"பிட்"டை வைத்து பிரளயம் கிளப்பும் பீகார் மக்கள்.. தடியடி, துப்பாக்கிச் சூடு

First topic message reminder :


இந்தியாவில் இப்படியும் ஒரு மாநிலமா என்று அனைவரும் கேவலமாக பேசும் அளவுக்கு பீகாரில் நிலைமை உள்ளது.

சாதாரண பரீட்சையை பெரும் போர்க்களமாக மாற்றி வருகிறார்கள் அங்குள்ள பெற்றோர்கள் சிலர். பிள்ளைகளுக்குப் பிட் கொடுக்க அவர்கள் தொடர்ந்து குவிந்து வருவதால் தடியடியும், போலீஸ் துப்பாக்கிச் சூடும் நடக்கும் அளவுக்கு நிலைமை முற்றியுள்ளது.

நாடு முழுவதும் தற்போது 10 மற்றும் பிளஸ்டூ தேர்வுகள் நடந்து வருகின்றன. பீகாரிலும் பத்தாவது வகுப்புப் பொதுத் தேர்வு நடந்து வருகிறது. ஆனால் வழக்கம் போல இதில் பெரும் அக்கப்போர் மூண்டுள்ளது.

தேர்வு எழுதும் தங்களது பிள்ளைகளுக்கு உதவியாக பிட் கொடுத்தும், காப்பி அடிக்க உதவியும் பெற்றோர்கள் தேர்வு மையங்களில் குவிந்து வருகிறார்கள். ஜன்னல்களில் தொற்றி நின்றபடி அவர்கள் செய்யும் அட்டகாசம் நாடு முழுவதும் பெரும் பரபரப்பை ஏற்படுத்தியுள்ளது.

பீகார் மாநிலத்தின் பெயர் ஒரே நாளில் கெட்டுப் போய் விட்டது. வைஷாலி மாவட்டம் ஹாஜிப்பூர் பகுதியில் உள்ள ஒரு தேர்வு மையத்தில் மாணவர்களுக்கு பிட் கொடுத்து உதவுவதற்காக, அவர்களுக்கு வேண்டியவர்கள் ஏராளமானோர் குவிந்து ஜன்னல் வழியாக தொற்றி ஏறி ஸ்பைடர்மேன் போல காணப்பட்ட காட்சி நாட்டையே உலுக்கி விட்டது.

முதலில் இதை போலீஸாரும் சரி, அதிகாரிகளும் சரி கண்டு கொள்ளவில்லை. ஆனால் இதுதொடர்பான புகைப்படங்கள் வெளியாகி பீகார் மாநிலம் மீது நாட்டு மக்கள் முகச் சுளிப்பை வெளிக்காட்டியதைத் தொடர்ந்து தற்போது போலீஸார் நடவடிக்கையில் இறங்கியுள்ளனர்.

நேற்றும் இதேபோல நூற்றுக்கணக்கான பெற்றோர் கூடி பிட் தானம் செய்தனர். இதையடுத்து அவர்களைக் கலைந்து போகுமாறு போலீஸார் முதலில் கூறினர். ஆனால் அவர்கள் போகவில்லை. இதையடுத்து வானத்தை நோக்கி துப்பாக்கி சூடு நடத்தி, அவர்களைப் போலீஸார் கலைந்து செல்லச் செய்தனர்.

இதுபோல், போஜ்பூர் மாவட்ட தலைநகர் ஆராவில் உள்ள ஒரு தேர்வு மையத்திலும், காப்பி அடிக்க உதவுவதற்கு பலர் திரண்டிருந்தனர். அவர்களை போலீசார் தடியடி நடத்தி கலைத்தனர்.

சிவா அவர்களே !

சட்டி சுட்டதையா ! பிட்டு விழுகிறதையா!
நாலும் எழுதி முடிந்தபின்னே
நல்லது கெட்டது தெரிந்தென்னையா?

சட்டத்தை மதிக்காத மனசாட்சிக்கு பயப்படாமல் குற்றம் செய்ய விரும்பி செய்யும் நாட்டு மக்களுக்கு இனி மக்களாட்சி சுதந்திரம் புளித்து போய்விட்டது. இராணுவ ஆட்சிவேண்டும் சட்டத்தை மதித்து நடக்க ...அவர்கள்தான் குற்றம் செய்பவரை தயவு தாட்சன்யமின்றி படைபலம் பணபலம் கட்சிபலம் எதையும் கண்டு பயப்படாமல் நாட்டைநிர்வகிக்க முடியும் என தோன்றுகிறது இச்செயல்பாடுகள்...........

P.S.T.Rajan wrote:சட்டத்தை மதிக்காத மனசாட்சிக்கு பயப்படாமல் குற்றம் செய்ய விரும்பி செய்யும் நாட்டு மக்களுக்கு இனி மக்களாட்சி சுதந்திரம் புளித்து போய்விட்டது. இராணுவ ஆட்சிவேண்டும் சட்டத்தை மதித்து நடக்க ...அவர்கள்தான் குற்றம் செய்பவரை தயவு தாட்சன்யமின்றி படைபலம் பணபலம் கட்சிபலம் எதையும் கண்டு பயப்படாமல் நாட்டைநிர்வகிக்க முடியும் என தோன்றுகிறது இச்செயல்பாடுகள்...........

நீங்கள் கூறுவது உண்மைதான்!
இந்தியாவில் ஜனநாயகம் என்ற பெயரில் அடிக்கும் கூத்துக்கள் எல்லை மீறிக் கொண்டுள்ளது! இதற்கு இராணுவ ஆட்சி எவ்வளவோ பரவாயில்லை என்றுதான் எண்ணத் தோன்றுகிறது!

வடக்கே செல்ல செல்ல இதுபோன்ற சட்டத்தை மீறும் செயல்கள் சற்றே சாதாரணமான விஷயம் 
என்ன அது இளம் வயதிலேயே ஊக்குவிக்கப்படுவது தான் கொஞ்சம் கவலை அளிக்கிறது.

சொர்கமே என்றாலும் அது நம்ம ஊரை போல வருமா?

பிட்டுக்கு மண் சுமந்த கதையா இது?