கனவுகள்

**M.M.SENTHIL** · **M.M.SENTHIL** Sat Jan 24, 2015 11:10 am

ராத்திரி படுத்து
சற்றே கண் அயர்ந்தவுடன்
ஆரம்பித்து விடுகிறது
நம் அனுமதியின்றி
நமக்குள்ளே
கருப்பு வெள்ளையாகவும்
கலர், கலராகவும்
படம் காண்பிக்க!!

ரத்தம் சொட்ட, சொட்ட
வன்முறை கனவுகள்
வரும் போதெல்லாம்,
கனவென்று தெரிந்தும்
இதயம் வேகமாய் அடிக்கும்,
தொண்டை குழியில்
ஒரு வேதனை பிறக்கும்!!

காதல் மொழி பேசும்
காதல் கனவுகள்
வரும்போதெல்லாம்
ஆகா, இவளே நமக்கு
வாய்க்காதது - இறைவன்
செய்த குற்றம் என்று தோன்றும்!!

கடன் கொடுத்தவன்
கனவில் வந்தால் - அதிகாலை
வெகு நேரமே எழுந்து
வெளியில் போக தோன்றும்!!

மரித்தவர் கனவில் வந்தால்
ஆசிர்வாதம் என்கிறார்கள்,
பாம்பு கொத்தினால்
நல்லது என்கிறார்கள்!!

எனக்கென்னவோ
மனசுக்குள் இருக்கும்
தேவையற்ற குப்பைகளை
அதனின்று அகற்ற
வருவதே கனவென்று தோன்றுகிறது!!

எது எப்படியோ இந்த கனவுகள்
சில நேரம் தென்றல் போல வருடியும்,
சில நேரம் தீ போல சுட்டும்தான் போகின்றன!!

கனவு வராமல் தடை போட
ஏதாவது இருந்தால் சொல்லுங்களேன்,
இரவு தூக்கம்
இனிமையாய் இருக்க !!

**M.M.SENTHIL** · **M.M.SENTHIL** Sun Jan 25, 2015 2:05 pm

யாருக்கும் இந்த கனவுகள் பிடிக்கலையோ???

கனவுகள்

கனவுகள்

Re: கனவுகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக