கே.பி. பார்க்க விரும்பினார்! அதற்குள்....

-
'மூணே மூணு வார்த்தை' பட ஆல்பம்
-------------------------

பெண் இயக்குநர்கள் பெரிய அளவில் பிரகாசிக்காத
தமிழ் திரையுலகில் தனக்கென இடத்தை கொஞ்சம்
கொஞ்சமாக உருவாக்கி வருபவர் மதுமிதா...

"வல்லமை தாராயோ' "கொல கொலயா முந்திரிக்கா'
என இரண்டு படங்களுக்குப் பின் சிறிது இடைவெளி
விட்டு "மூணே மூணு வார்த்தை' என்று மீண்டும் தன்
பயணத்தைத் தொடங்கியிருக்கிறார்...

இந்த இடைவெளியில் என்ன செய்தார்?

கே. பாலச்சந்தர் சார் பற்றி ஒரு டாக்குமெண்டரி எடுத்துக்
கொண்டிருந்தேன். வழக்கமாக புகழ்ந்து பேசவது மாதிரி
இல்லாமல் அவருடைய ஒவ்வொரு கேரக்டரும், சீன்களும்
எப்படி உருவானது? அந்த கேரக்டர்கள் ஏற்படுத்திய தாக்கம்
என்ன? என்பது பற்றிய ஒரு ஆய்வாக அந்த
டாகுமெண்ட்ரியை அமைந்திருந்தேன்.

அதற்காக கமல், ரஜினி, மணிரத்னம், ஏ.ஆர். ரஹ்மான்
மற்றும் அவர் படங்களில் பணியாற்றி ஒளிப்பதிவாளர்கள்,
நடிகர்கள் தவிர அவரது சிறப்பு பேட்டியும் அதில்
எடுத்திருந்தேன். அந்த டாகுமெண்ட்ரிக்கான 18 மணி நேர
ஃபுட்டேஜ் எங்கிட்டே இருக்கு. அதை கே.பி.சார் பார்க்க
விரும்பினார்.

இளையராஜா உட்பட இன்னும் இரண்டு வி.ஐ.பி.களின்
பேட்டி எடுத்து அதில் சேர்க்க வேண்டியிருந்ததால்
அதை சேர்த்துக் காண்பிக்கலாம் என்றிருந்தேன்.

ஆனால் அதற்குள் காலன் அந்தக் கலைமேதையை
களவாடிவிட்டான்.

டாகுமெண்ட்ரியை கே.பி. சாருக்கு போட்டுக் காண்பித்து
அவரிடம் பாராட்டுக் கடிதம் பெற்று அதை என் வீட்டில்
பிரேம் போட்டு வைக்க வேண்டும் என்ற ஆசை நிறை
வேறாமல் போனதில் மிகுந்த வருத்தம்.

விரைவில் அந்த டாகுமெண்ட்ரியை வெளியிட இருக்கிறேன்.
என்றார் மதுமிதா
-
----------------------------------------------------