உடல் உறுப்பு தானத்தில் தமிழகம் முதலிடம்!

உடல் உறுப்பு தானத்தில் தமிழகம் முதலிடம்: 3 ஆண்டுகளில் 2,178 பேருக்கு மறுவாழ்வு!





சென்னை: தமிழகத்தில், உடல் உறுப்பு தானம் குறித்து, மக்களிடம் விழிப்புணர்வு ஏற்பட்டுள்ளதால், மூன்று ஆண்டுகளில், உடல் உறுப்பு தானத்தால், 2,178 பேருக்கு மறுவாழ்வு கிடைத்துள்ளது.

ஆணையம்:

கடந்த 2008ல், விபத்தில் உயிரிழந்த, காஞ்சிபுரம் இதயேந்திரன் என்ற ஒரே மகனின் உடல் உறுப்புகளை, பெற்றோர் தானம் அளித்ததன் மூலம், தமிழகத்தில், உடல் உறுப்பு தானம் குறித்த விழிப்புணர்வு ஏற்பட்டது. இதன் அவசியத்தை உணர்ந்த தமிழக அரசு, உறுப்பு தானத்தை முறைப்படுத்த, உடல் உறுப்பு மாற்று சிகிச்சை ஆணையத்தை துவக்கியது. பதிவு செய்து காத்திருப்போருக்கு முன்னுரிமை அடிப்படையில், மூளைச்சாவு அடைந்தோரின் உடல் உறுப்புகள் தானம் பெறப்பட்டு, தரப்பட்டு வருகின்றன. சென்னை அரசு பொது மருத்துவமனை உள்ளிட்ட, ஐந்து அரசு மருத்துவமனைகள், 50க்கும் மேற்பட்ட தனியார் மருத்துவமனைகளிலும், உறுப்பு மாற்று அறுவை சிகிச்சைகள் நடக்கின்றன. தமிழகத்தில் இதுவரை, 571 பேரின் உடல் உறுப்புகள் தானம் பெறப்பட்டு உள்ளன. இதயம் - 110; நுரையீரல் - 48; கல்லீரல் - 527; சிறுநீரகம் - 1,024; கணையம் - 4; இதய வால்வுகள் - 552, கண் - 854; தோல் - 13 என, 3,133 உடல் உறுப்புகள் தானம் பெறப்பட்டு உள்ளன. இதுவரை, 3,063 பேர் பயன்பெற்று உள்ளனர். கடந்த மூன்று ஆண்டுகளில் மட்டும், 2,178 பேர் மறுவாழ்வு பெற்றுள்ளனர்.

திசு மாற்று மையம்:

'உடல் உறுப்பு தானத்தில், தமிழகம், முதல் இடத்தில் உள்ளது. மாநில அளவில் உடல் உறுப்பு மற்றும் திசு மாற்று மையமும், மண்டல அளவில் அதுபோன்று மையங்களும் ஏற்படுத்த முயற்சி நடந்து வருகிறது' என, சுகாதாரத் துறை தெரிவித்து உள்ளது.

தினமலர்

மறு வாழ்வுக்கும் எம் தமிழ் மக்கள் முதலிடம் கொடுத்து இருக்கிறார்கள்.. மனதிற்கு சந்தோசமான விஷயம்... நன்றி அம்மா பகிர்வுக்கு...

M.M.SENTHIL wrote:மறு வாழ்வுக்கும் எம் தமிழ் மக்கள் முதலிடம் கொடுத்து இருக்கிறார்கள்.. மனதிற்கு சந்தோசமான விஷயம்... நன்றி அம்மா பகிர்வுக்கு...

மேற்கோள் செய்த பதிவு: 1117117

ஆமாம் செந்தில், படித்ததுமே ரொம்ப சந்தோஷமாய் இருந்தது