வங்கி வட்டி விகிதம் குறைய வாய்ப்பு !

**krishnaamma** · **krishnaamma** Sun Mar 22, 2015 7:16 pm

புதுடில்லி : பணவீக்கத்தின் தன்மையை பொறுத்து, எதிர்காலத்தில், கடன்களுக்கான வட்டி விகிதம் குறைக்கப்பட வாய்ப்பு இருப்பதாக, இந்திய ரிசர்வ் வங்கி கவர்னர் ரகுராம் ராஜன் கூறியுள்ளார்.

டில்லியில், பொதுத்துறை வங்கிகளின் உயர் அதிகாரிகளின் கூட்டம், மத்திய நிதியமைச்சர் அருண் ஜெட்லி தலைமையில் நடைபெற்றது. இந்நிகழ்ச்சியில், அமைச்சர் அருண் ஜெட்லி பேசியதாவது, ரிசர்வ் வங்கிக்கும், மத்திய அரசிற்கும், இடையே விரிசல் ஏற்பட்டுள்ளதாக, பலர் வேண்டுமென்றே வதந்தி பரப்பி வருகின்றனர். அதில் எள்ளவும் உண்மையில்லை. ஒரு நாட்டின் வளர்ச்சிக்கு, அந்நாட்டின் அரசும், தலைமை வங்கியும் இணைந்து செயல்பட வேண்டியது அவசியமாகிறது. இந்தியா தற்போது வளர்ச்சிப்பாதையில் முன்னேறி சென்று கொண்டிருக்கிறது. இந்நிலையில், பலர் தேவையில்லாமல், மத்திய அரசிற்கும், ரிசர்வ் வங்கிக்கும் இடையேயான உறவில் விரிசல் ஏற்பட்டுள்ளதாக பொய்த்தகவல்களை பரப்பி வருகின்றனர். பிரதமர் நரேந்திர மோடி தலைமையிலான மத்திய அரசு, ரிசர்வ் வங்கியுடனான உறவு சுமூகமாகவே உள்ளது என்று அருண் ஜெட்லி கூறினார்.

பின் பேசிய ரிசர்வ் வங்கி கவர்னர் ரகுராம் ராஜன் கூறியதாவது, வட்டி விகித குறைப்பிற்கு, பணவீக்க விகிதமே, முதன்மை காரணமாக உள்ளது. நாட்டில் பல பகுதிகளில், அளவுக்கு அதிகமான மழை மற்றும் இயற்கை சீற்றங்களால் பாதிப்பு ஏற்பட்டுள்ளதையடுத்து, உணவு நிர்வாகத்தில் கூடுதல் கவனம் செலுத்தி வருகிறோம். வங்கிகளிடம், வட்டி விகித குறைப்பு செய்யுமாறு வற்புறுத்தப்போவதில்லை, இதுவரை அவ்வாறு வற்புறுத்தியதும் இல்லை. வங்கிகளின் அனைத்து நடைமுறைகளும், ரிசர்வ் வங்கி கொள்கைகளின் அடிப்படையிலேயே செயல்படுத்தப்பட்டு வருகிறது. இவ்வாறு ரகுராம் ராஜன் கூறினார்.

dinamalar

**ayyasamy ram** · **ayyasamy ram** Sun Mar 22, 2015 8:05 pm

வங்கி வட்டி விகிதம் குறைய வாய்ப்பு ! 103459460

வங்கி வட்டி விகிதம் குறைய வாய்ப்பு !

வங்கி வட்டி விகிதம் குறைய வாய்ப்பு !

Re: வங்கி வட்டி விகிதம் குறைய வாய்ப்பு !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக