கிட்டிப்புல் ஆடிய ஆட்சியர்…பல்லாங்குழி ஆடிய மேயர்!

-

-

-

தஞ்சையில் தமிழரின் பாரம்பரியத்தை போற்றும் விதமாக மூன்று நாட்கள் பல்வேறு நிகழ்ச்சிகள் நடைபெற்றன. தஞ்சை அரண்மனை வளாகத்தில் நடைபெற்ற இந்த கலைநிகழ்ச்சிகள், தஞ்சை மாவட்ட ஆட்சியர் சுப்பையன் தலைமையில் நடைபெற்றது.

இதில் நமது பாரம்பரிய விளையாட்டுக்களான சிலம்பாட்டம், ஆடுபுலி ஆட்டம், தாயம், கிட்டிப்புல், பம்பரம், பல்லாங்குழி, கண்ணாமூச்சி, கிளிதாண்டா (உப்புகோடு), பாண்டி (நொண்டி), உரியடித்தல் நடைபெற்றது. விழாவில் பாராளுமன்ற உறுப்பினர் கு.பரசுராமன் மற்றும் சட்டமன்ற உறுப்பினர் எம்.ரெங்கசாமி சிலம்பாட்டம் ஆடினர். மாநகராட்சி மேயர் சாவித்திரி கோபால் பல்லாங்குழி விளையாடினார். ஆட்சியர் சுப்பையன் கிட்டிப்புல் விளையாடி தொடங்கி வைத்தார். சிறியவர் முதல் பெரியவர் வரை இதில் பங்கேற்றனர்.

வெளிநாட்டு சுற்றுலா பயணிகள் விளையாட்டை ரசித்ததுடன் தானும் கலத்தில் குதித்து அசத்தினர். மறைந்து வரும் பாரம்பரிய விளையாட்டுகளை ஊக்குவிக்கும் விதமாக இருந்து. பள்ளி உடற்கல்வி ஆசிரியர்கள் நடுவர்களாக இருந்தனர்.

இதுகுறித்து மாவட்ட விளையாட்டு அலுவலர் வை.கருணாநிதி கூறுகையில், “தற்போது பள்ளி, கல்லூரிகளில் கிரிக்கெட், கால்பந்து, கூடைபந்து, ஹாக்கி போன்றவற்றிற்கு கொடுக்கும் முக்கியத்துவத்தை யாரும் நமது பாரம்பரிய விளையாட்டுகளுக்கு கொடுப்பதில்லை. அதை ஊக்குவிப்பதற்கு நமது மாவட்ட ஆட்சியருடன் சேர்ந்து இந்த நிகழ்ச்சியை நடத்தினோம் என்றார்.

பாரம்பரிய விளையாட்டு மட்டுமல்லாமல், பாரம்பரிய கலைநிகழ்ச்சிகளும், அதை தொடர்ந்து மாரத்தான் மற்றும் சைக்கிள் போட்டியும், கைபொருட் கண்காட்சி, இயற்கை உணவு கண்காட்சி போன்றவையும் நடைபெற்றன. போட்டியில் வெற்றி பெற்றவர்களுக்கு பரிசுகளும் வழங்கப்பட்டது.

வளர்ந்து வரும் நவநாகரீகத்தில் நமது பாரம்பரியம் மூழ்க தொடங்கினாலும், இதுபோன்ற நிகழ்ச்சிகள் அவ்வப்போது தூக்கிப்பிடித்து காப்பாற்றத்தான் செய்கிறது. என்னதான் செஸ், கேரம், கிரிக்கெட் விளையாடினாலும் நம்ம பல்லாங்குழி, பாண்டியாட்டம், கிட்டிப்புல் மாதிரி வருமா ?
---
- ஆ.மேரி செல்வ இஸ்ரேலியா
(மாணவ பத்திரிகையாளர்)- விகடன்

அருமையான பகிர்வு

அருமையான பதிவு....

//இதில் நமது பாரம்பரிய விளையாட்டுக்களான சிலம்பாட்டம், ஆடுபுலி ஆட்டம், தாயம், கிட்டிப்புல், பம்பரம், பல்லாங்குழி, கண்ணாமூச்சி, கிளிதாண்டா (உப்புகோடு), பாண்டி (நொண்டி), உரியடித்தல் நடைபெற்றது. விழாவில் பாராளுமன்ற உறுப்பினர் கு.பரசுராமன் மற்றும் சட்டமன்ற உறுப்பினர் எம்.ரெங்கசாமி சிலம்பாட்டம் ஆடினர். மாநகராட்சி மேயர் சாவித்திரி கோபால் பல்லாங்குழி விளையாடினார். ஆட்சியர் சுப்பையன் கிட்டிப்புல் விளையாடி தொடங்கி வைத்தார். சிறியவர் முதல் பெரியவர் வரை இதில் பங்கேற்றனர்.//

அருமை அருமை................இப்படி ஏதாவது செய்தால் தான் நம் விளையாட்டுகளை அடுத்த தலைமுறைக்கு கொண்டு சேர்க்க முடியும்.இல்லாவிட்டால் 'மியுசியத்தில்' தான் வைக்கணும்...............ஆமாம் இத்தனை குழந்தைகள் 'பல்லாங்குழி'  விளையாடறாளே   , ஆச்சர்யமாய் இருக்கு
.
.
.
மனமார்ந்த வாழ்த்துகள் .....இதை தொடருங்கள்...............

பல்லாங்குழி - விரல்களுக்கு  நல்ல பயிற்சி, காய்களை கூட்டிப்  பார்த்து, எதை எடுத்தால், மொத்தத்தையும் 'வழித்து  எடுத்துக்கலாம்' என்று மனக்கணக்கு போடுவதால், கூட்டல்   மற்றும் ஞாபக  சக்திக்கு நல்ல பயிற்சி.

ஆடுபுலி ஆட்டம், தாயக்கட்டையும் அப்படித்தான், சாமர்த்தியமாய் வெட்டு கொடுக்காமல் ஆடணும். தன்னைத்தானே காத்துக்கொள்ளும் திறன் வளரும்....Self Defence

கண்கட்டி : கண்களை கட்டி விடுவதால், காதுகளை 'தீட்டி' வைத்துக்கொண்டு ஒரு சின்ன  அசைவையும் உணரும் திறமை வரும்.

'பாண்டி' மற்றும் 'நொண்டி' ஒரு காலில் நம் உடல் எடையை தாங்கும் பழக்கம் அல்லது 'balancing ' வரும் ...ஒரு 'alertness' வரும்.

'கபடி' மூச்சு பிடித்து விளையாதுவதால், நுரை ஈரல்களுக்கு நல்ல பயிற்சி.

இப்படி ஒவ்வொன்றுக்கும் ஒரு காரணம் இருக்கு , உடலின் ஒவ்வொரு பாகத்துக்குமான நன்மை இருக்கு..........யார் சொல்வது? ..............இப்போ எல்லா பசங்களும் வீடியோ கேம்ஸ், போன் கேம்ஸ் தன விளையாடறாங்க, மேலே உள்ளதை பார்க்கும்போது ரொம்ப சந்தோஷமாய் இருக்கு, இதை எல்லோருக்கும் பரப்பனும் . செலவே இல்லாத விளையாட்டுகள் இவை, அனால் பலனோ அபிரிமிதம் .....இதை உணர்ந்தால் ரொம்ப நல்லது குழந்தைகளுக்கு