நியூட்ரினோ ஆய்வகம் அமைக்க கேரளத்தில் எதிர்ப்பு: தமிழகத்தில் ஆதரவா?

**ayyasamy ram** · **ayyasamy ram** Sat Jan 24, 2015 10:28 am

நியூட்ரினோ ஆய்வகம் அமைக்க கேரளத்தில் எதிர்ப்பு: தமிழகத்தில் ஆதரவா?
-
நியூட்ரினோ ஆய்வகம் அமைப்பதற்கு மார்க்சிஸ்ட் கம்யூனிஸ்ட் கட்சியினர் கேரளத்தில் எதிர்ப்புத் தெரிவித்துவிட்டு, தமிழகத்தில் ஆதரிப்பது ஏன் என வைகோ கேள்வி எழுப்பினார்.

சென்னையிலிருந்து மதுரை வந்த மதிமுக பொதுச் செயலர் வைகோ விமான நிலையத்தில் செய்தியாளர்களிடம் கூறியது: சூரிய மண்டலத்தில் உள்ள அணுத் துகள்களை கிரகித்து இந்த நியூட்ரினோ ஆய்வு மேற்கொள்ள இருக்கிறது. இதில் ஈரப்பதத்தை உள்ளிழுக்கக்கூடிய பெரிய காந்தக்கருவி பொருத்த திட்டமிட்டுள்ளனர். 8 லட்சம் டன் வெடிமருந்துகளைப் பயன்படுத்திப் பாறைகளை உடைக்கவும் முடிவு செய்யப்பட்டுள்ளது. இதனால் அப்பகுதியே தூசி மண்டலமாக மாறிவிடும். இந்த வெடி அதிர்வால் அப்பகுதியிலுள்ள கட்டடங்கள், இடுக்கி, முல்லை பெரியாறு அணைகளுக்கும் ஆபத்து உள்ளது.

அஸ்ஸாம், கேரளம் மாநிலத்தவர்கள் எதிர்த்த ஒரு ஆய்வுக்கூடத்தை தமிழகத்தில் வைக்க முயற்சிக்கின்றனர். உலகில் உள்ளவர்கள் அணுசக்தி பற்றி தெரிந்து கொள்ள தமிழக மக்களை பலிகடாவாக்குவது நியாயம் அல்ல.

கேரளம் முன்னாள் முதல்வர் அச்சுதானந்தன் இந்தத் திட்டத்தை வரவேற்கிறார் என்றால், கேரளத்தில் நியூட்ரினோ ஆய்வகம் வருவதை தடுத்தது ஏன்? என தெளிவுபடுத்த வேண்டும். முல்லைப் பெரியாறு அணை, ஈழத்தமிழர் படுகொலை, கூடங்குளம் அணு உலை உள்ளிட்ட பிரச்னைகளில் மார்க்சிஸ்ட் கம்யூனிஸ்ட் கட்சியினர் மக்களுக்கு ஆதரவாக செயல்படவில்லை. ஆனால், மக்களுக்கு எதிராக நியூட்ரினோ ஆய்வகத் திட்டத்துக்கு ஆதரவு தெரிவித்துள்ளனர் என்றார்.
-
-தினமணி

நியூட்ரினோ ஆய்வகம் அமைக்க கேரளத்தில் எதிர்ப்பு: தமிழகத்தில் ஆதரவா?

நியூட்ரினோ ஆய்வகம் அமைக்க கேரளத்தில் எதிர்ப்பு: தமிழகத்தில் ஆதரவா?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக