போதையில் பாம்புடன் செல்பி எடுத்த புதுமாப்பிளை பலி

First topic message reminder :



தாராபுரம்: செல்போனில் தங்களை தாங்களே படம் எடுத்து வாட்ஸ்அப்பில் நண்பர்களுக்கு அனுப்புவது, பிரபலங்களுடன் சேர்ந்து நின்று ‘செல்பி’ எடுத்துக்கொள்வது என்ற கலாசாரம் வேகமாக பரவிக்கொண்டிருக்கிறது. தாராபுரத்தைச் சேர்ந்த புதுமாப்பிள்ளை நாகப்பாம்புடன் விளையாடி அதனை ‘செல்பி’ எடுத்து நண்பர்களுக்கு வாட்ஸ் அப்பில் அனுப்பிவிட்டு உயிரிழந்த பரிதாபம் நடந்துள்ளது. திருப்பூர் மாவட்டம் தாராபுரம் அருகேயுள்ள டி.காளிபாளையம் காந்தி நகரைச் சேர்ந்தவர் சந்திரகுமார்(வயது 27). கூலி தொழிலாளி. இவரது மனைவி செல்வி(23). இவர்களுக்கு கடந்த 8 மாதத்துக்கு முன்பு திருமணம் நடந்தது. இல்லற வாழ்க்கை இனிமையாகச் சென்று கொண்டிருந்தது.

வழக்கம் போல் வேலைக்கு சென்ற சந்திரகுமார் மாலையில் வீடு திரும்பினார். இரவில் மது குடித்துவிட்டு சாப்பிட்ட அவர் காற்றுக்காக வீட்டின் வெளியே உள்ள திண்ணையில் படுத்தார். பின்னர் செல்போனில் விளையாடத் தொடங்கினார். வாட்ஸ் அப்பில் நண்பர்களுக்கு படங்களை அனுப்பிக்கொண்டிருந்தார். நள்ளிரவில் நாகப்பாம்பு ஒன்று சந்திரகுமார் வீட்டின் அருகே வந்தது. அந்த நாகம் திண்ணையில் தூங்கிக்கொண்டிருந்த சந்திரகுமார் மீது ஊர்ந்து விளையாடியது.

போதையில் இருந்த அவர் உடல் மீது ஊர்வது கொடிய விஷமுள்ள நாகப்பாம்பு என்பதை அறியாமல் உருண்டு புரண்டு படுத்தார். அப்போது அங்கே நாகப்பாம்பு படமெடுத்தபடி நின்றது.மடியில் ஊர்ந்த நாகப்பாம்பை கையில் பிடித்து தனது செல்போனில் படம்(செல்பி) பிடித்தார். பின்னர் ‘எனது வீர தீர செயலை பாருங்கள்’ என்று நண்பர்களுக்கு வாட்ஸ் அப்பில் அனுப்பி வைத்தார். அந்த சமயத்தில் நாகப்பாம்பு சந்திரகுமாரை பல இடங்களில் கொத்தியது. விஷம் உடலில் பரவவே வாயில் நுரை தள்ளிய நிலையில் மயங்கி சாய்ந்தார். தனது கணவர் வாயில் நுரை தள்ளிய நிலையில் மயங்கி கிடப்பதை கண்டு அதிர்ச்சி அடைந்தார். அக்கம் பக்கத்தினரிடம் கூறவே அவர்கள் சந்திரகுமாரை உடனடியாக தாராபுரம் அரசு ஆஸ்பத்திரியில் சேர்த்தனர். இருப்பினும் சிகிச்சை பலனின்றி சந்திரகுமார் பரிதாபமாக இறந்தார். செல்பி மோகம் புதுமாப்பிள்ளையின் உயிரை பறித்த சம்பவம் அந்த பகுதியில் பெரும் சோகத்தை ஏற்படுத்தி உள்ளது.

ஏண்டா இப்படி பண்ணுறேங்க

பாம்பே படம் எடுக்குது .
நீ போய் எடுத்தா சும்மா இருக்குமா ?
நீ வாட்சபிலே போட்டா , சும்மா இருக்குமா அது ,
அது உன்னை போட்டுடுச்சு 
ரமணியன்

T.N.Balasubramanian wrote:பாம்பே படம் எடுக்குது .
நீ போய் எடுத்தா சும்மா இருக்குமா ?
நீ வாட்சபிலே போட்டா , சும்மா இருக்குமா அது ,
அது உன்னை போட்டுடுச்சு 
ரமணியன்

மேற்கோள் செய்த பதிவு: 1126883

அதுதானே?....படம் அதுமட்டும் தான் எடுக்கலாம்

சிவா அவர்களே !
பாம்பு இப்படிப் பாடியதோ?-

உன் ஆட்டமா? என் ஆட்டமா?
ஆண்டவன் தந்த ஆட்டம் !

விதி யாரைவிட்டதுங்க.......வீரதீரமென்பது விஷஜந்துக்களிடம் கூடாதுன்னு தெரிய புரிய வைத்துவிட்டது.........எல்லாம் மதுமயக்கமே...........