நாம் எவ்வளவு காலம் வாழ்வோம்?...... புதிய உயிரி கடிகாரம் கண்டுபிடிப்பு !

**krishnaamma** · **krishnaamma** Sat Jan 31, 2015 10:26 pm

ஸ்காட்லாந்து: நாம் எவ்வளவு காலம் வாழ்வோம், ஒரு மனிதன் எப்போது உயிரிழப்பான் என்பதற்கு விடையளிக்கும் புதிய உயிரி கடிகாரத்தை அமெரிக்கா, ஆஸ்திரேலியா மற்றும் ஸ்காட்லாந்து ஆகிய நாடுகளை சேர்ந்த விஞ்ஞானிகள் குழு கண்டுபிடித்துள்ளது. எடின்பர்க் பல்கலைக்கழக ஆய்வாளர்கள், ஆஸ்திரேலியா மற்றும் அமெரிக்காவை சேர்ந்த ஆராய்ச்சி நிபுணர்கள் ஆகியோர் 14 வருடங்களுக்கு மேலாக, வயதான மனிதர்கள் 5,000 பேரை கண்காணித்து நான்கு விதமான ஆய்வுகளை நடத்தினர். டி.என்.ஏ.வில் நடைபெறும் மெத்தைலேஷன் என்ற வேதியியல் மாற்றங்களை வைத்து தனி மனிதனின் உயிரியல் வயதையும், தற்போது அந்த குறிப்பிட்ட மனிதரின் வயதையும் விஞ்ஞானிகள் கணக்கிட்டனர்.

அதில் உண்மையான வயதும், உயிரி வயதும் ஒரே மாதிரியாக இருப்பவர்களை காட்டிலும், உண்மையான வயதை விட உயிரி வயது அதிகமாக இருப்பவர்கள் மரணத்தை விரைவில் நெருங்குகிறார்கள் என்பதை கண்டுபிடித்தனர். ஒவ்வொரு நபரின் உயிரி ஆயுளும் அவர்களின் உடலில் இருந்து எடுக்கப்பட்ட ரத்த மாதிரியில் இருந்து கணக்கிடப்பட்டது. பின்னர் அவர்கள் அனைவரும் ஆய்வின் போது தொடர்ச்சியாக கண்காணிக்கப்பட்டனர்.

இந்த ஆய்வு குறித்து ரிக்கார்டோ மரியோனி கூறுகையில், நான்கு ஆய்வுகளின் படி உயிரி கடிகாரத்தின் வயதும், புகை பிடித்தல், டயாபட்டீஸ் மற்றும் இதய நோய் காரணமாக இறந்தவர்களின் வயதும் ஒத்திருந்தது என கூறினார்.

தினகரன்

**அகிலன்** · **அகிலன்** Sun Feb 01, 2015 3:23 am

டி.என்.ஏ இல் ஏற்ப்படும் மாற்றங்களை வைத்து இயற்கை மரணங்களையும், நோய்வாய்ப் பட்டு இறப்பவர்களின் மரணங்களையும் ஓரளவு கணித்துக்கொள்ளலாம். என்றாலும்.
விபத்தில் இறப்பவர்களை எப்படி கணித்துக்கொள்ளுவது?

இந்த கணிப்பு வெற்றிகரமாக இருந்தால் எல்லோரும் தங்கள் ஆயுளை தெரிந்து வைத்துக்கொண்டு அதற்குத் தகுந்தபடி வாழ்க்கையை அமைக்கலாம்.
அது தெரியாமல் திடீர் என்று இறந்தால் இறப்பவரும் கவலையுடன் இறப்பார் அவரைச் சார்ந்தவர்களும் கவலையடைவார்கள்.

நல்ல பதிவு.

நாம் எவ்வளவு காலம் வாழ்வோம்?...... புதிய உயிரி கடிகாரம் கண்டுபிடிப்பு !

நாம் எவ்வளவு காலம் வாழ்வோம்?...... புதிய உயிரி கடிகாரம் கண்டுபிடிப்பு !

Re: நாம் எவ்வளவு காலம் வாழ்வோம்?...... புதிய உயிரி கடிகாரம் கண்டுபிடிப்பு !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக