அரசால் முற்றிலும் கைவிடப்பட்ட அண்ணா நூலகம்

**ayyasamy ram** · **ayyasamy ram** Mon Mar 30, 2015 7:47 am

தற்போது வரை, நான்கு ஆண்டு கால நிலவரம்
வருமாறு:
-
* இணை இயக்குனர் உட்பட, அரசு அதிகாரிகள்
யாரும் ஆய்வுக்கு வரவில்லை.
-
* நான்கு ஆண்டுகளாக, புதிய தேர்வுகள், பாடங்கள்,
பருவ இதழ்கள் அறிமுகமானாலும், புதிதாக ஒரு
புத்தகம் கூட வாங்கவில்லை.
-
* பார்வையற்றோருக்கான,'பிரெய்லி' பிரிவு
பராமரிப்பின்றி, பார்வையற்ற நிலையில் கிடக்கிறது.
-
* புத்தக அலமாரிகள் புத்தகங்கள் குறைவால் துாசி
படிந்துள்ளன.
-
* குழந்தைகள் பிரிவில், 'காமிக்ஸ்' புத்தகங்கள் மட்டுமே
உள்ளதால், குழந்தைகளை அழைத்து வர பெற்றோர்
தயங்குகின்றனர்.
-
* கோல்கட்டா ராஜாராம் மோகன் ராய் நூலக அறக்
கட்டளையின் நிதியுதவிடன், குழந்தைகள் பிரிவில்
நடந்து வந்த, பல கல்விப் போட்டிகள், நான்கு
ஆண்டுகளாக நிறுத்தப்பட்டுள்ளன.
-
* மாதம், 15 லட்சம் ரூபாய் ஒதுக்கியும், வளர்ச்சிப்
பணிகள் நடக்கவில்லை.
-
* போட்டித் தேர்வுப் பிரிவில் புதிய புத்தகங்களின்றி,
பட்டதாரிகள் வரத்து குறைந்து விட்டது.
-
* நூலக அதிகாரிகள், ஊழியர்களுக்கு பணி நிரந்தரம்,
ஊதிய உயர்வு, பணி விதிகள், பதிவேடுகள் எதுவுமே
இல்லை.

* நூலகத்தைக் கண்டுகொள்ள அரசு முன் வராததால்,
23 அலுவலர்கள் ராஜினாமா செய்து, வேறு பணிக்கு
சென்று விட்டனர்.
-
* மீதமுள்ள பணியாளர்களும், ராஜினாமா செய்ய
திட்டமிட்டுள்ளனர்.
-
* நூலக வளாகத்தில் உள்ள ஆராய்ச்சி படிப்பு
மாணவர்களுக்கான விடுதி, காவலாளிகள்
தங்குமிடமாக மாறியுள்ளது.
-
* அமெரிக்க வெளியுறவு அமைச்சர், ஹிலாரி கிளின்டன்
பார்த்து வியந்த, 1,500 பேர் அமரும் வகையிலான
ஆடிட்டோரியம், ஆள் அரவமின்றி, பூட்டிக் கிடக்கிறது.

* மொட்டை மாடியில் நூல் வெளியீட்டுக்காக
அமைக்கப்பட்ட சர்வதேச திறந்வெளி அரங்கம் ஓரம்
கட்டப்பட்டுள்ளது.
-
* ஊழியர்களுக்கு அடையாள அட்டை இல்லாததால்,
அலுவலர் யாரென்று வாசிப்பாளர்களுக்கே தெரியவில்லை.
-
* எட்டு மாடிகளில் பொருத்தப்பட்ட, 500 கேமராக்கள்
இயக்கப்படாமல், அவற்றின், 'லென்ஸ்'கள் செயலிழந்துள்ளன
-.
* நூலகத்தின் வரவேற்பு மற்றும் தகவல் மையத்தில்
பணியாற்ற ஆளின்றி, கேட்பாரின்றி கிடக்கிறது.
-
* கணினிகள் இயங்காமல், 'ஆன் லைன்' இணைப்பின்றி,
டிஜிட்டல் லைப்ரரி திறக்கப்படவில்லை.
-
* புத்தகங்கள் திருட்டைத் தடுக்க முடியவில்லை.
-
* ஓலைச் சுவடிகளுக்கான தனிப்பிரிவு மாயமாகி விட்டது.
-
* புத்தகங்களுக்கான சரியான தகவல் விவரம் இல்லை.
-
* வாசிப்பாளர்கள் வருகை, 2,000லிருந்து, 1,200 ஆகக்
குறைந்து விட்டது.
-
* முக்கியப் புத்தகங்களை நகலெடுக்க, ஒவ்வொரு
மாடிக்கும், மிஷின் இல்லை. இதனால், பல கோடி ரூபாய்
முதலீட்டில் மேற்கொள்ளப்பட்ட அனைத்து வசதிகளும்,
பாழ்பட்டு, மக்களின் வரிப்பணம் வீணடிக்கப்பட்டுள்ளது.
-
-------------------------------------------
நன்றி: தினமலர்