தை மாத ராசி பலன் - (15.1.2015- 12.2.2015)

**krishnaamma** · **krishnaamma** Mon Jan 19, 2015 11:44 am

First topic message reminder :

தை மாத ராசி பலன் - (15.1.2015- 12.2.2015) - Page 2 BqsNas0SsixpdI3PCdIL+PGM_517_130913925

மேஷம்: (அசுவினி, பரணி, கார்த்திகை 1பாதம்) பத்திரம் பதியலாம்!
ஜனவரி 13,2015

தை மாத ராசி பலன் - (15.1.2015- 12.2.2015) - Page 2 Pra83NDsTPGSnxpVGlxm+TN_20150113175108336455

தை மாத ராசி பலன் - (15.1.2015- 12.2.2015) - Page 2 Pra83NDsTPGSnxpVGlxm+TN_20150113175108336455

நல்லதையே நினைக்கும் மேஷ ராசி அன்பர்களே!

இந்த மாதம் சூரியன் 10ம் இடத்திற்கு வந்தும், ராகு மாதம் முழுமையும் நற்பலனை கொடுப்பர். செவ்வாய் பிப்.10 வரை நன்மை தருவார். சுக்கிரன் ஜன. 23ல் 11-ம் இடத்திற்கு வருவது நல்லதே. இப்போது புதன் 10ம் இடத்தில் இருப்பதால், பெண்களால் பெரிதும் முன்னேற்றம் காண்பீர்கள். அவர்களால் பொருள் சேரும். ஜன. 28ல், 9-ம் இடத்திற்கு செல்வதால் மனதில் வேதனை வரலாம். சிலர் பொல்லாப்பை சந்திக்கலாம். விட்டுக் கொடுத்து போகவும். செவ்வாய் சாதகமாக இருப்பதால் சகல வசதிகளும் கிடைக்கும். சிலர் வசதியான வீட்டுக்கு குடிபுகுவர். ஜன. 31, பிப். 1,2ல் ஆடம்பரபொருள் வாங்கலாம்.

தொழிலதிபர்கள், வியாபாரிகளுக்கு லாபம் அதிகரிக்கும். பணியாளர்களுக்கு திறமை பளிச்சிடும். மேல் அதிகாரிகளின் ஆதரவும், சக பெண் ஊழியர்களின் ஒத்துழைப்பும் கிடைக்கும்.

கலைஞர்கள் புதிய ஒப்பந்தம் பெற தடைகளை சந்திக்க வேண்டி வரும். எதிர்பார்த்த புகழ் பாராட்டு கிடைப்பதில் தாமதம் ஆகலாம். எதிரிகளால் தொல்லைகள், போட்டிஅதிகம் இருக்கும். ஜன. 23க்கு பிறகு நல்ல பணவரவு காணலாம்.

மாணவர்களுக்கு நல்ல மதிப்பெண் கிடைக்கும்.போட்டிகளில் வெற்றி காணலாம்.

விவசாயிகள் சீரான மகசூல் பெறுவர். காய்கறிகள், பழ வகைகள் நல்ல விளைச்சலை கொடுக்கும். சொத்து வாங்க நினைப்பவர்கள் பிப்.10க்குள் பத்திரம் பதியவும்.

பெண்களுக்கு கணவன் மற்றும் குடும்பத்தாரிடம் நன்மதிப்பு கிடைக்கும். வேலை பார்க்கும் பெண்களுக்கு பிப். 8க்குப் பிறகு பதவி உயர்வு கிடைக்கும்.

நல்ல நாள்: ஜன. 15, 20, 21, 22, 23, 24, 27, 28, 31, பிப். 1, 2, 7, 8, 9, 10, 11.

கவனநாள்: ஜன. 16, 17, பிப். 12 சந்திராஷ்டமம்.

அதிர்ஷ்ட எண்: 1,9 நிறம்: வெள்ளை, செந்தூரம்.

வழிபாடு: கிருஷ்ணர் வழிபாடு மனதைரியத்தை வரவழைக்கும். ஜன.23 வரை வெள்ளிக்கிழமைகளில் சுக்கிரனுக்கு அர்ச்சனை செய்யுங்கள்.

**krishnaamma** · **krishnaamma** Mon Jan 19, 2015 11:53 am

கும்பம்: (அவிட்டம் 3,4, சதயம், பூரட்டாதி 1,2,3) சிறந்த உடல்நிலை!
ஜனவரி 13,2015

தை மாத ராசி பலன் - (15.1.2015- 12.2.2015) - Page 2 Iix1wjD6QdWX1oaEeO6h+TN_20150113175257661448

தை மாத ராசி பலன் - (15.1.2015- 12.2.2015) - Page 2 Iix1wjD6QdWX1oaEeO6h+TN_20150113175257661448

உழைப்பில் ஆர்வம் காட்டும் கும்ப ராசி அன்பர்களே!

உழைப்பும், விடா முயற்சியும் கொடுக்க வேண்டிய மாதமாக அமையும். திறமைக்கு சவால் விடும் காலம் இது. சுக்கிரனை தவிர மற்ற அனைத்தும் சாதகமற்ற நிலையில் உள்ளன. இதனால் எந்த ஒரு செயலையும் அதிக முயற்சி எடுத்தே செய்ய நேரிடும். வருமானம் ஓரளவு இருக்கும். எதிர்பாராமல் செலவு அதிகரிக்கும். சிக்கனம் தேவை. குடும்பத்தில் சுக்கிரனால் ஜன. 23 க்கு பிறகு பெண்களால் பெருமை கிடைக்கும். அவர்களால் பொன், பொருள் சேரும். கணவன் மனைவி இடையே அன்பு பெருகும். புதன் ஜன. 28ல் வக்ரம் அடைவதால் குடும்பத்தில் பிரச்னை உருவாகலாம். இந்த சமயத்தில், கணவன் மனைவி ஒருவருக்கொருவர் விட்டுக் கொடுத்து நடப்பது நல்லது. ஆரோக்கியம் மேம்படும்.

தொழில், வியாபாரத்தில் மறைமுகப் போட்டி குறுக்கிடும். திடீர் செலவு நேரிடலாம். சிக்கனமாக இருப்பது நல்லது. பணியாளர்களுக்கு திடீர் இடமாற்றத்தால் செலவு அதிகரிக்கும். சக ஊழியர்கள் உதவிகரமாக இருப்பார்கள். வழக்கமான சலுகைகளுக்கு குறைவில்லை. விண்ணப்பித்த கடன் கிடைக்க தாமதமாகலாம்.

கலைஞர்களுக்கு புகழ், பாராட்டு எதிர்பார்த்த படி கிடைக்காமல் போகலாம். ஜன. 23 க்கு பிறகு சிறப்பான நிலை பெறுவர். புதிய ஒப்பந்தம் கிடைக்கப் பெறுவர்.

அரசியல்வாதிகள் உழைப்புக்கு ஏற்ற பலனை எதிர்பார்க்க முடியாது.

மாணவர்களுக்கு புதன் சாதகமற்று காணப்படுவதால், கவனமுடன் படிக்க வேண்டியிருக்கும்.

விவசாயிகளுக்கு உழைப்புக்கேற்ற வருமானம் கிடைக்கும். கால்நடை வளர்ப்பின் மூலம் ஆதாயம் பெருகும்.

பெண்களுக்கு கணவரின் அன்பு கிடைக்கும். விருந்து, விழாஎன சென்று வரும் வாய்ப்பு கிடைக்கும். அக்கம் பக்கத்தினர் அனுசரணையுடன் இருப்பர். வீட்டில் சமையல் செய்யும் போது கவனமாக இருக்கவும்.

நல்ல நாள்: ஜன.16, 17,1 8, 19, 23, 24, 27, 28, பிப்., 4, 5, 6, 12

கவன நாள்: பிப்.7, 8, 9 சந்திராஷ்டமம்

அதிர்ஷ்ட எண்: 2, 5 நிறம்: வெள்ளை, ஆரஞ்ச்

வழிபாடு: தினமும் காலையில் சூரியனை வழிபடுங்கள். புதன்கிழமை ஏழைகளுக்கு தானம்
செய்யுங்கள். சனிக்கிழமை பெருமாளை வணங்குங்கள்.

**krishnaamma** · **krishnaamma** Mon Jan 19, 2015 11:54 am

மீனம்: (பூரட்டாதி 4, உத்திரட்டாதி, ரேவதி) வளர்ச்சிப் பாதை!
ஜனவரி 13,2015

தை மாத ராசி பலன் - (15.1.2015- 12.2.2015) - Page 2 MkywyCkRYGL7dF9NyzO7+TN_20150113175306179061

தை மாத ராசி பலன் - (15.1.2015- 12.2.2015) - Page 2 MkywyCkRYGL7dF9NyzO7+TN_20150113175306179061

நல்ல மனம் படைத்த மீன ராசி அன்பர்களே!

கடந்த மாதத்தை விட கூடுதல் பலன் எதிர்பார்க்கலாம். உங்கள் நட்புக் கிரகமான சூரியன் 11ம் இடத்தில் இருக்கிறார். இது சிறப்பான நிலை. ஜன.23 வரை சுக்கிரன் நற்பலன் கொடுப்பார். குருவும், புதனும் மாதம் முழுவதும் நன்மைஅளிப்பர். இதனால் எந்த ஒரு செயலையும் துரிதமாக செய்து நல்ல வளர்ச்சிநிலை அடைவீர்கள். பணப்புழக்கம், மதிப்பு, மரியாதை அதிகரிக்கும்.அரசு வகையில் நன்மை கிடைக்கும். குடும்பத்தில் மகிழ்ச்சி நிலவும். பெண்களால் நன்மை ஏற்படும். பொன், பொருள் சேரும்.

தொழில், வியாபாரத்தில் பொருளாதார வளம் மேம்படும். லாபம் தாராளமாக இருக்கும். நிறுவனத்தை விரிவுபடுத்தும் முயற்சியில் வெற்றி கிடைக்கும்.பணியாளர்களுக்குச் சக ஊழியர்கள் ஆதரவுடன் இருப்பர். பதவி உயர்வு தொடர்பாக இருந்த தடை நீங்கும். கோரிக்கைகள் நிறைவேறும். அரசு ஊழியர்கள் உற்சாகத்துடன் காணப்படுவர்.
சிலருக்கு விரும்பிய இடத்துக்கு மாற்றம் கிடைக்கும்.

கலைஞர்கள் நல்ல முன்னேற்றம் காண்பர். புதிய ஒப்பந்தம் கிடைக்கப் பெறுவர். ஜன. 23க்கு பிறகு அதிகமாக முயற்சி செய்து புதிய ஒப்பந்தம் பெற நேரிடும். அரசியல்வாதிகள் நல்ல பணப்புழக்கத்தில் இருந்தாலும் எதிர்பார்த்த செல்வாக்கு கிடைக்காது.

மாணவர்கள் பிற்போக்கான நிலையில் இருந்து விடுபடுவர். புதனால் கல்வியில் நல்ல முன்னேற்றம் உண்டாகும். ஆசிரியர்களின் ஆலோசனை கிடைக்க பெறுவீர்கள்.

விவசாயம் சிறக்கும். கால்நடை வகையில் எதிர்பார்த்த லாபம் காணமுடியாது. புதிய சொத்து வாங்கும் எண்ணம் தள்ளிப்போகும். வழக்கு விவகாரங்களில் மெத்தனமாக இருக்க வேண்டாம்.

பெண்கள் குடும்பத்தாரின் நன்மதிப்பைப் பெறுவர். உங்களால் வீட்டிற்கு பெருமை சேரும். விருந்து விழா என சென்று வருவர். ஆடை, அணிகலன் வாங்கி மகிழ்வர். அக்கம் பக்கத்தினருடன் நட்புடன் இருப்பர்.

நல்ல நாள்: ஜன. 18, 19, 20, 21, 22, 25, 26, 29, 30, பிப். 5, 6, 7, 8, 9

கவன நாள்: ஜன. 15, பிப். 10,11 சந்திராஷ்டமம்

அதிர்ஷ்ட எண்: 1, 9 நிறம்: செந்துõரம், பச்சை

வழிபாடு: பைரவர் பூஜையில் கலந்து கொள்ளுங்கள். மூதாட்டிகளுக்கு உணவும், உடையும் வழங்குங்கள். ஜன. 23க்கு பிறகு சுக்கிரனுக்கு அர்ச்சனை செய்யுங்கள்.

**M.M.SENTHIL** · **M.M.SENTHIL** Mon Jan 19, 2015 12:43 pm

மிக்க நன்றி அம்மா அன்பு மலர்

இந்த பதிவைத் துவங்கியவர் நன்றி கூறியுள்ளார் M.M.SENTHIL

சிவனாசான் · சிவனாசான் Wed Jan 21, 2015 9:18 pm

உபயோகமானபதிவு...........

Sponsored content · Sponsored content

தை மாத ராசி பலன் - (15.1.2015- 12.2.2015)

தை மாத ராசி பலன் - (15.1.2015- 12.2.2015)

Re: தை மாத ராசி பலன் - (15.1.2015- 12.2.2015)

Re: தை மாத ராசி பலன் - (15.1.2015- 12.2.2015)

Re: தை மாத ராசி பலன் - (15.1.2015- 12.2.2015)

Re: தை மாத ராசி பலன் - (15.1.2015- 12.2.2015)

Re: தை மாத ராசி பலன் - (15.1.2015- 12.2.2015)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக