கங்கையில் மிதந்த 100 மனித உடல்கள்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

கங்கையில் மிதந்த 100 மனித உடல்கள்

#1115345

kshanmuganathan
பண்பாளர்: பதிவுகள் : 130
இணைந்தது : 18/09/2010

Post kshanmuganathan Thu Jan 15, 2015 4:43 am

லக்னோ: கங்கையில்,100 மனித உடல்கள் மிதந்த விவகாரம் குறித்து விசாரணை நடத்த, உ.பி., மாநில அரசு உத்தரவிட்டுள்ளது. உ.பி.,யில், முதல்வர் அகிலேஷ் யாதவ் தலைமையிலான சமாஜ்வாதி ஆட்சி நடக்கிறது. சமீபத்தில், இங்குள்ள உன்னோவா மாவட்டத்தில், கங்கை நதியில், 100க்கும் மேற்பட்ட மனித உடல்கள் தண்ணீரில் மிதந்து வந்தன; சில உடல்கள் கரை ஒதுங்கின. கழுகுகளும், நாய்களும் அங்கு சுற்றித் திரிந்தன. இதையடுத்து, இந்த விவகாரம், போலீசாரின் கவனத்துக்கு வந்தது. கங்கை நதியை தூய்மைப்படுத்த, மத்திய அரசு, பல்வேறு நடவடிக்கைகளை எடுத்து வரும் நிலையில், மனித உடல்கள் மிதந்த விவகாரம், பெரும் சர்ச்சையை ஏற்படுத்தியது. இதுகுறித்து, உ.பி., மாநில மூத்த அதிகாரி ஒருவர் கூறியதாவது:உ.பி.,யில், கங்கை நதிக்கரை ஓரத்தில் உள்ள பகுதிகளில் வசிக்கும் மக்கள், சில நடைமுறைகளை பின்பற்றி வருகின்றனர். இதன்படி, குழந்தைகள், திருமணமாகாத ஆண்கள், சாதுக்கள் ஆகியோர் இறந்தால், அவர்களின் உடல்களை புதைக்கவோ, எரிக்கவோ செய்வது இல்லை; அதற்கு பதிலாக, கங்கை நதியில் தூக்கி எறிந்து விடுகின்றனர். இப்படி வீசப்பட்ட உடல்கள், நதியின் நீரோட்டம் குறைந்ததால், கரை ஒதுங்கியுள்ளன. இதுகுறித்து விசாரிக்க உத்தரவிடப்பட்டுள்ளது. இவ்வாறு, அவர் கூறினார்.

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1