வெளிநாட்டில் பணம், சொத்து இருந்தால் 10 ஆண்டுகள் சிறை

**சிவா** · **சிவா** Sat Mar 21, 2015 10:36 am

புதுடெல்லி, மார்ச் 21 – கருப்பு பணத்தை வெளிநாட்டில் பதுக்குபவர்களுக்கு 10 ஆண்டுகள் கடுங்காவல் தண்டனை, 30 சதவீத வரியும், 90 சதவீத அபராதமும் விதிக்கப்படும் என இந்திய நாடாளுமன்றத்தில் நேற்று தாக்கல் செய்யப்பட்ட கருப்பு பண தடுப்பு மசோதாவில் தெரிவிக்கப்பட்டுள்ளது.

வெளிநாடுகளில் பதுக்கப்பட்டிருக்கும் கருப்பு பணத்தை, ஒரு ரூபாய் கூட விடாமல் மீட்போம் என்று, பிரதமர் நரேந்திர மோடி வாக்குறுதி அளித்தார். இது தொடர்பாக மத்திய அரசு நடவடிக்கை மேற்கொண்டு வரும் நிலையில், கருப்பு பணத்தை தடுக்கும் முக்கிய மசோதாவை, நிதியமைச்சர் அருண் ஜெட்லி நேற்று நாடாளுமன்றத்தில் தாக்கல் செய்தார்.

‘கணக்கில் வராத வெளிநாட்டு வருமானம் மற்றும் சொத்துக்கள் மசோதா, 2015‘ என்று பெயரிடப்பட்டுள்ள இந்த மசோதா, வெளிநாட்டில் கருப்பு பணத்தை பதுக்குபவர்களுக்கு 10 ஆண்டுகள் கடுங்காவல் தண்டனை விதிக்கவும், 30 சதவீத வரியும் 90 சதவீத அபராதம் விதிக்கவும் வழி செய்துள்ளது.

இது நிறைவேற்றப்பட்டு சட்டமானால், அடுத்த ஆண்டு ஏப்ரல் 1-ஆம் தேதியில் இருந்து நடைமுறைக்கு வரும். இதன்படி, கணக்கில் காட்டப்படாத வெளிநாட்டு சொத்துக்களுக்கு தனியாக வரி விதிக்கப்படும்.

இதுகுறித்து செய்தியாளர்களிடம் பேசிய நிதியமைச்சர் அருண் ஜெட்லி, “கருப்பு பண தடுப்பு மசோதா குறித்து அடுத்த கூட்டத் தொடரின்போது விவாதிக்கப்படும். வரி ஏய்ப்பு செய்யப்படுவதால், நாட்டின் பொருளாதாரம் கடுமையாக பாதிக்கப்படுகிறது”.

“இதனால், நேர்மையாக வரி செலுத்துவோருக்கு அதிக நிதிச்சுமை ஏற்படுகிறது. இந்த விவகாரத்தில் அதிக கவனம் எடுத்து, வரி ஏய்ப்பு செய்யப்படுவதற்கு முற்றுப்புள்ளி வைக்கப்படும். வரி ஏய்ப்பு செய்யப்படும் நிதி, தீவிரவாதத்தை ஊக்குவித்து நாட்டின் பாதுகாப்புக்கு அச்சுறுத்தலை ஏற்படுத்தும்”.

“பொருளாதாரத்தை மேம்படுத்தவும் அரசு நடவடிக்கை மேற்கொள்ளும். சர்வதேச அளவில் கருப்பு பணத்தை ஒழிக்கும் நடவடிக்கைகள் ஒரு வடிவம் பெற்று வருகின்றன. அவற்றில், இந்தியாதான் முன்னிலையில் உள்ளது.“ என்றார்.

**krishnaamma** · **krishnaamma** Sun Mar 22, 2015 7:16 pm

இதெல்லாம் வெறும் கண் துடைப்பு சிவா...............யாராவது ஏமார்ந்தவர்களைத்தான் இவர்கள் பிடிப்பார்கள்....எப்போதும் போல ஏய்ப்பவர்கள் தொடர்ந்து ஏய்ப்பார்கள் சோகம்

**T.N.Balasubramanian** · **T.N.Balasubramanian** Sun Mar 22, 2015 8:52 pm

வட நாட்டில் கட்சிகள் ரொம்ப ஒற்றுமை .மாற்றான் உழலை அதிகம் வெளியிடமாட்டார்கள் . 80 :20 தத்துவம் .
பதவியில் இருப்பவர்கள் 80 % இல்லாதவர்கள் 20 % ரொம்ப ரொம்ப நிலைமை மோசமாகி, ஒன்றும் சமாளிக்க முடியாது என்கிற ஸ்டேஜில் CBI முதலியவை வரும் .
தமிழ்நாட்டில் 100%கபளீகரம் . மற்றவனை எப்பிடி குத்தலாம் என்ற ஒரே தத்துவம் .

கடவுள் கண் முன் தோன்றி , உனக்கு என்ன வேண்டுமோ அதை உமக்கு தருகிறேன் . கேட்காமலேயே உன் எதிரிக்கு இரு மடங்கு கிடைக்கும் என்று கூறினால் , தமிழ்நாட்டு கட்சி தலைமை ,இப்பிடி கேட்கும்
" எனக்கு 50% ஹார்ட் அட்டாக் கும் , ஒரு கிட்னி செயல் இழக்க வேண்டும் , ஒரு கண் பார்வை இழக்கவேண்டும் " என்றே வேண்டுவர் .
ரமணியன்

Sponsored content · Sponsored content

வெளிநாட்டில் பணம், சொத்து இருந்தால் 10 ஆண்டுகள் சிறை

வெளிநாட்டில் பணம், சொத்து இருந்தால் 10 ஆண்டுகள் சிறை

Re: வெளிநாட்டில் பணம், சொத்து இருந்தால் 10 ஆண்டுகள் சிறை

Re: வெளிநாட்டில் பணம், சொத்து இருந்தால் 10 ஆண்டுகள் சிறை

Re: வெளிநாட்டில் பணம், சொத்து இருந்தால் 10 ஆண்டுகள் சிறை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக