எரியும் தீப்பிழம்பு

rupan.T · rupan.T Wed Feb 18, 2015 9:08 am

பள்ளியறை-முதல்
கட்சியறை-வரை
ஈழத் தமிழரின் மரணக் –கோலத்தின்
உதிரம் துவைந்த
பதாதைகள் ஏந்தியபடி
தமிழக பாதைகள் அதிர்ந்த வண்ணம்
உலக அரங்குக்கு பறைசாற்றும்
உரிமைக்குரல் தமிழகம் எங்கும் -ஒலிக்கிறது,

எம் தொப்புள் கொடி உறவாம்
எம் ஈழச் சொந்தங்கள்
இரக்கமற்ற மரணத் தாண்டவத்தின்
விளிம்பில் சாய்ந்தவர்கள்.
கோர முகத்தை கிழிக்கும்
கோடித் தமிழர்களின்-உணர்ச்சிக்குரல்
தமிழகத்தில் அங்கும் இங்கும்-வெடிக்கிறது,

மண் மானம் தன் மானம் -காக்க
உணர்ச்சிகளின் உத்வேகத்தில்
உணர்வுகள் மேல் எழுந்து
உரிமைக்காக வீர காவியமான
வீர மைந்தர்களின் உயிர்கள்-எத்தனை

அவர்களே எங்களின் காவல்-தெய்வங்கள்
அவர்கள் காட்டிய பாதையை-நிலை நிறுத்தி
ஊர் எங்கும் சோக கீதங்களும்
சோகக் கொடிகள் அரைக்- கம்பத்தில்பறக்க
கடைகளும் கல்லூரிகளும் பூட்டுப் போட்டு
புனிதமான அறவழிப் போராட்டம்
தமிழகம் எங்கும் பூக்கிறது,

சுதந்திர தமிழீழத்தாயகம் மலரும்வரை
எங்களின் போராட்டம் ஓயாது
என்ற ஆண்ம சுத்தியுடன்
உண்ணா விரதம்மென்றும்
சாலை மறியல் என்றும்
சார்த்வீக வடிவில் மாணவர்-புரட்சி வெடிக்கிறது,
சுதந்திர தமிழீழம் மலரும் வரை
எங்களின் தீப்பிழம்பு
எரிந்துகொண்டேயிருக்கும்

-நன்றி-
-அன்புடன்-
-ரூபன்-

**krishnaamma** · **krishnaamma** Wed Feb 18, 2015 9:54 am

//என்ற ஆண்ம சுத்தியுடன் //....................இது "ஆன்ம" என்று வரவேண்டும் அல்லவா ரூபன்? புன்னகை

..
.

.
.
கவிதை அருமை ! மகிழ்ச்சி

.
.
கையெழுத்து பகுதி இல் போடுங்கள் உங்கள் தள முகவரியை புன்னகை

....( என்னுடையதை போல புன்னகை

)

.
.
.
மேலும் , கருத்தை இங்கு சொன்னால் ஒத்துக்க மாட்டீங்களா? ஜாலி

**T.N.Balasubramanian** · **T.N.Balasubramanian** Wed Feb 18, 2015 11:38 am

தமிழுக்கு ,

அழகே ,

"ழ " தான் .

பேசும்போதுதான் ,சிலர் "ழ" என்பதற்கு "ள" உச்சரிக்கின்றனர் .

எழுதும்போதாவது , அழகு , "ழ" வரட்டுமே .

ரமணியன்

தங்களுடைய "தீப்பிளம்பு" நான் திருத்த நினைக்கையிலே ,
சகோதரி கிருஷ்ணா ம்மா , திருத்திவிட்டார்கள்.
சரியான எழுத்தாளுமை "ழ" நாம் தமிழுக்கு செய்யும் தொண்டு .
நன்றி , ரூபன் .
கவிதை நன்று

ரமணியன்