கொஞ்சம் பழைய கவிதை..!! -Mano Red

Mano Red · Mano Red Sun Nov 30, 2014 2:52 am

இம்மாதிரியான
மழை நாளில்
பழையதைத் தேடி
பழகிக் கொள்ள தோன்றியது..!!
அப்படி தேடிப் போனது
முன்னொரு நாள் வாழ்ந்த
மூத்தவர்களின் பழைய அறை..!!

தயங்கி தயங்கி
நூலாம்படை வலைக்குள்
நூதனமாய் நுழைந்த போது,
சிக்கல் உலகில்
சிலந்திகளின் வாழ்க்கை
சுகமாகவே இருந்தது..!!

கை வைத்த இடமெல்லாம்
கைரேகை பதியுமளவு
காலச்சுவடுகளின் தூசுகள்,
தூசு தட்டியதில் தெரிந்தது
தூரத்தில் வாழ்ந்த
தாத்தா பாட்டிகளின்
தங்கம் பூசிய முகமும்,
அங்கம் பேசிய அழகும்...!!

இரும்பு பெட்டியின்
இரும்பு வாயை
தற்செயலாய் திறந்த போது,
மூக்குப்பொடி டப்பா முதல்
உடைந்த மூக்குத்தி வரை
அலட்டிக் கொள்ளாமல்
அத்தனை கதை சொன்னது..!!

மாமிச வீச்சமடிக்கும்
மாடி அறை,
அதிகார தோரணையில்
ஆணியில் தொங்கிய
ஆதி விலங்குகளின் முகம்..!!
அன்பின் பெருவெளியை
அங்கே சமன்படுத்த
வார்த்தை எதுவும்
எனக்கு சிக்கவில்லை..!!

எதேச்சையாக
படிக்க நேர்ந்தது,
செல்லரித்த காகிதத்தில்
புல்லரிக்க செய்யும்
காதல் கவிதை..!
கொஞ்சம் பழைய கவிதை தான்
இருந்தாலும் அவர்களின்
இளமை காதலை
வெளிச்சத்திற்கு கொண்டு வந்த
என்னை
மன்னித்து விடட்டும் அவர்கள்..!!

கொஞ்சம் பழைய கவிதை..!! -Mano Red HKgnRKfnQxCBN7T6b8an+5459321433_ef23060141_z

கொஞ்சம் பழைய கவிதை..!! -Mano Red HKgnRKfnQxCBN7T6b8an+5459321433_ef23060141_z

**T.N.Balasubramanian** · **T.N.Balasubramanian** Sun Nov 30, 2014 12:00 pm

அருமையாக உள்ளது
உங்களை போலவே உங்கள் அவர்களும் கவிகளோ ?
ரமணியன்

Mano Red · Mano Red Sun Nov 30, 2014 1:14 pm

ஹாஹா ...அவர்கள் போல நான் ...நன்றி அய்யா

**T.N.Balasubramanian** · **T.N.Balasubramanian** Sun Nov 30, 2014 2:53 pm

உங்களை தெரியும் ,அவர்களை தெரியாது .
அதனால் தான் உங்களை போன்றா என்று கேட்டேன் .
அவர்களை அறிந்து இருந்தால் , அவர்களை போன்றுதான்
நீங்கள் என்று கூறி இருப்பேன் .
படம் மிக பொருத்தம் .கவர்ந்தது .

ரமணியன்

**T.N.Balasubramanian** · **T.N.Balasubramanian** Sun Nov 30, 2014 3:01 pm

மனோ ,
ஈகரை வருகை பதிவேடு என்று ஒரு திரி இருக்கிறது .
உங்கள் வருகைக்காக நீண்ட நாட்களாக காத்து இருக்கிறது .
24 X 7 சர்வீஸ் . இலவச அனுமதிதான் .
எப்போது வந்தாலும் , அதில் , நுழைந்து விட்டு வாருங்கள். அன்பு மலர்

ரமணியன்

Mano Red · Mano Red Sun Nov 30, 2014 3:17 pm

மொபைலில் பபயன்படுத்துகறேன் அதான் கஷ்டம் ....வருகைப் பதிவேடு எதற்கு கொஞ்சம் சொல்லுங்கள் அய்யா ....மன்னிக்கவும்

**T.N.Balasubramanian** · **T.N.Balasubramanian** Sun Nov 30, 2014 3:39 pm

உங்கள் உயிர் நண்பர்களை /தெரிந்தவர்களை காலையில் பார்க்கும் போது
குட் மார்னிங் சொல்லவேண்டாம் என நினைத்தால் ,
உங்கள் ரத்தபந்தங்களை பார்க்கையில் ,
சௌக்கியமா /நலமா என விஜாரிக்கவேண்டாம் என்றால்,
வருகைபதிவேட்டில் , முகமன் , கூறுவது அவசியமில்லை.
வருகை பதிவேடு எதற்கு என்று கேட்டதற்கான பதில் .

ரமணியன்

**M.M.SENTHIL** · **M.M.SENTHIL** Mon Dec 01, 2014 11:33 am

கொஞ்சம் பழைய கவிதையாய் இருப்பினும்
புதிதாய் தெரிகிறது

நன்று மனோ

Sponsored content · Sponsored content

கொஞ்சம் பழைய கவிதை..!! -Mano Red

கொஞ்சம் பழைய கவிதை..!! -Mano Red

Re: கொஞ்சம் பழைய கவிதை..!! -Mano Red

Re: கொஞ்சம் பழைய கவிதை..!! -Mano Red

Re: கொஞ்சம் பழைய கவிதை..!! -Mano Red

Re: கொஞ்சம் பழைய கவிதை..!! -Mano Red

Re: கொஞ்சம் பழைய கவிதை..!! -Mano Red

Re: கொஞ்சம் பழைய கவிதை..!! -Mano Red

Re: கொஞ்சம் பழைய கவிதை..!! -Mano Red

Re: கொஞ்சம் பழைய கவிதை..!! -Mano Red

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக