அந்தமானை பாருங்கள் அழகு.......

இதோ எனது அந்தமான் பயணத்தின் அனுபவங்கள். அதாவது – மேலே பறப்பது என்பது இது தான் எனது முதல் மற்றும் புதிய அனுபவம். பொதுவாக train-னில் போகவே பயப்படுவேன். (நாம் போகும் நேரம் ஏதாவது    ஆகி விட்டால்....................)

ஆனால், இப்படி வெகு சீக்கிரமே, அதுவும் வா.........னூர்தியில் அந்தமான் போய்வருவேன் என்று நான் கனவிலும் நினைக்கவில்லை.

எங்கே - எடுத்த உடனே நமக்கு தப்பாக தான் தோன்றுகிறது.....  அதிலும், flight என்றால்.... தப்பிக்க குறைந்த பட்ச வாய்ப்பு கூட கிடைக்காத இடம்.  இதோ நேற்று கூட ஒரு விமான விபத்து ஏற்பட்டிருக்கிறது. அதனால், flight ஏறி போகும் ஆசையே எனக்கு வராமலிருந்தது. அது மட்டுமில்லை. இந்த சுனாமி வந்ததில் இருந்து, டூர் என்ற பெயரில் அந்தமானுக்கும்  போய்விடக்கூடாது என்று முடிவெடுத்திருந்தேன். (நான் முடிவு செய்துவிட்டால்....? நமது முடிவை எல்லாம் யார் இங்கே பரிசீலித்து கொண்டிருக்கிறார்கள்....?)

அதனால், ‘எது நடக்க வேண்டுமோ அது நன்றாகவே நடக்கட்டும்....’ என்று துணிந்து(!) அனைவருடனும் (எங்களுடன் என் மாமனார், மாமனாரின் தங்கை மற்றும் என் தம்பி என மொத்தம் நாங்கள் 6 பேர்கள்) கிளம்பிவிட்டேன்.

கூடவே, “கடவுளே...! அந்தரத்தில் யாரும் ஹைஜாக் செய்யாமல் இருக்கவேண்டும்...” என்று வேண்டிக்கொண்டும்.........

இப்படி கனவு போல போனதும் தெரியாமல், வந்ததும் தெரியாமல் - அந்தமான் போய் வந்தது ரொம்பவே ஆச்சரியமாகத்தான் இருக்கிறது எனக்கு. இன்னமும் அந்த ஆச்சரியத்தில் இருந்து நான் மீளாமல் தானிருக்கிறேன்.

முடிந்த வரையிலும், அந்தமானின் அத்தனை அழகுகளையும் கொள்ளையடித்து கொண்டு வந்துவிட்டேன். கிறங்கடிக்கும் அழகின் மயக்கத்தை உடனே உங்களுடன் பகிர்ந்து கொள்ள நினைத்தால்............................. Oops...........! வழக்கம் போல no net connection.


ஒரு வழியாக போன் மூலமாக connection கிடைத்து, இதோ உங்களுடன் – இன்னொருமுறை என் அந்தமான் பயணம் மறுபடியும் துவங்குகிறது.

அடுத்து, அந்தமான் என்றாலே அழகிய கடற்கரைக்கு அடுத்த படியாக நம் நினைவிற்கு வருவது அந்தமான் ஜெயில் என்ற ‘செல்லுலார் ஜெயில்’ தான். அங்கு இரவு நேரங்களில் நடைபெறும் light and sound ஷோ பார்க்க சென்றோம். ஒரு மணி நேரம் தான். 6 மணிக்கு ஒன்று. 7 மணிக்கு ஒன்று என்று இரண்டு show நடத்துகிறார்கள். நபர் ஒருவருக்கு ரூபாய் 50/- கட்டணமாக வசூலிக்கப்படுகிறது. show-வின் போது ரெகார்டிங் & photo எடுக்க அனுமதி இல்லை. Show முடிந்த பிறகு ஆல் lights on-ல் இருக்கும் போது போட்டோ எடுக்கலாம்.

டேவிட் பர்ரி என்ற சிறை அலுவலர் செய்த கொடுமைகளை ஒலி, ஒளிக் காட்சியாக கண்டது நெஞ்சம் பதறடிக்க செய்வதாக இருந்தது. மிக அருமையாகவும், நேர்த்தியாகவும் இருந்தது. ஜெயிலின் கதை.... ஜெயிலின் மரம் மற்றும் தூக்கு மேடை கூட சிறையின் சோகத்தை சொல்லிய விதம்.... விம்ம வைக்கிறது மனதை.



சிறையின் முகப்பு.





Show துவங்கும் முன்.




Show முடிந்தது.

8 மணிக்கு show முடிவடைந்ததும். எங்கள் அறைக்கு வந்து சேர்ந்தோம். மறுநாள் காலை 8 மணிக்கெல்லாம் தயாராக இருக்கும் படி சொல்லிவிட்டு டிரைவர் கிளம்பி விட்டார்.

மறுநாள் காலை அதாவது, 14.3.2015 அன்று மறுபடியும் பயணம் துவங்கியது. இன்று Ross Island மற்றும் North Bay (Coral Island) போவதாக பயண திட்டம்.

முதலில் North Bay –



North Bay மற்றும் Ross Island செல்ல அபெர்டின் ஜெட்டியில் இருந்து படகுகள் செல்கிறது. போர்ட் ப்ளேயரில் இருந்து கொஞ்ச தூரம் தான். எங்களுக்காக முன் பதிவு செய்யப்பட்ட படகின் பெயர் கிங் க்ரூஸ்.





இதோ எங்களுக்கான படகு வந்து கொண்டிருக்கிறது.



லைஃப் ஜாகெட்டோடு எல்லோரும் அமர்ந்து விட்டோம். தீவுக்கு சற்று தொலைவிலேயே படகினை நிறுத்திவிடுகிறார்கள். இந்த படகோடு கொண்டு வரப்பட்ட சிறு படகுகளில் தான் நம்மை தீவுக்கு கூட்டிச்செல்கிறார்கள்.

அது glass bottom படகுகள்.



தீவு வருவதற்குள் இந்த தீவினை பற்றிய சிறு குறிப்பு..................................

நமது 20 ரூபாய் நோட்டில் இந்த தீவு தான் இருக்கிறது.



இந்த தீவினை Coral Island என்றும் அழைப்பார்கள். இங்கே தான் எல்லாவிதமான பவளப்பாறைகளும் இருக்கிறதாம். இந்த தீவின் சிறப்பே பவளப்பாறைகள் தானாம். டிஸ்கவரி சானலில் பார்த்ததை நேரிடையாக பார்க்கத்தான் இந்த ஐலாண்ட் விசிட்.

ஸ்கூபா டைவிங், சி வாக், ஃப்ளோடிங், கிளாஸ் போட் என்று விதவிதமாக, அவரவர் பட்ஜெட்டுக்கு ஏற்றமாதிரி கடலுக்கடியில் பரவிக்கிடக்கும் பவளப்பாறைகளை பார்வையிடலாம்.

ஸ்கூபா டைவிங் மற்றும் சி வாக் இவற்றிற்கு அபெர்டின் ஜெட்டியிலேயே டிக்கெட் வாங்கி விடவேண்டும். ஏனென்றால் இவை இரண்டிற்கும் தேவையான ஆக்சிஜன் சிலிண்டர் மற்றும் உபகரணங்கள் அபெர்டின் ஜெட்டியில் (முன் பதிவு செய்தவர்களுக்கு மட்டுமே) இருந்தே எடுத்து செல்லப்படுகிறது. இவை இரண்டிற்கும் தனித்தனியே ரூபாய் 3500/- கட்டணமாக வசூலிக்கப்படுகிறது. 10/12 மீட்டர் ஆழம் வரை கூட்டி சென்று நமக்கு பவளப்பாறைகளை காட்டுவார்களாம்.

ஃப்ளோடிங்-கில் பார்க்க கட்டணம் ரூபாய் 500/-
க்ளாஸ் போட்டில் பார்வையிட கட்டணம் ரூபாய் 300/-

நாங்கள் க்ளாஸ் போட்டில் சென்றோம். அதிலேயே மிக அழகாக பவளப்பாறைகளை பார்க்க முடிந்தது. அதில் சில படங்கள் இதோ –