2015 உலகக்கோப்பை கிரிக்கெட் போட்டி

**சிவா** · **சிவா** Sun Jan 18, 2015 1:59 am

First topic message reminder :

சிட்னி - ஆஸ்திரேலியா, நியூசிலாந்து இணைந்து நடத்தும் உலகக்கோப்பை போட்டியில் மொத்தம் 14 அணிகள் பங்கேற்கின்றன.

இந்த அணிகள் இரண்டு பிரிவுகளாக பிரிக்கப்பட்டுள்ளன. டிசம்பர் 31,2012 நிலவரப்படி ஐசிசி ஒருநாள் போட்டிகள் தரவரிசையில் அணிகளின் இடத்தின் அடிப்படையில் இரண்டு பிரிவுகளுக்கான அணிகள் தேர்வு செய்யப்பட்டுள்ளன.

பிரிவு ஏ: இங்கிலாந்து, ஆஸ்திரேலியா, இலங்கை, வங்கதேசம், நியூசிலாந்து, ஆப்கானிஸ்தான், ஸ்காட்லாந்து.

பிரிவு பி: தென் ஆப்பிரிக்கா, இந்தியா, பாகிஸ்தான், மே.இ.தீவுகள், ஜிம்பாப்வே, அயர்லாந்து, யு.ஏ.இ.

லீக் சுற்று ஆட்டங்கள் பிப்ரவரி 14-ஆம் தேதி முதல் மார்ச் 15-ஆம் தேதி வரை நடைபெறுகிறது. ஒவ்வொரு பிரிவிலும் ஒரு அணி மற்றொரு அணியை ஒரு முறை எதிர்த்து விளையாடும்.

வெற்றிக்கு 2 புள்ளிகள். டை அல்லது முடிவு ஏற்படாத போட்டிகளில் அணிகளுக்கு தலா ஒரு புள்ளி. குரூப் ஆட்டங்கள் முடிவில் புள்ளிகள் அடிப்படையில் அணிகள் சமநிலை வகித்தால், 1. அதிக வெற்றிகள் பெற்ற அணி அடுத்த சுற்றுக்கு முன்னேறும், அல்லது, 2. நிகர ரன் விகிதம். இதுவும் சமமாக இருந்தால் 3. இருஅணிகளுக்கும் இடையிலான போட்டியில் வென்ற அணி அடுத்த சுற்றுக்கு முன்னேறும்.

இரு பிரிவுகளிலிருந்தும் 4 முதன்மை அணிகள் வீதம் 8 அணிகள் காலிறுதியில் மோதும். இதில்:
ஏ-பிரிவில் முதலிடம் பெற்ற அணி பி-பிரிவில் 4ஆம் இடம் பிடித்த அணியுடனும்,
ஏ-பிரிவில் 2-ஆம் இடம் பிடித்த அணி பி-பிரிவில் 3-ஆம் இடம் பிடித்த அணியுடனும்,
ஏ-பிரிவில் 3-ஆம் இடம் பிடித்த அணி பி-பிரிவில் 2-ஆம் இடம் பிடித்த அணியுடனும்,
ஏ-பிரிவில் 4-ஆம் இடத்தில் உள்ள அணி பி-பிரிவில் 1-ஆம் இடத்தில் உள்ள அணியுடனும் காலிறுதிப் போட்டிகளில் விளையாடும்.

முதல் காலிறுதி மற்றும் 3-ஆம் காலிறுதியில் வென்ற அணிகள் ஒரு அரையிறுதியிலும் 2-ஆம் காலிறுதி மற்றும் 4-ஆம் காலிறுதியில் வென்ற அணிகள் மற்றொரு அரையிறுதியிலும் (மார்ச் 24 மற்றும் 26) விளையாடும்.

காலிறுதியிலோ அரையிறுதியிலோ ஆட்டம் ‘டை’ ஆனால், குரூப் பிரிவு ஆட்டத்தில் முன்னணியில் இருக்கும் அணி அடுத்த சுற்றுக்கு முன்னேறும்.

இறுதிப் போட்டி மார்ச் 29-ஆம் தேதி நடைபெறுகிறது. இந்தப் போட்டி ரன்கள் அடிப்படையில் ‘டை’ ஆனால், இரு அணிகளும் கோப்பையை பகிர்ந்து கொள்ளும்.

**T.N.Balasubramanian** · **T.N.Balasubramanian** Sun Mar 29, 2015 3:40 pm

ஆசி வெற்றி --ஆசிகள்
ரமணியன்

**ayyasamy ram** · **ayyasamy ram** Sun Mar 29, 2015 3:50 pm

மெல்பேர்ன் :
மெல்பேர்னில் இன்று நடைபெற்ற உலகக்கோப்பை
கிரிக்கெட் இறுதிப் போட்டியில் நியூசிலாந்து- ஆஸ்திரேலியா
அணிகள் மோதின.

இதில் டாஸ் வென்று முதலில் பேட் செய்த நியூசி.,
அணி 45 ஓவர்களில் 183 ரன்கள் எடுத்து ஆல்அவுட் ஆனது.
இதனால் 184 ரன்கள் எடுத்தால் வெற்றி என்ற எளிய இலக்குடன்
களமிறங்கிய ஆஸ்திரேலிய அணி 33.1 ஓவர்களில் 3 விக்கெட்
இழப்பிற்கு 186 ரன்கள் எடுத்து வெற்றி பெற்றது.
இதுன் மூலம் 5 வது முறையாக ஆஸி.,
உலகக்கோப்பையை கைப்பற்றியுள்ளது.

ஆஸி., கேப்டன் கிளார்க் 74 ரன்கள் எடுத்து அவுட் ஆனார்.
இப்போட்டியுடன் அவர் ஒருநாள் கிரிக்கெட் போட்டியகளில்
ஓய்வு பெறுகிறார்.

**சிவா** · **சிவா** Sun Mar 29, 2015 11:38 pm

உலக கோப்பை போட்டிகளை நேரில் பார்த்த ரசிகர் எண்ணிக்கை 10 லட்சத்தை தாண்டியது

மெல்போர்ன்: நடப்பு உலக கோப்பையில் மொத்தம் 49 போட்டிகள் நடைபெற்றுள்ளன. அதை நேரடியாக 10 லட்சத்துக்கும் மேற்பட்ட ரசிகர்கள் கண்டு ரசித்துள்ளனர்.

11வது உலக கோப்பை போட்டிகள் பிப்ரவரி 14ம்தேதி தொடங்கி, மார்ச் 29ம்தேதியான இன்று வரை நடைபெற்றன.

உலக கோப்பை போட்டிகளை நேரில் பார்த்த ரசிகர் எண்ணிக்கை 10 லட்சத்தை தாண்டியது

இதில் பைனலுடன் சேர்த்து மொத்தம் 49 போட்டிகள் ஆடப்பட்டுள்ளன. நியூசிலாந்து, ஆஸ்திரேலிய மைதானங்களில் நடைபெற்ற போட்டிகளை மொத்தம் 10 லட்சத்து 16ஆயிரத்து 421 ரசிகர்கள் கண்டு களித்துள்ளனர்.

பைனல் போட்டியை மட்டும் 93 ஆயிரம் பேர் கண்டு ரசித்ததாக கூறப்படுகிறது.

Sponsored content · Sponsored content

2015 உலகக்கோப்பை கிரிக்கெட் போட்டி

2015 உலகக்கோப்பை கிரிக்கெட் போட்டி

Re: 2015 உலகக்கோப்பை கிரிக்கெட் போட்டி

Re: 2015 உலகக்கோப்பை கிரிக்கெட் போட்டி

Re: 2015 உலகக்கோப்பை கிரிக்கெட் போட்டி

Re: 2015 உலகக்கோப்பை கிரிக்கெட் போட்டி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக