இந்திய ஓபன் பேட்மிண்டன்

**சிவா** · **சிவா** Sun Mar 29, 2015 11:10 pm

ஆண்கள் பிரிவில் ஸ்ரீகாந்த் சாம்பியன் பட்டம் வென்றார்

டெல்லியில் நடைபெற்று வரும் இந்திய ஓபன் சூப்பர் சீரிஸ் பேட்மிண்டன் தொடரில் இந்திய வீரர் ஸ்ரீகாந்த் சாம்பியன் பட்டம் வென்றார்.

இன்று நடைபெற்ற இறுதிப்போட்டியில் பேட்மிண்டன் தர வரிசை பட்டியலில் 2வது இடத்தில் உள்ள ஸ்ரீகாந்தும், 6வது இடத்தில் உள்ள டென்மார்க்கின் விக்டர் ஏக்சல்சென்னும் மோதினர். இதில் முதல் கேமை ஸ்ரீகாந்த் 18-21 என்ற புள்ளி கணக்கில் கோட்டை விட்டார். எனினும் இரண்டாவது கேமில் திறமையாக விளையாடிய குண்டூர் புலி, அற்புதமாக விளையாடி 21-13 என்ற புள்ளி கணக்கில் கைப்பற்றினார்.

வெற்றியை தீர்மானிக்கும் மூன்றாவது கேமில் 12-10 என்ற புள்ளி கணக்கில் பின்தங்கியிருந்த ஸ்ரீகாந்த் தொடர்ந்து 11 புள்ளிகளை குவித்து 21-12 என்ற புள்ளி கணக்கில் கைப்பற்றி, முதல்முறையாக இந்திய ஓபன் சூப்பர் சீரிஸ் சாம்பியன் பட்டத்தை கைப்பற்றி அசத்தினார்.

**சிவா** · **சிவா** Sun Mar 29, 2015 11:11 pm

சாய்னா நேவால் அபார வெற்றி

டெல்லியில் நடைபெற்று வரும் இந்தியா ஓபன் சூப்பர் சீரிஸ் பேட்மிண்டன் தொடரில் இந்திய வீராங்கனை சாய்னா நேவால் வெற்றி பெற்றார்.

மகளிர் ஒற்றையர் பிரிவில் நேற்று மாலை நடைபெற்ற இரண்டாவது அரையிறுதி ஆட்டத்தில் ஜப்பான் வீராங்கனை ஹாஷிமோட்டோவுடன் சாய்னா நேவால் மோதி வெற்றி பெற்று இறுதிப் போட்டிக்குள் நுழைந்தார்.

முன்னதாக நடைபெற்ற மற்றொரு அரையிறுதியில், ரட்சனோக் இந்தனான், ஸ்பெயின் வீராங்கனை கரோலினா மரினை வென்றார். கரோலினா தோல்வியடைந்ததால், சர்வதேச தரவரிசையில் முதலிடத்தைப் பிடித்த முதல் இந்திய வீராங்கனை என்ற சாதனையை சாய்னா எட்டியது குறிப்பிடத்தக்கது.

இன்று நடைபெற்ற இறுதிப்போட்டியில், தாய்லாந்தின் ரட்சனோக் இந்தனான்-ஐ சாய்னா எதிர் கொண்டார். 21-16, 21-14 என்ற செட் கணக்கில் 49 நிமிடங்களில் ரட்சனோக் இந்தனான்-ஐ வீழ்த்திய சாய்னா நேவால், இந்த போட்டியில் வென்ற முதல் இந்திய வீராங்கணை என்ற சிறப்புக்குரிய தகுதியையும் பெற்றார்.

இந்திய ஓபன் பேட்மிண்டன்

இந்திய ஓபன் பேட்மிண்டன்

Re: இந்திய ஓபன் பேட்மிண்டன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக