கோடிகளைவிட குழந்தையே முக்கியம்! – ஐஸ்வர்யா ராய்

**ayyasamy ram** · **ayyasamy ram** Mon Mar 16, 2015 8:33 am

-
உலக அழகியான ஐஸ்வர்யாராய்,
இந்திப் பட உலகின் நம்பர் 1 கதாநாயகி, நம்பர் 1
நடிகர் அபிஷேக் பச்சனுடன் காதல் திருமணம்.
ஒரு குழந்தைக்குத் தாய்

இன்னும் ரசிகர் மத்தியில் ஐஸ் மோகம் சற்றும்
குறையவில்லை. தாய்மை உணர்வு பற்றி கேட்டால்…
கண்களை விரித்து சந்தோஷத்துடன் பதில் சொல்கிறார்
ஐஸ்வர்யா.

திருமணத்துக்க முன்பும், பின்பும், நான் சுதந்திரமாக
இருந்திருக்கலாம். ஆனால் ஒரு குழந்தைக்குத் தாயான
பின், எனக்கான கடமை அதிகரித்து இருக்கிறது.

இப்போதைக்கு, எனக்கு குழந்தைதான் முக்கியம். நடிப்பு,
பணம் உள்ளிட்ட மற்ற அனைத்தும் இரண்டாம் பட்சம்தான்.
குழந்தை வளர்ந்து ஒரு நிலைக்கு வரும்வரை நடிப்பதில்
ஆர்வம் காட்ட மாட்டேன். கோடிகளைவிட எனக்கு என்
குழந்தைதான் முக்கியம்.

ஆராத்யா யார் செல்லம்?
–
சந்தேகம் என்ன? அம்மா செல்லம்தான். எனக்கு மகளாக
ஆராத்யா பிறந்ததால் ஆசீர்வதிக்கப்பட்டவளாக உணர்கிறேன்.
அவளுடைய அப்பா பெரும்பாலும் ஷூட்டிங்கிலேயே
பொழுதை கழித்து விடுவார். என்னுடைய அம்மா, அப்பா
எனக்கு செய்ததில் பாதியளவாவது, என் மகளுக்கு நான்
செய்தால் போதும்.

அப்போதுதான் என்னை சூப்பர் மதம் (சிறந்த அம்மா) என்று
அழைப்பதற்கு அர்த்தமிருக்கும்.

குழந்தை வளர்ப்பில் கஷ்டம் உண்டா?
–
அது ஒரு சுகமான சுமை. எனக்குத் தெரியாத விஷயங்களை
எனது அத்தையிடம் கேட்டுத் தெரிந்து கொள்வேன்.
அவர்களுக்கு எப்போதுமே ஆராத்யா மீது தனி அக்கறை
உண்டு.
–

எங்கு சென்றாலும் குழந்தையுடன் செல்கிறீர்களே,
அவளுடைய சுதந்திரம் பாதிக்காதா?
–
ஆராத்யா வளர்ந்து ஒரு நிலைக்கு வரும்வரை அவளுக்கு
என்னுடைய அன்பும், அரவணைப்பும் கட்டாயம் தேவை.
அதனால்தான், எங்கு சென்றாலும், அவளையும் அழைத்துச்
செல்கிறேன். அவளுடைய சுதந்திரம் பற்றி யோசிக்கவில்லை.
–
மகள் உங்களைப் போன்று உலக அழகியாவாரா?
–
என் மகள் இப்போது சிறுமிதான். முதலில் அவள் வாழ்வை
ரசிக்க வேண்டும், வளர்ச்சியை அனுபவிக்க வேண்டும்.
ஒரு தாயின் கடமைகள் என்ன என்று ஆராயும்போது, நான்
என் பெற்றோரைத்தான் உதாரணமாகப் பார்க்கிறேன்.

எதிர்காலத்தில் நான் செய்யவேண்டிய கடமைகளும்
வாழ்க்கையில் சந்திக்க வேண்டிய சவால்களும் நிறைய
காத்திருக்கின்றன.

தொடர்ந்து நடிப்பீர்களா?

பாலிவுட்டில் எதுவுமே ஒரே இரவில் நடந்து விடாது.
நான் கதைகள் கேட்க ஆரம்பித்திருக்கிறேன். தற்போது
சஞ்சய் குப்தா இயக்கும் ஜாஸ்பா படத்தில் நடிக்கிறேன்.
வாழ்க்கையில் மாற்றம்தான் நிஜமானது. என் வாழ்வில்
பல்வேறு தருணங்களைச் சந்தித்திருக்கிறேன்.

கல்யாணம், தாய்மை என அது நீள்கிறது. ஒவ்வொரு புது
அனுபவத்திலும் வளர்ச்சியையும், புதுமைகளையும்
கண்டிருக்கிறேன். எனக்கு கிடைத்திருக்கும் வாழ்க்கைக்கும்,
பெற்றோர், கணவர் எல்லாவற்றுக்கும் நான் கடவுளுக்கு நன்றி
சொல்லிக் கொண்டே இருக்க வேண்டும்.

அபிஷேக் பச்சனிடம்:
அப்பா என்ற முறையில் ஆராத்யாவின்
வளர்ச்சியில் உங்கள் பங்கு என்ன? அவளுக்காக நேரம்
ஒதுக்க முடிகிறதா?

எனது குழந்தையுடன் போதிய நேரத்தை நான்
செலவிடவில்லை. குழந்தையின் எல்லா தேவைகளையும்
ஐஸ்வர்யாவே நிறைவேற்றி வருகிறார். அந்த வகையில்
நான் தவறு இழைத்தவன் ஆகிறேன்.
–
——————————————–

– வனராஜன்
நன்றி: மங்கையர் மலர்

கோடிகளைவிட குழந்தையே முக்கியம்! – ஐஸ்வர்யா ராய்

கோடிகளைவிட குழந்தையே முக்கியம்! – ஐஸ்வர்யா ராய்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக