குழந்தைகள் சிரிப்பினிலே...!!

ந.க.துறைவன் · ந.க.துறைவன் Wed 28 Jan 2015 - 10:15

வாடியது பூ…!!
*
பூச் செடிகளை வளர்த்து
வீட்டின் முன்புற வெளியை
அழகுப் படுத்திப் பார்க்கிறவன்
அடுத்த வீட்டுக் குழந்தைப்
பூ ஒன்றைப் பறித்ததற்காக
சுடுச் சொல்லால்
காயப் படுத்தினான்இ
பூ வாடியது
குழந்தை உள்ளே ஓடியது….!!
*
சந்தோஷ அருவிகள்.
*
செடிகளின் மீது வந்து
அமர்ந்தக் குருவிகளை
விரட்டிட மனமில்லாமல்
வேடிக்கைப் பார்த்து
நின்றான் குட்டிப் பையன்.
குருவிகள் அவனைப் பார்த்து
குதித்துத் தாவி பறக்கிறது.
அவன் கைத் தட்டிச் சிரிக்கிறான்.
மீண்டும் அவனருகே வந்து
விளையாடுகிறது.
அம்மாவை அழைத்துக்
காட்டுகிறான்.
அவன் மனமெல்லாம்
குருவிகள்
சந்தோஷ அருவிகள்.
*