ஸ்ரீஹரிகோட்டாவில் அமைகிறது 3வது ராக்கெட் ஏவுதளம்

**சிவா** · **சிவா** Fri Mar 13, 2015 3:41 am

புதுடில்லி: இந்திய விண்வெளி ஆய்வு மையம் சார்பில் ஸ்ரீஹரிகோட்டாவில் 3வது ராக்கெட் ஏவுதளம் அமைக்கப்படவுள்ளதாக, பார்லி.,யில் மத்திய அரசு அறிவித்துள்ளது. இதையடுத்து குலசேகரப்பட்டிணத்தில் 3வது ராக்கெட் ஏவுதளம் அமையும் என்ற தமிழகத்தின் எதிர்பார்ப்பு பொய்த்துப் போயனது.

இந்திய விண்வெளி ஆய்வு மையமான இஸ்ரோ சார்பில், சென்னையை அடுத்த ஸ்ரீஹரிகோட்டாவில் சதீஷ் தவான் விண்வெளி ஆய்வு மையத்திலிருந்து ராக்கெட்டுகள் ஏவப்பட்டு வருகின்றன. தற்சமயம் அங்கு 2 ராக்கெட் ஏவுதளம் அமைக்கப்பட்டுள்ளன. வர்த்தகரீதியிலான ராக்கெட் ஏவும் பணி அதிகரித்திருப்பதாலும், ஜி.எஸ்.எல்.வி., போன்ற பெரிய ரக ராக்கெட்டுகளை ஏவுவதற்கு வசதியாகவும் 3வது ராக்கெட் ஏவுதளம் அமைப்பதற்கான முயற்சியில் இஸ்ரோ ஈடுபட்டு வந்தது.

இதற்கான ஆய்வின் போது, ராக்கெட்டுகளை ஏவ தூத்துக்குடி மாவட்டத்திலுள்ள குலசேகரபட்டிணம் சிறந்த இடமாக உள்ளதாக தெரிய வந்தது. குலசேகரப்பட்டிணம் பூமத்திய ரேகைக்கு அருகில் உள்ளது. இங்கிருந்து ராக்கெட்டுகளை புவி வட்டப்பாதையில் செலுத்துவதன் மூலம் 600 கிலோ எரிபொருள் எடை குறையும். மேலும் ரூ 110 கோடி அளவுக்கு செலவு மிச்சமாகும்.

குலசேகரப்பட்டிணத்தில் ஆண்டு முழுவதும் சரியான காலநிலை இருப்பதால், ராக்கெட் ஏவதற்கு மிகவும் சாதகமான இடமாக இருக்கும் என பல ஆய்வுகளில் தெரியவந்தது. குலசேகரப்பட்டிணத்தில் இந்த ராக்கெட் ஏவுதளம் அமையும் பட்சத்தில், தென் தமிழகத்தில் பொருளாதார வளர்ச்சியும் அதிகரிக்கும் என நம்பப்பட்டது.

இந்நிலையில், ராஜ்யசபாவில் இது தொடர்பான கேள்வி ஒன்றுக்கு எழுத்துப்பூர்வமாக பதிலளித்த மத்திய அறிவியல் தொழில்நுட்பத்துறை இணையமைச்சர் ஜிதேந்திர சிங், ஜி.எஸ்.எல்.வி., போன்ற பெரிய ரக ராக்கெட்டுகளை ஏவுவதற்காக, இஸ்ரோ சார்பில் ஸ்ரீஹரிகோட்டாவிலேயே 3வது ஏவுதளம் அமைப்பதற்கான ஆய்வுப்பணிகள் துவங்கியுள்ளதாக தெரிவித்தார். இதன் மூலம் தற்போதுள்ள ஏவுதளங்களை முழுமையாக பயன்படுத்த முடியும் என்று தெரிவித்துள்ள அமைச்சர் ஜிதேந்திர சிங், ராக்கெட் ஏவுதள வடிவமைப்பு தொடர்பான பணிகள் உரிய நேரத்தில் துவங்கும் என்றும் கூறியுள்ளார். அமைச்சரின் இந்த பதிலைத் தொடர்ந்து, 3வது ராக்கெட் ஏவுதளம் அமையும் என்ற தென்தமிழகத்தின் எதிர்பார்ப்பு பொய்த்துப் போனது.

**ayyasamy ram** · **ayyasamy ram** Fri Mar 13, 2015 10:18 am

தூத்துக்குடி மாவட்டத்திலுள்ள குலசேகரபட்டிணம்
பூமத்திய ரேகைக்கு அருகில் உள்ளது
-
இது சரியான தகவலா..?

**SajeevJino** · **SajeevJino** Fri Mar 13, 2015 10:24 am

.

ஸ்ரீஹரிகோட்டாவில் 3வது ராக்கெட் ஏவுதளம் அமைக்கப்படவுள்ளதாக, பார்லி.,யில் மத்திய அரசு அறிவித்துள்ளது.

மேலும்

குலசேகரப்பட்டிணத்தில் ஆய்வுகள் மேற்கொள்ளப்பட்டு வருகின்றதாக தெரிவிக்கப்பட்டுள்ளது