பொங்கல் பண்டிகையை முன்னிட்டு, 4 நாட்கள் தொடர் விடுமுறை டாஸ்மாக் மது விற்பனை ரூ.400 கோடிக்கு இலக்கு நிர்ணயிக்கப்பட்டுள்ளது.

kshanmuganathan · kshanmuganathan Thu Jan 15, 2015 5:57 pm

பொங்கல் பண்டிகை மற்றும் தொடர் விடுமுறையை முன்னிட்டு, டாஸ்மாக் மது விற்பனை ரூ.400 கோடிக்கு இலக்கு நிர்ணயிக்கப்பட்டுள்ளது. பொங்கல் பண்டிகையை முன்னிட்டு, 4 நாட்கள் தொடர் விடுமுறை வருகிறது. டாஸ்மாக் கடைகளில் சராசரியாக நாள் ஒன்றுக்கு ரூ.65 கோடி முதல் ரூ.70 கோடி அளவுக்கு மது விற்பனை இருக்கும். விடுமுறை நாட்களில் இந்த அளவு சுமார் ரூ.5 கோடியிலிருந்து ரூ.10 கோடிவரை உயரும். பண்டிகை நாட்களில் மேலும் உயர்ந்து சுமார் ரூ.100 கோடி வரை செல்லும். கடந்த 2 ஆண்டுகளாக டாஸ்மாக் பார்களில் அதிக அளவு போலி மது விற்பனை செய்யப்படுவதாக குற்றச்சாட்டுகள் எழுந்தன. இதனால் டாஸ்மாக் மது விற்பனை குறையத் தொடங்கியது. பண்டிகை நாட்களில் ஒரு மடங்கு கூடுதலாக விற்கப்பட்டு வந்த மதுபானங்களின் அளவு 50 சதவீதமாக குறைந்தது. கடந்த தீபாவளியின்போதும், புத்தாண்டு கொண்டாட்டத்தின் போதும் சராசரியை விட 40 முதல் 50 சதவீதம் அளவுதான் விற்பனை அதிகரித்தது.

இதைத் தொடர்ந்து டாஸ்மாக் உயர் அதிகாரிகள், கலால் பிரிவு போலீசார் ஆலோசனை கூட்டம் நடத்தினர். பிறகு, போலீசார் மேற்கொண்ட நடவடிக்கையில், திண்டிவனம், கடலூர், பெரம்பலூர் ஆகிய இடங்களில் போலி மது தொழிற்சாலைகள் கண்டுபிடிக்கப்பட்டு, 15க்கும் மேற்பட்ட நபர்கள் கைது செய்யப்பட்டனர். போலி மது தயாரிப்புக்கு உடந்தையாக செயல்பட்ட காவல் துறையினர் 30க்கும் மேற்பட்டோர் பணியிட மாற்றம் செய்யப்பட்டுள்ளனர். பொங்கலை முன்னிட்டு போலி மதுபான விற்பனையை கட்டுப்படுத்தும் நடவடிக்கையில் கலால் பிரிவு போலீசார் தீவிரமாக ஈடுபட்டு வருகின்றனர். பொங்கல் என்பதால் டாஸ்மாக் மது விற்பனை இன்று ஒரு மடங்கு அதிகரிக்கும். இதனால் இன்றைய மது விற்பனை சுமார் ரூ.140 கோடி வரை உயர வாய்ப்புள்ளது. காரணம், நாளை (16ம் தேதி) டாஸ்மாக் கடைகளுக்கு விடுமுறை அளிக்கப்பட்டுள்ளது.
கடந்த 3 தினங்களுக்கு முன்பே விற்பனைக்கு தேவையான சரக்குகள் டாஸ்மாக் கடைகளில் நிரப்பப்பட்டுள்ளது.

சனிக்கிழமை (17ம் தேதி) காணும் பொங்கல் என்பதால் அன்றைய தினமும் டாஸ்மாக் மதுபான விற்பனை கூடுதலாக இருக்கும். அடுத்தநாள் ஞாயிற்றுகிழமை என்பதால் டாஸ்மாக் மது விற்பனை மூலம் சுமார் ரூ.450 கோடிவரை வருவாய் கிடைக்கும் என்று டாஸ்மாக் நிர்வாகம் எதிர்பார்கிறது. இருப்பினும் ரூ.400 கோடி அளவுக்கு மது விற்கப்பட வேண்டும் என்று நிர்வாகம் இலக்கு நிர்ணயித்துள்ளது என்று டாஸ்மாக் வட்டாரங்கள் தெரிவிக்கின்றன.

**M.M.SENTHIL** · **M.M.SENTHIL** Fri Jan 16, 2015 7:56 pm

நல்ல இலக்கு... சீக்கிரம் முன்னேறிடுவோம்....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக