இரண்டாவது பெரிய கோள் சனி!

சூரியக் குடும்பத்திலுள்ள ஒன்பது கோள்களில் 6-வதாக இருப்பது சனி. இது சூரியனில் இருந்து சுமார் 142 கோடி கிலோ மீட்டர் தூரத்தில் உள்ளது. ஒரு முறை சூரியனைச் சுற்றிவர 29 வருடங்களை எடுத்துக் கொள்கிறது. தன்னைத்தானே சுற்றிவர 10 மணி நேரம் எடுத்துக் கொள்கிறது.

வியாழனுக்கு அடுத்தபடியாக இரண்டாவது பெரிய கோள் சனியாகும். சனிக்கிரகத்திற்குள் சரியாக 763 பூமிகளை அடக்கி விடலாம் என்றாலும், சனியின் எடை, பூமியின் எடையை விட 95 மடங்கு தான் அதிகம். சனி ஒரு வாயுக்கோளம். அதில் கடினமான உட்பகுதி மிகச்சிறியது.

சனியின் ஈர்ப்பு விசை பூமியிலிருந்து அதிகம் வேறுபடவில்லை. சுமார் 1.17 மடங்கு அதிகமாக உள்ளது. பூமியில் 70 கிலோ எடையுள்ள ஒருவர் சனியில் 82 கிலோ இருப்பார். சூரியனில் இருந்து வெகு தொலைவில் இருப்பதால் சனியின் சராசரி வெப்பநிலை மிக மிகக் குறைவு. காற்று மண்டலத்தில் அமோனியா உறைந்து போவதால், கோளின் மேற்பரப்பு முழுவதும் பனிப்பிரதேசமாகவே காணப்படுகிறது. பிற கோள்களில் காணப்படாத ஒரு தட்டையான வளையம் இந்த கோளின் நடுப்பகுதியில் சுற்றி உள்ளது என்பது தான் இதன் சிறப்பு.

கோடிக்கணக்கான பனிக்கட்டிகள், சிறிதும் பெரிதுமாய் சனியை துணைக்கோள் போல் சுற்றி வருகின்றன. அவை கூட்டம் கூட்டமாக பிரிந்து பரந்த இடைவெளியுடன் கூடிய பல வளையங்களாகத் தோன்றுகின்றன. இவ்வாறு ஆயிரக் கணக்கான வளையங்கள் உள்ளன என்பது 1981-ல் அமெரிக்க விஞ்ஞானிகளால் ஏவப்பட்ட ‘வாயேஜர்’ என்று விண்கலம் மூலம் தெரிந்து கொள்ளப்பட்டது. சனிக்கு துணைக் கோள்கள் 15 அல்லது 16 இருக்கலாம் என்று விஞ்ஞானிகள் கூறுகின்றனர்.

அதில் மைமாஸ், என்சிலாடஸ், மைதஸ், டையோன், ரியா, டைடான், ஹைபெரியான், இயாபிடஸ், போபி போன்ற கோள்கள் முக்கியமானவை. எல்லா துணைக் கோள்களுமே பனிக்கட்டிகள் என்றாலும், மைமாஸ் தவிர பிற துணைக் கோள்களில் கடினமான உட்பகுதிகள் காணப்படுகின்றன.

என்சிலாடஸ் துணைக் கோள் விழும் ஒளியை அப்படியே பிரதிபலிக்கிறது. நமது சந்திரன் 11 சதவீத ஒளியை மட்டுமே பிரதிபலிக்கிறது. டைடான் என்ற துணைக்கோள் ஆரஞ்சு நிறமாகத் தெரிவதால், இதில் உயிரினங்கள் வாழக் கூடிய சூழ்நிலை உள்ளது என்றும், பரிணாம வளர்ச்சியின் ஆரம்பக் கட்டம் மெல்ல மெல்ல உருவாகி வருவதாகவும் கூறுகிறார்கள்.