இப்படியும் கவிதை எழுதலாம்…!!!-Mano Red

Mano Red · Mano Red Fri Jan 30, 2015 8:23 am

எதை வேண்டுமானாலும்
எப்படியும் யோசிக்கலாம்,
கிடைக்கின்ற வார்த்தைகள்
மறுபடியும் கிடைக்காது,
கிடைக்கும் போதே
கவர்ந்து கைது செய்து
கவிதையாக்க வேண்டும்…!

பார்வைகள் பலவிதம்
பார்க்கப்படும் விதத்தில் தான்
பக்குவம் இருக்கிறது,
ஒன்றை இன்னொன்றாக
வேறுவிதத்தில் பாருங்கள்,
கோமாளியாக தெரிந்தாலும்
கோணம் வேறாக இருக்கும்…!!

அக்கம் பக்கங்களை
காதை தீட்டிக் கேளுங்கள்,
அதிகம் பேசாமல்
மனசுக்குள் பேசுங்கள்,
நிச்சயம் உள்ளுக்குள் எதுவோ
கவிதை தீட்டிக் கொண்டிருக்கும்..!!

கவிதையைத் தேட
நேர்வழியும் வேண்டாம்,
குறுக்கு வழியும் வேண்டாம்,
வழிதெரியாமல்
சுற்றிச் சுற்றி வாருங்கள்
கவிதைக்கான நிறைய வழிகள்
வலியிலிருந்து தெரியும்…!!
,
ஒரு புள்ளியை சுற்றி எழுதுவதை விட
ஒரு புள்ளியைப் பற்றி
கவிதை எழுதப் பழக வேண்டும்,
புதைந்து தான் கிடக்கிறது
அங்கங்கே தோண்டுங்கள்,
அழுக்குகள் மட்டுமல்ல
அதிசயங்களும் தோன்றும்…!!

சொந்தமானவர்களுக்கு
சொந்த வரிகள்
அழகாகத்தான் தெரியும்,
அழகைப் பார்க்காமல்
படிக்கும் யாவரையும்
அழாமல் பார்த்துக் கொள்வதில் தான்
கவிஞன் காலூன்றி நிற்கிறான்..!!

மொத்தத்தில்
காதலித்தால் மட்டுமல்ல,
கழுதை மேய்த்தாலும்
கவிதை வரும்…!!!
புண்படுத்தவே
இங்கே காதலின் தரம் தாழ்த்தி
கழுதையை உயர்த்திப் பேசுகிறேன்
காதலை விட கழுதை எவ்வளவோ மேல்…!!

**T.N.Balasubramanian** · **T.N.Balasubramanian** Fri Jan 30, 2015 10:28 am

Mano Red wrote:மொத்தத்தில்
காதலித்தால் மட்டுமல்ல,
கழுதை மேய்த்தாலும்
கவிதை வரும்…!!!
புண்படுத்தவே
இங்கே காதலின் தரம் தாழ்த்தி
கழுதையை உயர்த்திப் பேசுகிறேன்
காதலை விட கழுதை எவ்வளவோ மேல்…!!

ஐயோ பாவம் ஒரு பக்கம் ,
அருமை என்பது மறுபக்கம் ,
அழகிய கவிதை இணைத்ததே,
பழகிய உறவை ,அவதாராக !

ரமணியன்

**ayyasamy ram** · **ayyasamy ram** Fri Jan 30, 2015 12:26 pm

இப்படியும் கவிதை எழுதலாம்…!!!-Mano Red 3838410834

-

கழுதை எவ்வளவோ மேல்தான்....
-
இப்படியும் கவிதை எழுதலாம்…!!!-Mano Red HYIrVpbQSnGo8vzMj7sq+2

-
இராக்கின் ஒருபகுதியாக இருக்கும் குர்திஸ்தான்
சுயாட்சிப் பிரதேசத்தில் இருக்கும் ஒரு பெரிய
அரசியல் கட்சியின் பெயரே ‘கழுதை கட்சி’தான்!

குர்திஸ்தானில் இருக்கும் சுலைமானியா நகரில்
கழுதைக்கு சிலை கூட வைத்திருக்கிறது இந்தக் கட்சி.
-

கோட், டை எல்லாம் போட்டுக்கொண்டு கம்பீரமாக
வெண்கலத்தில் காட்சி தருகிறது இந்தக் கழுதை.

**M.Saranya** · **M.Saranya** Fri Jan 30, 2015 12:32 pm

அழகான கவிதை ....

கழுதையும் அருமையாக உள்ளது நண்பரே..

நன்றி...

**M.M.SENTHIL** · **M.M.SENTHIL** Fri Jan 30, 2015 3:30 pm

Mano Red wrote:
மொத்தத்தில்
காதலித்தால் மட்டுமல்ல,
கழுதை மேய்த்தாலும்
கவிதை வரும்…!!!
புண்படுத்தவே
இங்கே காதலின் தரம் தாழ்த்தி
கழுதையை உயர்த்திப் பேசுகிறேன்
காதலை விட கழுதை எவ்வளவோ மேல்…!!

மேற்கோள் செய்த பதிவு: 1117804

ஒரு வேளை தம்பி மனோ காதலில் தோற்றவரோ புன்னகை

கவிதை அருமை மனோ

**T.N.Balasubramanian** · **T.N.Balasubramanian** Fri Jan 30, 2015 3:35 pm

அதே அதே சந்தேகம் எனக்கும் !
அடுத்த அவதாரில் , தாடி அதிகமாக தெரியுமோ ?

ரமணியன்

யினியவன் · யினியவன் Fri Jan 30, 2015 3:54 pm

காற்று வாங்க போனேன்
ஒரு கழுதை வாங்கி வந்தேன்

பழைய பாடல் கூட இப்படித்தான் இருந்திருக்குமோ?

Mano Red · Mano Red Fri Jan 30, 2015 4:42 pm

அய்யய்யோ அப்படி ஒன்றும் இல்லை ...என்னுடைய படத்தில் இருப்பது அக்காவின் மகள் ...4 ம் வகுப்பு படிக்கிறாள்...கவிதையில் சொல்வது என்னைப் பற்றி அல்ல நண்பர்களே....mano crying

**M.M.SENTHIL** · **M.M.SENTHIL** Fri Jan 30, 2015 8:12 pm

Mano Red wrote:அய்யய்யோ அப்படி ஒன்றும் இல்லை ...என்னுடைய படத்தில் இருப்பது அக்காவின் மகள் ...4 ம் வகுப்பு படிக்கிறாள்...கவிதையில் சொல்வது என்னைப் பற்றி அல்ல நண்பர்களே....mano crying

மேற்கோள் செய்த பதிவு: 1117889

தம்பி உங்களுடன் இருப்பது சிறு குழந்தை என்பது கூட எங்களுக்கு தெரியாதா என்ன? புன்னகை

நாங்கள் கேட்பது நீங்கள் காதலில் தோற்றவரா? என்பதுதானே...

உண்மை பதில் உரைக்குமாறு கேட்டுக் கொள்கிறோம்.

**T.N.Balasubramanian** · **T.N.Balasubramanian** Fri Jan 30, 2015 9:18 pm

எங்களுக்கு உறைக்குமாறு உரைக்கவும் , மனோ !
ரமணியன்

Sponsored content · Sponsored content

இப்படியும் கவிதை எழுதலாம்…!!!-Mano Red

இப்படியும் கவிதை எழுதலாம்…!!!-Mano Red

Re: இப்படியும் கவிதை எழுதலாம்…!!!-Mano Red

Re: இப்படியும் கவிதை எழுதலாம்…!!!-Mano Red

Re: இப்படியும் கவிதை எழுதலாம்…!!!-Mano Red

Re: இப்படியும் கவிதை எழுதலாம்…!!!-Mano Red

Re: இப்படியும் கவிதை எழுதலாம்…!!!-Mano Red

Re: இப்படியும் கவிதை எழுதலாம்…!!!-Mano Red

Re: இப்படியும் கவிதை எழுதலாம்…!!!-Mano Red

Re: இப்படியும் கவிதை எழுதலாம்…!!!-Mano Red

Re: இப்படியும் கவிதை எழுதலாம்…!!!-Mano Red

Re: இப்படியும் கவிதை எழுதலாம்…!!!-Mano Red

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக