சலவைக்கல் பாறை

**சிவா** · **சிவா** Sun Mar 01, 2015 12:36 am

சலவைக்கல் என்பது ஒரு வகை கல்லாகும். இது பல வண்ணங்களில் கிடைக்கிறது. பழங்காலத்தில் இருந்தே வெண்மையான சலவைக்கற்கள் கட்டிடம் கட்ட பயன்பட்டு வருகின்றன. கிரேக்கர்களும், எகிப்தியர்களும் கோவில்கள் கட்ட இதனை பயன்படுத்தினர். நமது தாஜ்மகாலும் சலவைக் கல்லில் உருவானதுதான்.

சலவைக்கல் மற்ற கற்களைப்போல் சுற்றுச்சூழலில் வெகு எளிதில் பாதிக்கப்படாது. வெப்பமோ, குளிரோ, மழையோ இதனைப் பாதிக்காது. இதனாலே இதற்கு விலையும், மதிப்பும் கூடுதல். பார்வைக்கு அழகானது. சிவப்பு, இளஞ்சிவப்பு, மஞ்சள் நிறங்களில் சலவைக்கல் கிடைக்கிறது. சலவைக்கல்லை எளிதாக எந்த உருவத்திலும் சிலையாக செதுக்கலாம். இயற்கையிலேயே பாறைகளாகக் கிடைக்கும் சலவைக்கல் உருவாகும் விதம் எப்படி என்றால் இத்தகைய பாறைகள் சுண்ணாம்புக் கற்களால் உண்டாகின்றன.

நிலத்திற்கடியில் நிலவும் வெப்பம், அதிகமான அழுத்தம் காரணமாக சுண்ணாம்புக்கற்கள் சலவைப்பாறைகளாக உருப்பெறுகின்றன. சலவைக்கல்லை ஆராய்ந்து பார்த்தால் அதில் கால்சியம் கார்பனேட் அதிகமாக இருப்பதைக் காணலாம். அலுமினியம், மக்னீஷிய உப்புகளின் சேர்க்கையால் சலவைக்கல் பல்வேறு நிறங்களைக்கொண்டிருக்கிறது.

எந்திரங்களை பயன்படுத்தி பாறைகளில் இருந்து சலவைக்கல் வெட்டி எடுக்கப்படுகிறது. வெட்டப்படும் சலவைக்கல் முதலில் சொர, சொரப்பாக இருக்கும். தனி ரகமான எந்திரங்களைக்கொண்டு இதனை வழுவழுப்பாக பாலீஷ் செய்கிறார்கள். லட்சக்கணக்கான டன் சலவைக்கல் இத்தாலியில் இருந்து எடுக்கப்படுகிறது. முன்பு அதிக அளவில் கிடைத்து வந்தது. தற்போது கொஞ்சம் குறைந்துள்ளது.

இந்தியாவில் மத்திய பிரதேசத்தில் ஜபல்பூர் அருகே பேடா காட்டில் பெரிய அளவில் சலவைப்பாறைகள் கிடைக்கின்றன. இதனால் தான் ஜபல்பூரை சலவைக்கல்லின் நகரம் என்று அழைக்கிறார்கள்.

சலவைக்கல் பாறை

சலவைக்கல் பாறை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக