எல்.ஈ.டி. விளக்குகள் பயன்படுத்தினால் மாதம் ரூ100 மிச்சமாகும்…

**ayyasamy ram** · **ayyasamy ram** Sun 8 Feb 2015 - 11:56

நாட்டின் மின்தேவையை சமாளிக்க வர்த்தக
நிறுவனங்கள் வாடிக்கையாளர்களுக்கு
புத்தாண்டு பரிசாக டைரி. காலண்டர்களை
கொடுப்பதற்கு பதிலாக எல்.ஈ.டி. பல்புகளை
கொடுக்க முன்வரவேண்டும் என்று அண்மையில்
பிரதமர் மோடி கூறியது அனைவர் கவனத்தையும்
கவர்ந்தது.
–
மத்திய அரசு அலுவலகங்களில் இனி வாங்கும்
பல்புகள் எல்.ஈ.டி. வகையாகவே இருக்க வேண்டும்
என அறிவிக்கப்பட்டது. அதனால் மத்திய அரசின்
இத்தகைய நடவடிக்கைகளுக்கு முன்பாகவே
புதுவை அரசு செயலில் இறங்கிவிட்டது குறிப்பிடத்
தக்கது.

வீடுகளில் மின்பயன்பாடு அளவை குறைக்கும்
வகையில் எல்.ஈ.டி. வகை பல்புகளை மக்களுக்கு
குறைந்தவிலையில் வழங்கியுள்ளது. பயன்படுத்தி
கொண்டிருக்கும் சாதாரண குண்டு பல்புகளை
புதுவை மின் வாரியத்தில் ஒப்படைத்து விட்டு
அதற்கு பதிலாக புதிய எல்.ஈ.டி. மின் விளக்குகளை
வெறும் பத்து ரூபாய் விலையில் பெற்றுக்கொள்ளலாம்.

இவ்வகையில் ஒவ்வொரு குடும்பத்துக்கும் மூன்று
பல்புகள் வரை வழங்கப்படுகின்றன. இவ்வாறு
செய்வதன் மூலம் மாநிலத்தில் மொத்த மின் பயன்பாடு
அளவு வெகுவாக குறையும் என எதிர்ப்பார்க்கப்படுகிறது.
என்கிறார்கள் புதுவை மின்வாரிய அதிகாரிகள்.

பொதுவாக எல்.ஈ.டி. விளக்குகள் அதிக நேரம் உழைக்க
கூடியவை. தினமும் ஐந்தாறு மணி நேரம்
பயன்படுத்தினால் ஒரு எல்.ஈ.டி. விளக்கு 15 ஆண்டுகள்
வரை உழைக்கும். அததக சக்தி வாய்ந்தவை எனப்படும்
சி.எப்.எல். பல்புகளின் பயன்படுத்தப்படும் அளவுக்கு
பாதரசம் எல்.ஈ.டி. உற்பத்திக்கு தேவையில்லை என்பதால்
இவை சுற்றுச்சூழல் பாதுகாப்புக்கு அதிகம் பயன்படுகின்றன.

சாதாண விளக்குகளை காட்டிலும் எல்.ஈ.டி. விளக்குகளுக்கு
மின் உமிழ் ஆற்றல் 85 சதவிகிதம் அதிகம். குறைந்த
பராமரிப்பில் அதிக காலம் உழைக்கும் சக்தி கொண்டவை.

புதுவை அரசு வழங்கும் இந்த பல்புகளின் மின் திறன்
வெறும் ஏழு வாட் மட்டுமே. ஆகையால் எல்.ஈ.டி. வகை
பல்புகளை பயன்படுத்துவது மிக சிறந்த மின் சிக்கன
நடவடிக்கையாகும்.

க்ஷ வெளிச்சந்தையில் எல்.ஈ.டி. மின் விளக்குகளின்
விலை சாதாரண பல்புகளை விட அதிகமாக உள்ளது.
ஒரு சக்தி வாய்ந்த எல்.ஈ.டி. பல்பின் விலை 150 ரூபாய்
இருக்கும். அதனால் சாதாரண மக்கள் இவற்றை வாங்கி
பயன்படுத்த விரும்பமாட்டார்கள் என்பாதல் மானிய
விலையில் இதை அறிமுகம் செய்கிறது புதுவை அரசு
என்கிறார்கள் இந்த அதிகாரிகள்.
–
தமிழக அரசும் எல்.ஈ.டி. மின் விளக்குகளை இப்படி
வழங்கினால் தமிழக மின் பற்றாக்குறை வரப்
பிரசாதமாக இருக்குமே.
–
————————————-
செல்லூர் கண்ணன்.
கல்கி செய்திகள்:

**Dr.S.Soundarapandian** · **Dr.S.Soundarapandian** Sun 8 Feb 2015 - 18:07

எல்.ஈ.டி. விளக்குகள் பயன்படுத்தினால் மாதம் ரூ100 மிச்சமாகும்… 1571444738

**T.N.Balasubramanian** · **T.N.Balasubramanian** Mon 9 Feb 2015 - 23:38

தமிழக அரசும் , மான்ய விலையில் ,ரேஷன் கடைகளில் தரலாமே !

ரமணியன்

**krishnaamma** · **krishnaamma** Tue 10 Feb 2015 - 0:08

//தமிழக அரசும் எல்.ஈ.டி. மின் விளக்குகளை இப்படி
வழங்கினால் தமிழக மின் பற்றாக்குறை வரப்
பிரசாதமாக இருக்குமே//

நிஜம்.....ஆனால் தருவார்களா? சோகம்

**M.M.SENTHIL** · **M.M.SENTHIL** Tue 10 Feb 2015 - 7:33

நல்ல செய்தி . ஆனாலும் குறைந்த விலையில் கிடைக்க எங்க டம்மி சி.எம் மம்மிகிட்ட அனுமதி வாங்குவாரா

**M.Saranya** · **M.Saranya** Tue 10 Feb 2015 - 18:26

அதுவும் சரிதான் நண்பரே...

தமிழக அரசின் நிலை இன்று இப்படித்தானே உள்ளது...
எப்படியோ கையில கால்ல விழுந்து அனுமதி வாங்கிடுங்கோ முதல் அமைச்சரே !!!!!!!!!!!!!!