சவுதி மன்னர் அப்துல்லா மறைந்தார்!

First topic message reminder :



ரியாத்: கடந்த பத்தாண்டுகளாக, சவுதி அரேபியாவின் மன்னராக பதவி வகித்தவரும், அமெரிக்காவின் நெருங்கிய நண்பராக விளங்கியவருமான, அப்துல்லா, 90, நேற்று அதிகாலை இறந்தார். புதிய மன்னராக, அப்துல்லாவின் ஒன்றுவிட்ட சகோதரர் சல்மான், இளவரசராக மற்றொரு சகோதரர் நியமிக்கப்பட்டுள்ளனர்.

முஸ்லிம்களின் புனித தலங்களான, மெக்கா, மதினா அமைந்துள்ள, சவுதி அரேபியாவை தோற்றுவித்த மன்னர், அப்துல் அஜிஸ் அல் சவுத்தின், 12க்கும் மேற்பட்ட வாரிசுகளில் ஒருவரான அப்துல்லா, 2005 முதல் அந்நாட்டின் மன்னராக இருந்தார். உடல் நலக்குறைவால் அவதிப்பட்டு வந்தார் என்ற தகவலை பொதுமக்கள் அறியாமல், ரகசியம் காக்கப்பட்டு வந்து நிலையில், கடந்த டிசம்பரில் ரியாத் நகர மருத்துவமனையில் அனுமதிக்கப்பட்டிருந்த அப்துல்லா, சிகிச்சை பலனின்றி நேற்று அதிகாலை, 3:00 மணியளவில் இறந்தார். அவருக்கு, 'நிமோனியா' நோய் இருந்ததாக கூறப்படுகிறது. மன்னர் அப்துல்லா இறந்த உடன், அவரின் ஒன்றுவிட்ட சகோதரர்களில் ஒருவரான சல்மான், 79, மன்னராக அறிவிக்கப்பட்டார். மற்றொரு, ஒன்றுவிட்ட சகோதரர், சவுதி இளவரசராக அறிவிக்கப்பட்டார். அரபு நாடாக இருந்த போதிலும், அமெரிக்காவின் நெருங்கிய கூட்டாளி நாடுகளில் ஒன்றாக விளங்கிய சவுதி அரேபியா, சில மாதங்களுக்கு முன் கூட, மேற்காசிய நாடுகளான, ஈராக் மற்றும் சிரியாவில், ஐ.எஸ்.ஐ.எஸ்., பயங்கரவாதிகளுக்கு எதிரான, அமெரிக்காவின் போரில் இணைந்தது குறிப்பிடத்தக்கது. ரியாத் நகர அரண்மனையில் மன்னர் அப்துல்லா நேற்று அடக்கம் செய்யப்பட்டார். அந்த நிகழ்ச்சியில், உலக நாடுகளின் தலைவர்கள் பலரும் பங்கேற்றனர். அவர் மறைவுக்கு, இந்திய ஜனாதிபதி பிரணாப், பிரதமர் மோடி இரங்கல் தெரிவித்துள்ளனர்.

தந்தையால் சிறையில் அடைக்கப்பட்டவர்:

சவுதி அரேபிய பழக்க வழக்கப்படி, விருந்தினர்கள் அமர்ந்த பின் தான் மன்னர், இளவரசர்கள் போன்றோர் இருக்கையில் அமர வேண்டும். அப்துல்லா சிறு வயதாக இருந்த போது, இந்த பழக்கத்தை தெரியாமல் இருந்தார். விருந்தினர் அமரும் முன், இருக்கையில் அவர் அமர்ந்ததை அறிந்த அவரின் தந்தை, அப்துல்லாவை மூன்று நாட்கள் சிறையில் அடைத்தார். அவ்வளவு கண்டிப்புடனும், மத நம்பிக்கையுடனும் அப்துல்லா வளர்க்கப்பட்டார். அவர் சாதாரண அளவிலேயே கல்வி கற்றுள்ளார். பாலைவனத்தில் வேட்டையாடுவது, பந்தயக் குதிரைகளை வளர்ப்பது, மறைந்த மன்னர் அப்துல்லாவின் பொழுதுபோக்கு.

தினமலர்

படங்கள் - dailymail.co.uk லிருந்தும்..செய்திகள் பல்வேறு செய்தி தாள் களில் இருந்தும் எடுக்கப்பட்ட்டது

காலமான மன்னர் ஆத்மா சாந்தி அடையட்டும்...
-\

.

அப்படியே சவுதி நாட்டில் உள்ள தண்டனைகளையும் தெரிந்து கொள்வோம் .. இராக்கில் உள்ள இஸ்லாமிய தீவிரவாத நாட்டுடன் ஒப்பிடுகையில்

ஆழ்ந்த அனுதாபங்கள்

அன்னாரின் ஆத்மா இன்னொரு பிறவியில்லாத பெருவாழ்வு வாழ சிவபெருமானை வேண்டுகிறேன்

சவூதி மன்னர் அப்துல்லா பின் அப்துல் அஜிஸ் மறைவுக்கு குடியரசுத் தலைவர் பிரணாப் முகர்ஜி இரங்கல் தெரிவித்துள்ளார்.

பிரணாப் முகர்ஜி வெளியிட்டுள்ள இரங்கல் செய்தியில், சவுதி அரேபிய மன்னர் அப்துல்லா மறைவினால் சோகத்தில் ஆழ்ந்துள்ள மன்னரின் குடும்பத்திற்கும், சவுதி மக்களுக்கும் எனது ஆழ்ந்த அனுதாபங்கள்.

அவரது மறைவால், சவுதி அரேபியா ஒரு நல்ல தலைவரை இழந்துள்ளது, இந்தியா நல்ல நண்பரை இழந்துவிட்டது, உலகம் ஒரு மூத்த அரசியல்வாதியை இழந்துவிட்டது.

அப்துல்லா மிகச் சிறந்த மனிதர். இந்தியா மீதும், நமது மக்கள் மக்கள் மீதும் அவர் அளவில்லா அன்பு கொண்டிருந்தார். இந்தியா - சவூதி இடையேயான நல்லுறவை மேம்படுத்துவதில் அவர் தனிக்கவனம் செலுத்தினார் என்று கூறியுள்ளார்.

இதே போல,

பிரதமர் மோடி தனது டுவிட்டர் பக்கத்தில் விடுத்துள்ள இரங்கல் செய்தியில் அப்துல்லா மறைவினால் அந்நாடு ஈடு செய்ய முடியாத இழப்பை சந்தித்துள்ளது. அந்நாட்டின் முக்கியமான குரலை நாம் இழந்து விட்டோம் என்று வருத்தம் தெரிவித்துள்ளார்.