ஏழு செக்கன்கள் தாமதித்து 27 மில்லியன் டாலர்களை இழந்தார்

**அகிலன்** · **அகிலன்** Tue Feb 03, 2015 5:18 pm

கனடாவைச் சேர்ந்த யோயல் இபார்கன் என்பவர் ஏழு செக்கன்கள் தாமதமான காரணத்தில் 27 மில்லியன் கனேடிய டாலர்களை இழந்துள்ளார்.

கடந்த தை 23ம் திகதி இரவு கியூபெக்கில் உள்ள கடையொன்றில் 20.59 நிமிடத்திற்கு இரண்டு லாட்டரி சீட்டுக்களை வாங்கியுள்ளார்.

இவர் வாங்கிய சீட்டுக்களில் ஒன்று பரிசு பெறவில்லை இன்னொரு சீட்டுக்கு 27 மில்லியன் டாலர்கள் பரிசு விழுந்தது.
ஆனால் இவருடைய விதி நேரத்துடன் விளையாடியது, காரணம் லாட்டரி விற்பனை முடிய வேண்டிய நேரம் இரவு 21.00 மணி இவருடைய பரிசு விழுந்த லொத்தரின் விற்பனை சேரம் 21.07 என்று பதிவாகியுள்ளது.

லொத்தர் விற்பனை கணினி வழியாக தரவேற்றம் செய்யப்பட ஏற்பட்ட ஏழு செக்கன்கள் தாமதம் இந்த இழப்பிற்குக் காரணமாகிவிட்டது.

கனடாவின் கியூபெக் மாநில நீதிமன்று பரிசுத் தொகையை இரண்டாவது பரிசு பெற்ற, சரியான நேரத்தில் லொத்தரை எடுத்த பெண்மணிக்கு கைமாற்றும்படியும் கூறிவிட்டது.

தனது தரப்பில் தவறில்லை என்று பணத்தை இழந்தவர் தரப்பில் வாதாடிய வக்கீல் தனது தரப்பினருக்கு அரைப்பங்கு பணத்தையாவது கொடுக்கும்படி கேட்டிருந்தார், ஆனால் அதற்கும் நீதிமன்று மறுத்துவிட்டது.

இந்த நபரை உலகத்தின் மிகப்பெரிய அதிர்ஷ்டக்குறைவானவனவராக இருக்கலாம் என்று டென்மார்க் ரிவி2 வர்ணித்துள்ளது.

காலம் பொன்னானது என்பார்கள் இங்கு காலம் பொன்னைவிட பல ஆயிரம் மடங்கு பெரியதாகிவிட்டது.

நல்ல நேரம் வந்து சேர ஏழு விநாடிகள் தாமதித்துவிட்டது என்கிறார்கள் சோதிட நம்பிக்கை உடையோர்.

லாட்டரி சீட்டு விழுந்து வாழ்வில் இன்பமாக இருந்தவர்களை அடையாளம் காட்ட சரியான உதாரணங்கள் எதுவும் இல்லை என்பதால் இவருடைய வாழ்க்கை காப்பாற்றப்பட்டுள்ளது என்று ஆறுதலடையலாம்.

லாட்டரி சீட்டு பரிசு கிடைக்காவிட்டாலும் இவர் உலகப்புகழ் பெற்ற மனிதராகிவிட்டார்.

லொத்தர் வாங்குவோர் முன்னதாகவே வாங்கினால் இந்தத் துயரம் வராது.. அப்படியானால் நல்ல நேரம் என்றால் என்ன.. சரியான நேரத்திற்கு சொல்வதுதானோ..?

அப்படியும் சொல்ல முடியாது சரியான நேரத்திற்கு போகாமல் தாமதமான காரணத்தில் எயார் ஏசியாவில் பயணித்து மரணமடையாது பலர் தப்பியுள்ளனர்.

அலைகள் 02.02.2015 திங்கள் மதியம்

**M.M.SENTHIL** · **M.M.SENTHIL** Tue Feb 03, 2015 5:22 pm

நல்ல நேரம் அவருக்கு இல்லை என்றாலும், லாட்டரி போன்ற சூதாட்டங்களில் இது போல் நினைக்க கூடாது.

**krishnaamma** · **krishnaamma** Tue Feb 03, 2015 5:31 pm

அடப்பாவமே...........என்றாலும் அந்த 2வது பரிசு பெற்றவர் மிகுந்த அதிருஷ்ட சாலி தான் புன்னகை

Sponsored content · Sponsored content

ஏழு செக்கன்கள் தாமதித்து 27 மில்லியன் டாலர்களை இழந்தார்

ஏழு செக்கன்கள் தாமதித்து 27 மில்லியன் டாலர்களை இழந்தார்

Re: ஏழு செக்கன்கள் தாமதித்து 27 மில்லியன் டாலர்களை இழந்தார்

Re: ஏழு செக்கன்கள் தாமதித்து 27 மில்லியன் டாலர்களை இழந்தார்

Re: ஏழு செக்கன்கள் தாமதித்து 27 மில்லியன் டாலர்களை இழந்தார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக