21 கிறிஸ்தவர்கள் தலையை துண்டித்து கொலை, லிபியாவில் எகிப்து விமானப்படை ஏவுகணை வீச்சு

லிபியா நாட்டில் 21 பேரை தலை துண்டித்து ஐ.எஸ். தீவிரவாதிகள் படுகொலை செய்தனர். இதனையடுத்து லிபியாவில் தீவிரவாதிகளை குறிவைத்து எகிப்து ராணுவம் தாக்குதல் நடத்தியுள்ளது

ஒரு மாதத்துக்கு எகிப்து நாட்டை சேர்ந்த கிறிஸ்தவர்கள் 21 பேரை ஐ.எஸ். தீவிரவாதிகள் லிபியா நாட்டில் பணய கைதிகளாக பிடித்து சென்றனர். கடத்தி செல்லப்பட்ட 21 பேரின் கதியும் என்னவென்பது தெரியாமல் இருந்தது. இந்த நிலையில் லிபியா நாட்டில் பதுங்கி இருக்கும் ஐ.எஸ். தீவிரவாதிகள் 5 நிமிடங்கள் ஓட கூடிய ஒரு வீடியோ காட்சியை வெளியிட்டனர். அதில் தாங்கள் கடத்தி சென்ற 21 பேரையும் கடற்கரையோரம் உள்ள பகுதியில் துப்பாக்கி முனையில் மண்டியிட வைத்து, அனைவரையும் தீவிரவாதிகள் கத்தியால் தலையை துண்டித்து கொன்ற கொடூர காட்சி பதிவாகி இருந்தது.

படுகொலைகளை முடித்த பிறகு, பேசிய தீவிரவாதிகளின் ஒருவன், இந்த கடலில்தான் நீங்கள் பின்லேடனின் உடலை மறைத்து வைத்தீர்கள். அதற்கு பதிலாக இவர்களின் ரத்தத்தை இந்த கடலில் கலக்கிறோம் என்று பேசியதும் அந்த வீடியோ காட்சியில் இடம் பெற்றிருந்தது. இதுவரை சிரியா, ஈராக் நாடுகளில்தான் பணய கைதிகளாக பிடித்தவர்களை ஐ.எஸ். தீவிரவாதிகள் தலையை துண்டித்து கொள்வதை வழக்கமாக கொண்டிருந்தனர். முதல் முறையாக இந்த 2 நாடுகளுக்கும் வெளியே தீவிரவாதிகள் இதுபோன்ற படுபாதக செயலில் ஈடுபட்டிருப்பது உலக நாடுகளை கடும் அதிர்ச்சியடைய செய்து உள்ளது.

தனது நாட்டு மக்களுக்கு நேர்ந்த துயரம் குறித்து வேதனை அடைந்த எகிப்து அதிபர் அப்தெல் பட்டாஹ் அல்-சிசி கூறுகையில், இந்த படுபபாதக செயலில் ஈடுபட்ட தீவிரவாதிகளுக்கு சரியான நேரத்தில் பாடம் புகட்டுவோம் என்று சூளுரைத்தார். இந்நிலையில் லிபியாவில் தீவிரவாதிகளை குறிவைத்து எகிப்து விமானப்படை தாக்குதல் நடத்தியது என்று எகிப்து நாட்டு ராணுவம் தரப்பில் தெரிவிக்கப்பட்டுள்ளது. லிபியாவில் ஐ.எஸ். தீவிரவாதிகள் பயிற்சி மையம், முகாம்கள் மற்றும் ஆயுத குவியல்கள் பகுதியில் எகிப்து ராணுவம் தாக்குதல் நடத்தியுள்ளது. லிபியாவில் உள்ள தீவிரவாத குழுவால் எகிப்தின் பாதுகாப்புக்கு பெரிய அச்சுறுத்தலாகும் என்று அதிபர் அப்தெல் பட்டாஹ் அல்-சிசி கூறியுள்ளார்.

லிபியாவில் 34 ஆண்டுகளாக நடந்து வந்த கடாபியின் ஆட்சி 2011 முடிவுக்கு வந்ததில் இருந்து போராட்டக்குழுக்கள் அதிகாரத்தை கையில் எடுத்துக்கொண்டு செயல்பட்டு வருகின்றன. அங்கு ஆயுதம் தாங்கிய பல்வேறு தீவிரவாத குழுக்கள் செயல்பட்டு வருகிறது என்பது குறிப்பிடத்தக்கது. இருப்பினும் அங்கு ஐ.எஸ். தீவிரவாத இயக்கத்தின் படை பலம் எப்படி என்பது தெளிவாக தெரியவரவில்லை. இந்த கொடூர சம்பவம் உலக நாடுகளை அதிர்ச்சியில் உறைய செய்துள்ளது.

.

அடுத்த கொடுமை, ஒரு கூட்டில் அடைத்து வைக்கப்பட்டுள்ள சுமார் 15 குழந்தைகளை பெட்ரோல் ஊற்றி எரிக்கப் போவதாக ISIS மிரட்டல் விடுத்துள்ளது

இத்தகைய பாதக செயல்களை செய்பவர்களின் அட்டகாசத்தை கடவுள் இன்னுமா பொறுத்துக்கொண்டு இருக்கிறார் .......

இந்த மிருகங்களை என்ன செய்ய

படிக்கவே பயமாய் இருக்கு .....அதிர்ச்சியாகவும் இருக்கு.......இதுக்கெல்லாம் என்ன தான் முடிவு?

இந்த பிசாசுகள் எல்லாம் அநியாயத்துக்கு பிறந்த தெருநாய்கள். சீக்கிரம் அழிவார்கள்.