2-வது உலகப் போரில் அமெரிக்க படையால் மூழ்கடிக்கப்பட்ட ஜப்பான் போர்கப்பல் கண்டுபிடிப்பு

**சிவா** · **சிவா** Thu Mar 05, 2015 3:19 pm

'2-வது உலகப் போரில் அமெரிக்க படையால் மூழ்கடிக்கப்பட்ட ஜப்பான் போர்கப்பல் முசாஷி கண்டுபிடிக்கப்பட்டது' மைக்ரோசாப்ட் இணைநிறுவனர் பால் ஆலன் அறிவித்துள்ளார்.

பிலிப்பைன்ஸ் அருகே உள்ள சிபுயான் கடலில் சுமார் ஒரு கிலோ மீட்டருக்கும் (3,280ft) மேற்பட்ட ஆழத்தில், 70 ஆண்டுகளுக்கு முன்பாக 2-வது உலகப் போரில் அமெரிக்க படையால் மூழ்கடிக்கப்பட்ட ஜப்பான் போர்கப்பல் முசாஷி கண்டுபிடிக்கப்பட்டுள்ளது என்று பால் ஆலன் அறிவித்துள்ளார். கப்பலின் உதிறி பாகங்கள் அடங்கிய போட்டோவுடன் தனது டுவிட்டரில் செய்தி வெளியிட்டுள்ளார். மைக்ரோசாப்ட் இணைநிறுவனர் பால் ஆலன், தனக்கு சொந்தமான அகழ்வாராய்ச்சி குழு கப்பலை கண்டுபிடித்தது என்று குறிப்பிட்டுள்ளார்.

ஜப்பானிய போர் கப்பலான முசாஷியே இதுவரையில் கட்டப்பட்ட போர்க் கப்பல்களிலே மிகவும் பெரியது என்று கருதப்படுகிறது. இதனுடைய துணைகப்பலான யமாடோவும் மிகவும் பெரிய போர் கப்பல் ஆகும்.

70 ஆண்டுகளுக்கு முன்னர், 2-வது உலகப்போரின் போது, லெய்ட் வளைகுடா போரில் 1944-ம் ஆண்டு அக்டோபர் மாதம் 24-ம் தேதி அமெரிக்காவின் போர் விமானங்கள் நடத்திய தாக்குதலில் ஜப்பானிய போர் கப்பல் முசாஷி மூழ்கடிக்கப்பட்டது. இதுவே இரண்டாவது உலகப்போரின் மிகப்பெரிய கடல்யுத்தம் என்று கூறப்படுகிறது.

2-வது உலகப் போரில் அமெரிக்க படையால் மூழ்கடிக்கப்பட்ட ஜப்பான் போர்கப்பல் கண்டுபிடிப்பு 66E2535A-D747-4C6E-802E-2C065A9171D4_L_styvpf

பால் ஆலன் டுவிட்டரில் வெளியிட்டுள்ள புகைப்படம்.

இதுதொடர்பாக பால் ஆலன் கூறுகையில், சிறு வயதிலே உலகப்போர் வரலாறு எனது கவனத்தை ஈர்த்தது. 8 ஆண்டுகளுக்கு முன்பாகவே ஜப்பானிய போர் கப்பல் முசாஷியை கண்டு பிடிக்கும் பணியை தொடங்கினோம். எங்களுடைய குழு கடலுக்கு அடியில் அகழ்வாராய்ச்சில் ஈடுபட்டுள்ளது. முழுமையான ஆய்வுக்கு பின்னர் எங்களது குழுவினர் கப்பலை தேடும் பணியில் இறங்கினர். பிலிப்பைன்ஸ் தீவுக்கூடங்கள் மத்தியில் கப்பலை கண்டுபிடிக்கும் பணிக்கு கடலுக்கு அடியில் இயக்கும் வாகனங்கள் பயன்படுத்தப்பட்டு கண்டுபிடிக்கப்பட்டுள்ளது. என்றார்.

2-வது உலகப் போரில் அமெரிக்க படையால் மூழ்கடிக்கப்பட்ட ஜப்பான் போர்கப்பல் கண்டுபிடிப்பு 67D1AEC0-2957-4435-B7D8-791D2F0F9798_L_styvpf

கடலுக்கு அடியில் முசாஷியின் சிதைவு பாகம்.

முசாஷி மிகவும் பலம்வாய்ந்த போர்கப்பல் என்றும் இதுவரையில் கட்டப்பட்ட போர்கப்பல்களில் மிகவும் பெரியது இதுவே என்றும் அமெரிக்க கடற்படை இணையதளம் குறிப்பிட்டுள்ளது. ஜப்பானிய போர்க்கப்பல் முசாஷியின் துணைக் கப்பலான யமாடோ, போரின்போது சேதம் அடைந்தது, ஆனால் ஒரு வருடத்திற்கு பின்னர் ஒகினாவுக்கு செல்ல முயன்றபோது மூழ்கடிக்கப்பட்டது.

முசாஷியின் விபரம்;-

முசாஷி கட்டப்பட்டது: மார்ச் 1938
மூழ்கடிக்கப்பட்டது: அக்டோபர் 1944
உயரம்; 862 அடி
வேகம்; 27 கனாட்
கடற்படையினர் எண்ணிக்கை; 2,399
விமானங்கள்; 7
எடை; 73 ஆயிரம் டன்

ஜப்பானிய போர்க் கப்பல் முசாஷியின் இறுதி நாட்களில் அதன் மீது அமெரிக்க வான்படை தொடர்ந்து, இடைவிடாது தாக்குதல் நடத்தியது. கடலில் பெரிய விமான குண்டு வீச்சுக்கு எதிராக, தன்னை பாதுகாத்துக் கொள்ள ஆயுதங்களை கொண்டு போராடியது. ஆனால் போதுமான விமானப்படை அப்போதைய சூழ்நிலையில் முசாஷி கொண்டிருக்கவில்லை, அதன் காரணமாக சக்திவாய்ந்த கப்பலாக இருந்தாலும் முசாஷியால் தப்பிக்க முடியாமல், மூழ்கடிக்கப்பட்டது.

பல முனையில் இருந்து விமானங்கள் தாக்குதல் நடத்தியதால் முசாஷி தன்னை பாதுகாத்துக் கொள்ள முடியாமல் சிதறி மூழ்கியது. கப்பல் மீதான தாக்குதல் பிற்பகல் வேலையில் முடிவுக்கு வந்தது. முசாஷி போர்க்கப்பல், 20 டார்பீடோ வகை குண்டுகள் மற்றும் 17 பீரங்கி குண்டுகளாலும் கப்பல் தாக்கப்பட்டிருந்தது. மாலையில் முசாஷி முழ்க ஆரம்பித்தது, தன்னுள் இருந்த ஆயிரத்திற்கும் அதிகமான வீரர்களுடன் மூழ்கியது.

சியாட்டியில் பிறந்த பால் ஆலன், 1975ல் பில் கேட்சுடன் இணைந்து மைக்ரோ சாப்ட் நிறுவனத்தைத் துவங்கினார். உலகில் 51-வது பணக்கார மனிதராக கருதப்படும் அவருடைய சொத்தின் மதிப்பு 11.4 பில்லியன் பவுண்டுகள் என போர்ப்ஸ் பத்திரிகை தெரிவித்துள்ளது.

ஜப்பானிய போர்க்கப்பல் முசாஷி தனது சொந்த முயற்சியில் கண்டுபிடிக்கப்பட்டது தொடர்பான புகைப்படங்களை பால் ஆலன் தனது டுவிட்டரில் வெளியிட்டு உள்ளார்.

2-வது உலகப் போரில் அமெரிக்க படையால் மூழ்கடிக்கப்பட்ட ஜப்பான் போர்கப்பல் கண்டுபிடிப்பு

2-வது உலகப் போரில் அமெரிக்க படையால் மூழ்கடிக்கப்பட்ட ஜப்பான் போர்கப்பல் கண்டுபிடிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக