கேரள சட்டசபையில் அடிதடி: சபாநாயகர் இருக்கை பறந்தது

**ayyasamy ram** · **ayyasamy ram** Fri Mar 13, 2015 4:40 pm

திருவனந்தபுரம்:
கேரள சட்டசபையில் இன்று பெரிய அளவில்
வன்முறை தலைவிரித்தாடியது. உறுப்பினர்கள்
அடிதடியில் ஈடுபட்டனர்.

சபாநாயகரின் இருக்கை பிடுங்கி வீசப்பட்டது.
ஊழல் குற்றச்சாட்டில் சிக்கி உள்ள நிதி அமைச்சர்
மானியை பதவி விலக கோரி இந்த களேபரம் நடந்தது.

கேரள சட்டசபையின் பட்ஜெட் கூட்டத் தொடர் நடந்து
வருகிறது. நிதி அமைச்சர் மானி பட்ஜெட்டை தாக்கல்
செய்வார் என்று அறிவிக்கப்பட்டது.

ஆனால், லஞ்சம், ஊழல் புகாரில் சிக்கியுள்ள நிதி
அமைச்சர் பட்ஜெட்டை தாக்கல் செய்யக் கூடாது என்று
கூறி பா.ஜ., மற்றும் இடதுசாரி கட்சிகள் அடங்கிய
எதிர்கட்சிகள் எதிர்ப்பு தெரிவித்தன.

ஆனால், அறிவித்தபடி நிதி அமைச்சர் பட்ஜெட்டை
தாக்கல் செய்ய வந்தார். அவரையும், சபாநாயகர்
சக்தனையும் அவைக்குள் வர விடாமல் எதிர்க்
கட்சியினர் தடுத்தனர்.

இதையடுத்து, அவர்கள் தங்கள் அறைக்கு திரும்பிச்
சென்றனர். பின்னர் பலத்த பாதுகாப்புடன் அவர்கள்
அவைக்கு வந்தனர்.

எதிர்கட்சிகளின் பலத்த எதிர்ப்பு கோஷங்களுக்கு
இடையே நிதி அமைச்சர் மானி பட்ஜெட்டை தாக்கல்
செய்தார். ஆத்திரமடைந்த எதிக்ர்கட்சி உறுப்பினர்கள்
பட்ஜெட்டை படிக்கவிடாமல் செய்வதற்கு முயன்றனர்.

இதனால், ஆளும் கட்சியினருக்கும், எதிர்கட்சியினருக்கும்
இடையில் தள்ளு, முள்ளு ஏற்பட்டது. ஒருவருக்கொருவர்
அடித்துக் கொண்டனர்.

இதற்கிடையில், சட்டசபை வளாகத்திற்கு வௌியே
குழுமியிருந்த பா.ஜ., மற்றும் இடதுசாரி கட்சிகள்
நிதி அமைச்சர் பதவி விலக வேண்டும் என்று கூறி தர்ணா
போராட்டம் நடத்தினர்.

ஒரு கட்டத்தில் தள்ளு முள்ளு ஏற்படவே, போலீசார்
கண்ணீர் புகை குண்டு வீசியும், தடியடி நடத்தியும்
அவர்களை கலைத்தனர். இதனால், சட்டசபை வளாகத்தின்
முன் பகுதி போர்க்களம் போல காட்சியளித்தது.
-
----------------------------------------
-தினமலர்

**சிவா** · **சிவா** Fri Mar 13, 2015 11:05 pm

ரவுடிகள் தானே சட்டசபைக்குச் செல்கிறார்கள், அதனால் இந்த சண்டைகள் சாதாரண விடயம் தான், இவர்களிடமிருந்து இதைவிட அதிகம் எதிர்பார்க்கிறேன்!

கேரள சட்டசபையில் அடிதடி: சபாநாயகர் இருக்கை பறந்தது

கேரள சட்டசபையில் அடிதடி: சபாநாயகர் இருக்கை பறந்தது

Re: கேரள சட்டசபையில் அடிதடி: சபாநாயகர் இருக்கை பறந்தது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக