அவிக்க வேண்டிய முட்டைய ஆம்லெட் போட்டு வச்சிருக்க.... ஆம்லெட் போடவேண்டிய முட்டைய அவிச்சு வச்சிருக்க...!

First topic message reminder :

காவியா இன்று இதற்கொரு முடிவு கட்டியே தீரவேண்டும் என்று முடிவு செய்தாள்.

கல்யாணம் ஆன ஒரு மாதத்திற்குள்ளாகவே இப்படி ஒரு பிரச்னை வரும் என அவள் நினைக்கவில்லை.

அதுவும் கேவலம் ஒரு ஒண்ணரை ரூபாய் முட்டையால்.

கல்யாணம் ஆன போதே மாமியார் சொல்லியிருந்தாள்.

"அவனுக்கு சாப்பாட்ல டெய்லி ஒரு முட்டை சேத்துக்கணும். அதுவும் ஆம்லெட் இல்லாட்டி அவிச்ச முட்டையாத்தான் இருக்கணும்...."

ஆனால், இவள் கணவனோ முட்டையிலேயே ஆயிரம் குறை கண்டுபிடிப்பவனாய் இருந்தான்.

முட்டையை அவித்து வைத்தால் ஆம்லெட் போட்டிருக்கலாம் என்பான். ஆம்லெட் போட்டிருந்தாலோ அவித்திருக்கலாமே என்பான்.

இதுவே தினசரி தொடர காவியாவின் மனதுக்குள் முட்டையால் ஒரு பெரும் புயல் வீச ஆரம்பித்தது.

ஒரு மாதம்.

பொறுத்துப் பொறுத்துப் பார்த்தவள் இன்று பொறுமை இழந்துவிட்டாள்.

கணவன் சாப்பிட வந்ததும் காலையிலேயே முடிவு செய்தபடி ஒரு முட்டையை அவித்தும் ஒரு முட்டையை ஆம்லெட் போட்டும் வைத்துவிட்டு கணவன் என சொல்கிறான் என்று பார்க்கக் காத்திருந்தாள்.

அவனோ என்றுமில்லாத ஆச்சர்யமாய் வாயே திறக்காமல் சாப்பிட்டுக் கொண்டிருந்தான்.

தாங்க முடியாமல் காவியாவே,"என்னங்க முட்டையை அவிச்சும் வச்சிருக்கேன், ஆம்லெட் போட்டும் வச்சிருக்கேன்.. நீங்க அதைப்பத்தி ஒண்ணுமே சொல்லலியே...!" என்று வாயைத் திறந்து கேட்டும் விட்டாள்.

சாப்பிட்டுக் கொண்டிருந்த கணவன் நிமிர்ந்து கோபமாய் சொன்னான்.

"என்னத்த சொல்றது.? உனக்கு எத்தனை தடவை சொன்னாலும் புரியப் போறதில்ல...!"

காவியா குழம்பிப் போனாள்,"இதுல என்னங்க தப்பு...?"

கணவன் தனது கோபம் குறையாமலே பதில் சொன்னான்.

"என்ன தப்பா...? அவிக்க வேண்டிய முட்டைய ஆம்லெட் போட்டு வச்சிருக்க.... ஆம்லெட் போடவேண்டிய முட்டைய அவிச்சு வச்சிருக்க...!'

காவியா இப்போது மயக்கம் போடாமலிருக்க ட்ரை பண்ணிக்கொண்டிருக்கிறாள்.
.

சிவா wrote:

krishnaamma wrote:

ம்................இதுக்கு நான் பதில் சொன்னால்..............வம்பாகிவிடுமே சிவா

நூற்றில் 50% இல்லையில்லை 80% கணவன் மனைவிகள் இப்படித்தான் உள்ளார்கள். பொருளாதார நிலையும் இதற்கு ஒரு காரணம் என்று சொல்லப்பட்டாலும், அது உண்மையில்லை என்பதே என் கருத்து. கணவன் மனைவி கருத்தொற்றுமைக்கும் பொருளாதாரத்திற்கும் சிறிதும் தொடர்பில்லை!

மேற்கோள் செய்த பதிவு: 1118959

ரொம்ப சரி, இப்போ அந்த பொருளாதார சிக்கல் இல்லாததால், அனுசரித்துக்கொண்டுபோகும் பழக்கம் அறவே இல்லாமல் போய்விட்டது சிவா, ...........எதுக்கு அட்ஜஸ்ட் பண்ணனும்?......என்று சொல்லி விவாகரத்து வரை போவது சகஜமாகிவிட்டது ..........
.
.
என்னை பொருத்தவரை எதுவுமே 100% நல்லதோ அல்லது 100% கெட்டதோ இல்லை.....பெருமாளால் கூட எல்லோருக்கும் நல்லவராய் இருக்க முடியாது ?.....சரியா? அப்படி இருக்கும் போது நாம் சாதாரண மனிதர்கள்........ஓரளவுக்கு  சகித்துக்கொண்டு தான் போகணும்...அதுவும் குழந்தைகள் என்றுஆனதும்............கண்டிப்பாக பிரியக் கூடாது  ......பிடிக்காமல் இருக்கும் குணத்தை எடுத்து சொல்லி இயன்றவரை மாற்றப் பார்க்கணும் ..............' அவர்களிடம் இருக்கும் ஏதாவது ஒரு நல்லதை எடுத்து சொல்லி' இவ்வளவு நல்லவ, இதுமட்டும் என் இப்படி ' என்று எடுத்து சொல்லி பார்க்கணும் .....என்று நான் நினைக்கிறேன்

ஆனாலும்..............எதற்குமே ஒரு எல்லை உண்டு தான்