வரலாற்றில் இன்று - பிப்ரவரி

**விமந்தனி** · **விமந்தனி** Tue Feb 03, 2015 2:49 pm

First topic message reminder :

வரலாற்றில் இன்று - பிப்ரவரி 1

வரலாற்றில் இன்று - பிப்ரவரி - Page 8 WIYreeF6ST2iUyHPfRLp+February-1

1662 - ஒன்பது மாத முற்றுகையின் பின்னர் சீனாவின் இராணுவத் தளபதி கொக்சிங்கா தாய்வான் தீவைக் கைப்பற்றினார்.

1788 - ஐசாக் பிறிக்ஸ் மற்றும் வில்லியம் லோங்ஸ்ட்ரீட் ஆகியோர் நீராவிப்படகுக்கான காப்புரிமம் பெற்றனர்.

1793 - ஐக்கிய இராச்சியம் மற்றும் நெதர்லாந்து மீது பிரான்ஸ் போரை அறிவித்தது.

1814 - பிலிப்பீன்சில் மயோன் எரிமலை வெடித்ததில் 1,200 பேர் கொல்லப்பட்டனர்.

1832 - ஆசியாவின் முதலாவது அஞ்சல் (தபால்) வண்டி சேவை(mail-coach) கண்டியில் ஆரம்பமாகியது.

1864 - டென்மார்க்-புரூசியா போர் ஆரம்பமானது.

1880 - யாழ்ப்பாணத்திற்கும் பருத்தித்துறைக்கும் இடையில் முதலாவது தபால் வண்டி (mail coach) சேவையை ஆரம்பித்தது.

1884 - ஒக்ஸ்ஃபோர்ட் ஆங்கில அகராதியின் முதற் பதிப்பு வெளியானது.

1893 - தொமஸ் எடிசன் தனது முதலாவது அசையும் படத்துக்கான படப்பிடிப்பகத்தை நியூ ஜேர்சியில் கட்டி முடித்தார்.

1908 - போர்த்துக்கல் மன்னன் முதலாம் கார்லொஸ் மற்றும் அவனது மகன், இளவரசர் லூயிஸ் பிலிப் லிஸ்பன் நகரில் கொல்லப்பட்டனர்.

1913 - உலகின் மிகப்பெரிய தொடருந்து நிலையம் Grand Central Terminal நியூயோர்க் நகரில் திறக்கப்பட்டது.

1918 - ரஷ்யா ஜூலியன் நாட்காட்டியில் இருந்து கிரிகோரியன் நாட்காட்டிக்கு மாறியது.

1924 - சோவியத் ஒன்றியத்தை ஐக்கிய இராச்சியம் அங்கீகரித்தது.

1946 - நோர்வேயின் ட்றிகிவா லீ ஐக்கிய நாடுகள் சபையின் முதலாவது செயலாளர் நாயகமாகத் தெரிவு செய்யப்பட்டார்.

1958 - எகிப்து மற்றும் சிரியா ஆகியன இணைந்து 1961 வரையில் ஐக்கிய அரபுக் குடியரசு என ஒரு நாடாக இயங்கின.

1974 - பிரேசிலில் 25-மாடிக் கட்டடம் ஒன்றில் தீப்பற்றியதில் 189 பேர் கொல்லப்பட்டனர்.

1979 - 15 ஆண்டுகள் நாடு கடந்த நிலையில் வாழ்ந்த ஈரானின் மதத்தலைவர் அயத்தொல்லா கொமெய்னி டெஹ்ரான் திரும்பினார்.

1998 - கிளிநொச்சிநகர் மீதான தாக்குதல் - 1998: கிளிநொச்சி நகரம் மீதான விடுதலைப் புலிகளின் தாக்குதல் ஆரம்பமாகியது.

2003 - கொலம்பியா விண்ணோடம் பூமியின் வளிமண்டலத்தினுள் வெடித்துச் சிதறியதில் இந்திய விண்வெளி வீராங்கனை கல்பனா சாவ்லா உட்பட ஏழு பேர் கொல்லப்பட்டனர்.

2004 - சவுதி அரேபியாவில் ஹஜ் பயணத்தின் போது கூட்ட நெரிசலில் சிக்கி 251 பேர் கொல்லப்பட்டனர்.

2005 - நேபாள மன்னர் ஞானேந்திரா நாடாளுமன்றத்தைக் கலைத்து நாட்டைத் தனது கட்டுப்பாட்டுக்குள் கொண்டு வந்தார்.

2005 - கனடா சமப்பால் திருமணத்தை சட்டபூர்வமாக்கிய நான்காவது நாடானது.

2007 - மட்டக்களப்பு வந்தாறுமூலையில் இடம்பெற்ற கிளைமோர் குண்டுத் தாக்குதலில் பேருந்து ஒன்று சிக்கியதில் 2 அதிரடிப்படையினர் 6 காவற்துறையினர் உட்பட 11 பேர் கொல்லப்பட்டனர்.

யினியவன் · யினியவன் Fri Feb 20, 2015 2:37 pm

T.N.Balasubramanian wrote:பயனுள்ள செய்திகள் .
கிராம போன் அந்த காலத்தில் , நாங்கள் அதிசயித்து , பார்த்து ரசித்த ஒரு பொழுது போக்கு கருவி .
நன்றி , விமந்தனி.

ரமணியன்

கிராம் எடை கொண்ட போன் இன்று பாடுவதால் கிராமபோன் காணாமல் போனது

**விமந்தனி** · **விமந்தனி** Fri Feb 20, 2015 2:39 pm

T.N.Balasubramanian wrote:அதைவிட சீரமைக்கப்பட்ட (improved ) மாடல் என் வீட்டில் .key கொடுக்காமல் பாடும் . சரியாக handle பண்ணினால் , பழைய மனோரஞ்சகமான பாடல்கள் வரும் .மனைவியின் மதுரக் குரல்

ரமணியன்

ஓ...! மாமி பாட்டு தான் உங்களுக்கு பூஸ்ட்டா...? சூப்பருங்க

அப்ப காபி என்ன, நீங்க டிபனே செய்து தரலாம் அவங்களுக்கு...... அன்பு மலர்

நாங்களும் தான் ஒரு முறை கேக்கறோமே... கொஞ்சம் upload பண்ணுங்க ஐயா.......

**T.N.Balasubramanian** · **T.N.Balasubramanian** Fri Feb 20, 2015 2:49 pm

உண்மைகள் ஜோக் ஆகலாம் .
ஜோக்கெல்லாம் உண்மையாக ஆகவேண்டிய கட்டாயம் இல்லை .

ரமணியன்

**விமந்தனி** · **விமந்தனி** Fri Feb 20, 2015 2:54 pm

வழக்கம் போல நழுவியாச்சா...? புன்னகை

**விமந்தனி** · **விமந்தனி** Fri Feb 20, 2015 4:07 pm

வரலாற்றில் இன்று - பிப்ரவரி - Page 8 E3K5OyxTTBGN6JyfwLsP+February-20

1547 - ஆறாம் எட்வேர்ட் இங்கிலாந்தின் மன்னனாக முடி சூடினான்.

1627 - யாழ்ப்பாணத்தைத் தாக்கிய சூறாவளியில் சிக்கி பலர் இறந்தனர்.

1798 - பாப்பரசர் ஆறாம் பயஸ் பதவியில் இருந்து அகற்றப்பட்டார்.

1835 - சிலியின் கொன்செப்சியோன் நகரம் நிலநடுக்கத்தில் அழிந்தது.

1910 - எகிப்தியப் பிரதமர் பூட்ரோஸ் காலி (Boutros Ghali) கொல்லப்பட்டார்.

1944 - இரண்டாம் உலகப் போர்: ஐக்கிய அமெரிக்கா எனிவெட்டாக் தீவைக் கைப்பற்றியது.

1962 - மேர்க்குரி திட்டம்: ஜோன் கிளென் பூமியை மூன்று முறை சுற்றி பூமியைச் சுற்றிய முதலாவது அமெரிக்கர் என்ற புகழைப் பெற்றார்.

1965 - அப்பலோ விண்கலங்கள் சந்திரனில் இறங்குவதற்கான இடங்களை வெற்றிகரமாகப் படங்கள் எடுத்த ரேஞ்சர் 8 விண்கலம் சந்திரனுடன் மோதியது.

1987 - அருணாசலப் பிரதேசம் அசாமில் இருந்து பிரிந்து தனி மாநிலமாகியது.

2002 - எகிப்தில் தொடருந்து ஒன்று தீப்பிடித்ததில் 370 பேர் கொல்லப்பட்டனர்.

**விமந்தனி** · **விமந்தனி** Fri Feb 20, 2015 4:08 pm

யினியவன் wrote:
T.N.Balasubramanian wrote:பயனுள்ள செய்திகள் .
கிராம போன் அந்த காலத்தில் , நாங்கள் அதிசயித்து , பார்த்து ரசித்த ஒரு பொழுது போக்கு கருவி .
நன்றி , விமந்தனி.ரமணியன்

கிராம் எடை கொண்ட போன் இன்று பாடுவதால் கிராமபோன் காணாமல் போனது

**krishnaamma** · **krishnaamma** Fri Feb 20, 2015 7:26 pm

T.N.Balasubramanian wrote:
krishnaamma wrote:
T.N.Balasubramanian wrote:பயனுள்ள செய்திகள் .
கிராம போன் அந்த காலத்தில் , நாங்கள் அதிசயித்து , பார்த்து ரசித்த ஒரு பொழுது போக்கு கருவி .
நன்றி , விமந்தனி.

ரமணியன்
மேற்கோள் செய்த பதிவு: 1121424

ம்......எங்க பாட்டி ஆத்தில் இருந்தது..............கையால், ஒரு ஹான்டில் போல இருக்கும் அதை சுற்றிவிட்டு பாடவைப்பாளாம் .எங்க அம்மா ஆத்தில் improved version ....அதுதான் record player இருந்தது
மேற்கோள் செய்த பதிவு: 1121447

அதைவிட சீரமைக்கப்பட்ட (improved ) மாடல் என் வீட்டில் .key கொடுக்காமல் பாடும் .
சரியாக handle பண்ணினால் , பழைய மனோரஞ்சகமான பாடல்கள் வரும் .மனைவியின் மதுரக் குரல்

ரமணியன்

ஹோ, சூப்பர் ஐயா புன்னகை

**krishnaamma** · **krishnaamma** Fri Feb 20, 2015 7:34 pm

யினியவன் wrote:
T.N.Balasubramanian wrote:பயனுள்ள செய்திகள் .
கிராம போன் அந்த காலத்தில் , நாங்கள் அதிசயித்து , பார்த்து ரசித்த ஒரு பொழுது போக்கு கருவி .
நன்றி , விமந்தனி.

ரமணியன்

கிராம் எடை கொண்ட போன் இன்று பாடுவதால் கிராமபோன் காணாமல் போனது

மேற்கோள் செய்த பதிவு: 1121564

உண்மை இனியவன் .............. புன்னகை

**விமந்தனி** · **விமந்தனி** Sun Feb 22, 2015 11:33 pm

வரலாற்றில் இன்று - பிப்ரவரி - Page 8 DSlJBORGRty0Y2soePK7+February-21

1440 - புரூசியக் கூட்டமைப்பு உருவானது.

1613 - முதலாம் மிக்கையில் ரஷ்யாவின் சார் மன்னனாகத் தேர்ந்தெடுக்கப்பட்டான்.

1804 - நீராவியால் இயங்கிய முதல் தொடருந்து இயந்திரம் வேல்சில் இயக்கி சோதித்துப் பார்க்கப்பட்டது.

1848 - கார்ல் மார்க்ஸ், பிரெட்ரிக் ஏங்கல்ஸ் தமது புகழ்பெற்ற கம்யூனிஸ்ட் அறிக்கையை வெளியிட்டனர்.

1907 - நெதர்லாந்தில் எஸ்.எஸ். பேர்லின் என்ற கப்பல் மூழ்கியதில் 125 பேர் கொல்லப்பட்டனர்.

1918 - கடைசி கரலீனா பரக்கீட் என்ற பறவை சின்சினாட்டியில் இறந்தது.

1937 - முதலாவது பறக்கும் தானுந்து வெற்றிகரமாகப் பறக்க விடப்பட்டது.

1943 - இரண்டாம் உலகப் போர்: குவாடல்கனல் போர் முடிவுக்கு வந்தது.

1947 - எட்வின் லாண்ட் முதலாவது உடனடி படம்பிடிகருவியை நியூயோர்க் நகரில் காட்சிப்படுத்தினார்.

1952 - கிழக்கு பாகிஸ்தானின் டாக்காவில் வங்காள மொழியை அதிகாரபூர்வ மொழியாக்கக் கோரி மாணவர் நடத்திய எழுச்சிப் போராட்டம் ஒன்றின் போது காவற்துறையினர் சுட்டதில் 4 பேர் கொல்லப்பட்டனர். இந்நாள் பின்னர் யுனெஸ்கோவினால் அனைத்துலக தாய்மொழி நாள் என அறிவிக்கப்பட்டது.

1960 - பிடல் காஸ்ட்ரோ கியூபாவின் அனைத்து வியாபார நிறுவனங்களையும் அரசுடமையாக்கினார்.

1963 - லிபியாவில் இடம்பெற்ற நிலநடுக்கம் ஒன்றில் 500 பேர் வரை கொல்லப்பட்டனர்.

1965 - மல்கம் எக்ஸ் நியூயோர்க் நகரில் இஸ்லாமியத் தீவிரவாதிகளால் சுட்டுக் கொல்லப்பட்டார்.

1972 - சோவியத்தின் லூனா 20 சந்திரனில் இறங்கியது.

1973 - சினாய் பாலைவனத்தில் இஸ்ரேல் போர் விமானம் லிபியாவின் பயணிகள் விமானம் ஒன்றைச் சுட்டு வீழ்த்தியதில் 108 பெர் கொல்லப்பட்டனர்.

1974 - சூயெஸ் கால்வாயின் மேற்குக் கரையில் இருந்து கடைசி இஸ்ரேலியப் படைகள் வெளியேறின.

2013 - இந்தியாவின் ஐதராபாத் நகரில் நிகழ்ந்த தொடர் குண்டு வெடிப்பில் 20 மேற்பட்டோர் உயிரிழந்தனர்.

**விமந்தனி** · **விமந்தனி** Sun Feb 22, 2015 11:36 pm

வரலாற்றில் இன்று - பிப்ரவரி - Page 8 MB5y3B7fQqKwLRd6NQmi+February-22

1495 - பிரான்ஸ் மன்னன் எட்டாம் சார்ல்ஸ் நேப்பில்சை அடைந்து அந்நகரத்தைக் கைப்பற்றினான்.

1658 - டச்சுக்காரரினால் மன்னார் கைப்பற்றப்பட்டது.

1819 - ஸ்பெயின் புளோரிடாவை ஐக்கிய அமெரிக்காவுக்கு ஐந்து மில்லியன் அமெரிக்க டாலர்களுக்கு விற்றது.

1847 - மெக்சிக்கோ-அமெரிக்கப் போர்: புவெனா-விஸ்டா நகரில் இடம்பெற்ற போரில் 15,000 மெக்சிக்கர்களை 5,000 அமெரிக்கப் படைகள் தோற்கடித்தன.

1848 - பாரிசில், லூயி பிலிப் மன்னனுக்கெதிராக புரட்சி வெடித்தது. இரண்டு நாட்களின் பின்னர் அவன் முடி துறந்தான்.

1853 - வாஷிங்டன் பல்கலைக்கழகம் எலியட் செமினறி என்ற பெயரில் ஆரம்பிக்கப்பட்டது.

1862 - அமெரிக்க மாநிலங்களின் கூட்டமைப்பின் தலைவராக ஜெபர்சன் டேவிஸ் அதிகாரபூர்வமாகத் தேர்ந்தெடுக்கப்பட்டார்.

1882 - சேர்பிய பேரரசு மீள உருவாக்கப்பட்டது.

1900 - ஹவாய் ஐக்கிய அமெரிக்காவின் ஒரு பிரிவானது.

1942 - இரண்டாம் உலகப் போர்: பிலிப்பீன்சில் ஐக்கிய அமெரிக்காவின் தோல்வியைத் தொடர்ந்து அமெரிக்கத் தளபதி டக்ளஸ் மக்கார்த்தரை வெளியேறுமாறு அமெரிக்க அதிபர் பிராங்கிளின் ரூஸ்வெல்ட் பணித்தார்.

1943 - நாசி ஜெர்மனியில் வைட் ரோஸ் இயக்க உறுப்பினர்கள் கொலை செய்யப்பட்டனர்.

1948 - செக்கோசிலவாக்கியா கம்யூனிசப் புரட்சி இடம்பெற்றது.

1958 - எகிப்தும் சிரியாவும் இணைந்து ஐக்கிய அரபுக் குடியரசை அமைத்தன.

1961 - ரஷ்ய மக்கள் நட்புறவுப் பல்கலைக்கழகத்திற்கு கொங்கோவில் கொல்லப்பட்ட கறுப்பினத் தலைவர் பத்திரிசு லுமும்பாவின் நினைவாக அவரது பெயர் சூட்டப்பட்டது.

1969 - பீட்டில்சின் அனைத்து அங்கத்தவர்களும் கடைசித் தடவையாக சேர்ந்து பாடல் பதிவில் ஈடுபட்டனர்.

1974 - சாமுவேல் பிக் ஐக்கிய அமெரிக்க அதிபர் ரிச்சார்ட் நிக்சனைக் கொலை செய்ய எடுத்த முயற்சி தோல்வியில் முடிந்தது.

1979 - சென் லூசியா ஐக்கிய இராச்சியத்திடம் இருந்து விடுதலை பெற்றது.

2002 - அங்கோலாவின் அரசியல் தலைவர் ஜொனாஸ் சவிம்பி இராணுவத்தினரால் கொல்லப்பட்டார்.

2002 - இலங்கை அரசாங்கத்திற்கும் தமிழீழ விடுதலைப் புலிகளுக்கும் இடையில் புரிந்துணர்வு ஒப்பந்தம் வவுனியாவில் கைச்சாத்திடப்பட்டது.

2006 - பிரித்தானியாவின் சரித்திரத்தில் மிகப் பெரும் கொள்ளை கெண்ட் நகரில் இடம்பெற்றது. £53 மில்லியன் பணத்தை அறுவர் சேர்ந்து கொள்ளையிட்டனர்.

Sponsored content · Sponsored content

வரலாற்றில் இன்று - பிப்ரவரி

வரலாற்றில் இன்று - பிப்ரவரி

வரலாற்றில் இன்று - பிப்ரவரி 1

Re: வரலாற்றில் இன்று - பிப்ரவரி

Re: வரலாற்றில் இன்று - பிப்ரவரி

Re: வரலாற்றில் இன்று - பிப்ரவரி

Re: வரலாற்றில் இன்று - பிப்ரவரி

Re: வரலாற்றில் இன்று - பிப்ரவரி

Re: வரலாற்றில் இன்று - பிப்ரவரி

Re: வரலாற்றில் இன்று - பிப்ரவரி

Re: வரலாற்றில் இன்று - பிப்ரவரி

Re: வரலாற்றில் இன்று - பிப்ரவரி

Re: வரலாற்றில் இன்று - பிப்ரவரி

Re: வரலாற்றில் இன்று - பிப்ரவரி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக