இயேசுவின் உவமைக் கதை

**சிவா** · **சிவா** Sat Feb 21, 2009 12:59 pm

இயேசு உவமைகள் வழியே சமய உண்மைகளைக் கூறுவார் என்று பழைய ஏற்பாட்டில் உள்ள சங்கீதம் 78ம் அதிகாரம், 2வது வசனம் கூறுகிறது. ஆம் இயேசுகிறிஸ்து 39 உவமைகளை பயன்படுத்தி போதித்தார். இயேசுவின் உவமைகளுள் ஒன்றை நாமும் தெரிந்துகொள்வோம்.

அறிவற்ற செல்வந்தன்

மிகப்பெரிய செல்வந்தருடைய நிலம் நன்றாக விளைந்திருந்தது. அவனுடைய விளைச்சல்களுக்கு அளவேயில்லை. அவ்வாறு அவன் தன்னுடைய விளைச்சலைக் கண்டு அவனுக்குள்ளாகவே ஒரு பெருமிதம். விளைந்த பொருட்களை சேகரிக்க இடமில்லையே என்று அவன் வருந்தினான். தன்னுடைய களஞ்சியம் வைக்கும் இடத்தை இடித்துவிட்டு பெரிதாகக் கட்ட வேண்டும் என்று தனக்குள்ளாக மிகப்பெரிய திட்டங்களை வகுத்துக் கொண்டவனாக படுக்கைக்குச் சென்றான்;.

உடனே ஆண்டவர் அவனைப் பார்த்து, நீ இன்று இரவு மரித்துப்போனால் இந்த தானியங்கள், சொத்துக்கள் எல்லாம் யாருடையதாக மாறும் எனக்கேட்டார். இத்தோடு இவ்வுவமையை முடிக்கிறார் இயேசு. எவ்வளவு பெரிய செல்வந்தனும் சரி மிக ஏழ்மையான மனிதனும் சரி பிறக்கும்போதும், பூமியை விட்டு செல்லும்போதும் எதையும் கொண்டு வந்ததுமில்லை. எதையும் கொண்டு போவதுமில்லை-என்று பைபிள் தெளிவாகக் கூறுகிறது. இதை அந்த அறிவற்ற செல்வந்தன் உணரத் தவறிவிட்டான். நாளை என்ன நடக்கும் என்பது நமக்குத் தெரியாது. எனவே நாம் எதற்கும் பெருமை கொள்ளாது, அன்றன்றுள்ள அப்பத்தைத் தாரும் என இறைவனை வேண்டுவோம்.

tamilparks · tamilparks Sat Feb 21, 2009 2:16 pm

உண்மைதான் நான் என்கிற அகங்காரம் மனிதனுக்கு இருக்ககூடாது

இயேசுவின் உவமைக் கதை

இயேசுவின் உவமைக் கதை

Re: இயேசுவின் உவமைக் கதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக