கன்னங்களில் கருப்பு திட்டு மறைய …

**ayyasamy ram** · **ayyasamy ram** Thu Feb 26, 2015 2:03 pm

என். சாந்தினி, மதுரை:

–
எனக்கு வயது 60, இதுவரையில் இல்லாமல் இப்போது இரண்டு
கன்னங்களிலும் கறுப்பாக திட்டுத் திட்டாக இருக்கிறது.
எதனால்? வீட்டில் கிடைக்கும் பொருட்களிலேயே இதற்கு
நிவாரணம் உண்டா?
–
முதலில் இந்தப் பிரச்னைக்கு என்ன காரணம் என்பதை நீங்கள்
கண்டுபிடிக்க வேண்டும். மெனோபாஸ் முடிந்தபின்,
பத்து வருடங்களாகத் தலைக்கு சாயம் (ஹேர் டை) பயன்
படுத்துபவராக இருந்தால் இந்தச் சாயம் தோல் வழியாக
கிரகிக்கப்பட்டு உடலில் எந்தந்த இடத்தில் ப்ரொஜெக்ஷன்
இருக்கிறதோ அங்கெல்லாம் இறங்கிவிடும். தோலில் உள்ள
மெலனின் பாதிக்கப்பட்டு முகத்தில் நிற மாற்றம் ஏற்படும்.

இதற்கான ஒரே தீர்வு, உடனடியாக டை போடுவதை நிறுத்தி
விடுவதுதான்.

ஹேர் டை பயன்படுத்தாதவராக இருந்தும் இப்பிரச்னை
இருந்தால் இரத்த அணுப் பரிசோதனையை நீங்கள் செய்ய
வேண்டும். உடலில் சத்துக்கள் குறைவாக இருந்தாலும் நிற
மாற்றம் ஏற்படலாம். சிலருக்கு அடிக்கடி நீண்ட காலமாக
எதுக்களிப்பு பிரச்னை இருக்கும். இதனால் கூட முகத்தில்
கருப்புத் திட்டுக்கள் ஏற்படலாம். தகுந்த சிகிச்சை எடுக்க
வேண்டும்.
–
மேற்சொன்ன சிகிச்சைகளை எடுத்துக் கொண்டே பின்வரும்
எளிய குறிப்புகளைப் பின் பற்றினால் சில மாதங்களில்
முற்றிலும் குணமாகிவிடும். இவற்றை வீட்டிலேயே செய்யலாம்.
–
* கசகசா – 2 டீஸ்பூன்,
பயத்தம் மாவு – 2 டீஸ்பூன்,
கஸ்தூரி மஞ்சள் – 1 சிட்டிகை.
–
செய்முறை:
–
கசகசாவை சுடுநீரில் ஊற வைக்கவும்.
சிறிது நேரம் கழித்து கசகசாவுடன் பால் சேர்த்து
மிக்ஸியில் போட்டு அரைக்கவும். இந்தக் கலவையில் பயத்த
மாவு மற்றும் கஸ்தூரி மஞ்சள் கலந்து முகத்திலும் கழுத்திலும்
தடவி பத்து நிமிடங்கள் ஊற வைக்கவும்.

அதன் பின் வெதுவெதுப்பான நீரில் முகத்தை கழுவி விட
வேண்டும்.
–
* கேரட் – 1 (துருவி பால் எடுக்கவும்), பயத்தம் மாவு – சிறிதளவு,
வெண்ணெய் – சிறிதளவு.
–
மேற்சொன்னவற்றை கலந்து முகத்தில் தடவி அரை மணி நேரம்
ஊற வைத்து பின் வெதுவெதுப்பான நீரில் முகம் கழுவ வேண்டும்.
–
* கற்றாழை இலை ஒன்றினை எடுத்து அரைத்து அதிலிருந்து
வரும் திரவத்தை கடலை மாவு கலந்து முகத்தில் பூசி சிறிது
நேரம் ஊறவைத்து கழுவி விடவேண்டும்.
–
* முகத்தில் ஈரப்பதம் குறையாமல் பார்த்துக் கொள்ள வேண்டும்.
நல்லெண்ணெய் – 100 எம்.எல், ஜாதிக்காய் – 50 கிராம், வெட்டி வேர் –
நறுக்கி எண்ணெயில் போட்டு விட வேண்டும். மேற்சொன்னவற்றை
ஒன்றாகக் கலந்து தினமும் குளிக்கும் முன் முகத்திலும், கழுத்திலும்
நன்றாகத் தடவி சிறிதுநேரம் ஊறிய பின் குளிக்கவும்.
–
டிப்ஸ்:
போதிய அளவு தண்ணீர் குடிக்க வேண்டும்.
பால் பொருட்களை தினமும் உணவில் சேர்த்துக் கொள்ள
வேண்டும். பாதாம்பருப்பு, வால்நட் போன்றவற்றை தினமும்
சாப்பிடலாம்.
பாதாம் எண்ணெய் பயன்படுத்த வேண்டும்.
சந்தனம் பயன்படுத்துவதைத் தவிர்க்கவும். லாவண்டர், ரோஸ்,
கலர் பேஸ், டால்கம் பவுடர் போன்றவற்றையும் தவிர்க்க வேண்டும்.
–
———————————————–
நன்றி –மங்கையர் மலர்

**krishnaamma** · **krishnaamma** Thu Feb 26, 2015 2:26 pm

ம்ம்......தொடர்ந்து நல்ல பதிவுகள் போடறீங்க ராம் அண்ணா புன்னகை

...நன்றி !

**M.Saranya** · **M.Saranya** Thu Feb 26, 2015 3:20 pm

கன்னங்களில் கருப்பு திட்டு மறைய … 103459460

கன்னங்களில் கருப்பு திட்டு மறைய … 3838410834

Sponsored content · Sponsored content

கன்னங்களில் கருப்பு திட்டு மறைய …

கன்னங்களில் கருப்பு திட்டு மறைய …

Re: கன்னங்களில் கருப்பு திட்டு மறைய …

Re: கன்னங்களில் கருப்பு திட்டு மறைய …

Re: கன்னங்களில் கருப்பு திட்டு மறைய …

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக