானது' என்ற வாசகத்துடன், புகை பிடித்ததால் பாதிக்கப்பட்ட நுரையீரல், வாய் போன்றவற்றின் படங்கள் அச்சிடப்பட்டுள்ளன. இப்போது, 40 சதவீதமாக இருக்கும் இந்த எச்சரிக்கை படங்கள், இன்று முதல், 85 சதவீதமாக அதிகரிக்கப்பட வேண்டும் என, சிகரெட் தயாரிப்பு நிறுவனங்களுக்கு மத்திய அரசு உத்தரவிட்டுள்ளது. இந்நிலையில், புகையிலை பொருட்கள் பயன்பாடு குறித்த பார்லி மென்ட் குழு, இதுகுறித்து ஆய்வு செய்தது. இந்தக் குழுவுக்கு, மகாராஷ்டிராவை சேர்ந்த, பா.ஜ., - எம்.பி., திலிப் காந்தி தலைமை வகித்தார். எச்சரிக்கை படங்களின் சதவீதத்தை உயர்த்தக் கூடாது என, அவர் அறிக்கை அளித்துள்ளார்.மேலும் அவர், மத்திய சுகாதார துறை அமைச்சர், ஜே.பி.நட்டாவிடமும் அறிக்கை சமர்ப்பித்து உள்ளார்.

அதன் முக்கிய அம்சங்களாவன:

* புகை பிடித்தால் புற்று நோய் வரும் என, இந்தியாவில் மேற்கொள்ளப்பட்ட ஆய்வுகளில் எதிலும் தெரிவிக்கப்படவில்லை. வெளிநாடுகளில் மேற்கொள்ளப்பட்ட ஆய்வுகளின் அடிப்படையில், இந்தியாவில் இத்தகைய கெடுபிடி அவசியமா... (உலகதிலுள்ள அத்தனை அறிவாளுகளும் நம்ம நாட்டிலதான்யா இருக்கானுக)

* இந்தியாவில் புகையிலை விளைச்சல் மற்றும் பீடி சுற்றும் தொழிலில் கோடிக்கணக்கான ஏழைகள் ஈடுபட்டுள்ளனர். புகைபிடித்தலுக்கு எதிரான பிரசாரத்தால், அத்தகைய ஏழைகள் பாதிக்கப்பட வாய்ப்பு உள்ளது.

* எனவே, சிகரெட் மற்றும் புகையிலை பொருட்கள் அட்டையில், 85 சதவீத எச்சரிக்கை படங்கள் அமல்படுத்துவதை தள்ளி வைக்க வேண்டும். இவ்வாறு, அதில் தெரிவிக்கப்பட்டுள்ளது.

திலிப் காந்தியின் இந்த அறிக்கைக்கு, பலதரப்பிலிருந்தும் எதிர்ப்பு கிளம்பியுள்ளது.

பா.ஜ.,வைச் சேர்ந்த மத்திய அமைச்சர் பிரகாஷ் ஜாவடேகர் கூட எதிர்ப்பு தெரிவித்துள்ளார். ''காந்தியின் கருத்தில் எனக்கு உடன்பாடில்லை,'' என, அவர் கூறியுள்ளார்.

தேசியவாத காங்கிரஸ் தலைவர் சரத் பவார் மகள் சுப்ரியா சுலே, ''அவரின் அறிக்கையை பார்த்து, நான் அதிர்ச்சி அடைந்து விட்டேன். புற்றுநோய் பற்றி அவர் சரிவர அறியவில்லை என்பது இதில் தெரிய வருகிறது,'' என்றார்.

புள்ளிவிவரம்:

* கடந்த, 2011ல், புகையிலை தொடர்பான நோய்களால் பாதிக்கப்பட்டவர்களுக்கான சிகிச்சை மற்றும் பொருளாதார பாதிப்பு செலவு, 1 லட்சம் கோடி ரூபாய். இது, அந்த ஆண்டில், மத்திய, மாநில அரசுகள், சுகாதாரத்திற்காக செலவழித்த தொகையை விட, 12 சதவீதம் அதிகம்.

* உலகிலேயே இந்தியாவில் தான், வாய் புற்றுநோய் அதிகமாக உள்ளது. ஒவ்வொரு ஆண்டும், 75 ஆயிரம் முதல், 80 ஆயிரம் புதியவர்களுக்கு இந்த நோய் பாதிப்பு ஏற்படுகிறது.

இப்படி சொல்லியாச்சா விளங்கிடும்