ஜெயலலிதா பதவியேற்ற நாளில் இருந்தே ஊழல் தலைவிரிக்கத் தொடங்கிவிட்டது - ராமதாஸ்

தமிழகத்தின் முதலமைச்சராக ஜெயலலிதா பதவியேற்ற நாளில் இருந்தே, ஊழல் தலைவிரித்தாடத் தொடங்கிவிட்டது என்று பாமக நிறுவனர் ராமதாஸ் ஆளுநரிடம் அளித்துள்ள மனுவில் குறிப்பிட்டுள்ளார்.

பாமக நிறுவனர் ராமதாஸ், அன்புமணி ராமதாஸ், பாமக தலைவர் ஜி.கே.மணி ஆகியோர் தலைமையிலான குழு, கவர்னர் கே.ரோசய்யாவை சந்தித்து மனு ஒன்றை அளித்தனர்.

அந்த மனுவில், 2011ஆம் ஆண்டில் குறிப்பிடப்பட்டுள்ளதாவது:

'தமிழகத்தின் முதலமைச்சராக ஜெயலலிதா பதவியேற்ற நாளில் இருந்தே, மாநில அரசின் அனைத்துத் துறைகளிலும் ஊழல் தலைவிரித்தாடத் தொடங்கிவிட்டது. ஓ.பன்னீர்செல்வம் முதலமைச்சரான பின்னர், திறமையில்லாத அரசுக்கும், முழுக்க முழுக்க ஊழல் நிறைந்த நிர்வாகத்திற்கும் தலைமை தாங்கி வருகிறார்.

கிரானைட் கொள்ளை குறித்து விசாரணை நடத்த தமிழக அரசு தயங்கியது, இதுகுறித்து விசாரணை நடத்த சகாயம் தலைமையில் குழு அமைக்கப்பட்ட பிறகும் அவரது விசாரணைக்கு ஆதரவு அளிக்க அரசு நிர்வாகம் மறுப்பது ஆகியவை இந்த ஊழலில் அமைச்சர்களுக்கும் உயர் அதிகாரிகளுக்கும் தொடர்பு இருப்பதை காட்டுகிறது. இதுகுறித்த உண்மைகளை வெளிக்கொண்டுவர விரிவான விசாரணை நடத்தப்பட வேண்டும்.

மோனோசைட்டைக் கொண்ட தாது மணலை விருப்பம் போல வெட்டி எடுப்பதற்கான உரிமத்தை தனியார் நிறுவனங்களுக்கு தமிழக அரசு விதிகளை மீறி வழங்கியுள்ளது. இதன் மூலம் தனியார் நிறுவனங்கள் மோனோசைட் தாதுவை உற்பத்தி செய்து வெளிச்சந்தையில் விற்க மறைமுகமாக தமிழக அரசு அனுமதி அளித்துள்ளது. இது இந்திய அரசின் சட்டத்தை மீறிய செயல் என்பது மட்டுமின்றி, தேசியப் பாதுகாப்புக்கும் பெறும் அச்சுறுத்தலாகும்.

தனியாரிடமிருந்து மின்சாரத்தை வாங்கும் போது ஒழுங்குமுறை ஆணையத்திடம் இருந்து அனுமதி பெற வேண்டும். ஒரு யூனிட் மின்சாரத்திற்கு ரூ.5.50-க்கும் மேல் விலை தரக்கூடாது என்பவை ஒழுங்கு முறை ஆணையத்தின் விதிகளாகும்.

இந்த விதிகளையெல்லாம் காற்றில் பறக்கவிட்டு மிக அதிக விலை கொடுத்து தனியார் நிறுவனங்களிடமிருந்து அரசு மின்சாரத்தை வாங்கிக் கொண்டிருக்கிறது.

தமிழ்நாட்டில் அரசுப் போக்குவரத்துக் கழகங்களுக்கு 7 ஆயிரத்து 500 ஓட்டுனர்கள் மற்றும் நடத்துனர்களை தேர்வு செய்யும் பணிகள் நடைபெற்று வருகின்றன. இந்த வேலையில் சேர விரும்புபவர்களிடம் தலா ரூ.3 முதல் ரூ.4 லட்சம் வரை லஞ்சம் வாங்கப்படுகிறது.

போக்குவரத்துக் கழக உதவி பொறியாளர் பணிக்கு ரூ.10 லட்சமும், இளநிலைப்பொறியாளர் பணிக்கு ரூ.6 லட்சமும் லஞ்சமாக வாங்கப்படுகிறது. போக்குவரத்துப் பணியாளர்கள் நியமனத்தில் மட்டும் ரூ.300 கோடி அளவுக்கு ஊழல் நடந்திருப்பதாக கூறப்படுகிறது.

பள்ளிக் கல்வித்துறையில் கடந்த ஓராண்டில் மட்டும் 10 ஆயிரம் ஆசிரியர்கள் இடமாற்றம் செய்யப்பட்டு, அதற்காக ரூ.500 கோடி கையூட்டாக பெறப்பட்டிருப்பதாக கூறப்படுகிறது. கையூட்டு பெற வேண்டும் என்பதற்காகவே பள்ளிக் கல்வித்துறையில் ஆசிரியர்கள் உள்ளிட்ட பணியாளர்களை வேண்டுமென்றே சம்பந்தமில்லாத ஊர்களுக்கு இடமாற்றம் செய்யும் உத்தியை அரசு கடைபிடித்து வருகிறது' என்பன போன்று பல குற்றச்சாட்டுகள் அதில் அடங்கியுள்ளன.

இவர் கூறிய அனைத்தும் உண்மை என்றாலும் இது மற்ற ஆட்சியினர் இருந்தபோதும் நடந்துள்ளது...

எந்த ஒரு ஆட்சியும் ஊழலுக்கு எதிராக கடுமையான சட்டங்கள் கொண்டுவரவில்லை...மாநில அளவிலும் சரி தேசிய அளவிலும் சரி...

M.Saranya wrote:இவர் கூறிய அனைத்தும் உண்மை என்றாலும் இது மற்ற ஆட்சியினர் இருந்தபோதும் நடந்துள்ளது...

எந்த ஒரு ஆட்சியும் ஊழலுக்கு எதிராக கடுமையான சட்டங்கள் கொண்டுவரவில்லை...மாநில அளவிலும் சரி தேசிய அளவிலும் சரி...

மேற்கோள் செய்த பதிவு: 1121389


ரமணியன்

சிலர் தண்ணி உள்ளே போனாதான் எடக்கு மடக்காக பேசுவார் .
இவர் எப்போதுமே அப்பிடிதான் பேசுவார் .
அரசியலுக்கே ,தானோ தங்கள் குடும்பத்தினரோ வரமாட்டார்கள் என்றார் .
அப்பிடி நடந்ததா ?
லஞ்சம் வாங்குபவர்களை , தெருமுனையில் , நிற்கவைத்து ,சவுக்கால் அடிப்பேன் என்றார் .
அப்பிடி நடந்ததா ?
லஞ்சம் வாங்குவது இல்லை , லஞ்சம் தருகிறார்கள் என்று கூறுவாரா ?


மணி ,துட்டு , காசு
காசு துட்டு மணி மணி
2016 இப்பவே களை கட்டுது

ரமணியன்