ஆரோக்யமான உணவு : இந்தியர்கள் முதலிடம் :)

**krishnaamma** · **krishnaamma** Fri Jan 09, 2015 9:45 pm

துபாய்: சர்வதேச அளவில் ஜிஎப்கே என்ற ஆய்வு நிறுவனம் 23 நாடுகளில் அந்தந்த நாட்டு மக்களின் ஆரோக்கியமான உணவு பழக்கம், போதுமான தூக்கம், உடற்பயிற்சி உள்ளிட்ட பல்வேறு கோணங்களில் அன்றாட வாழ்க்கை ஆகிய வற்றை சர்வே செய்து வெளியிட்டுள்ளது. இதில் இந்தியர்கள் 79 சதவீதத்தைப் பெற்று ஆரோக்கியமான உணவை உட்கொள்வதில் முதலிடம் பெற்றுள்ளனர்.இந்தோனேசியர்கள் 2வது இடம் பெற்றுள்ளனர். ஜப்பானியர்கள் 29 சதவீதத்துடன் கடைசி இடம் பெற்றுள்ளனர். போதுமான அளவு தூங்கி ஓய்வு எடுப்பதில் இந்தோனேசியர்கள் 85 சதவீதத்துடன் முதலிடம் பெற்றுள்ளனர். இந்தியர்கள் 77 சதவீதத்துடன் இரண்டாம் இடம் பெற்றுள்ளனர். இதிலும் ஜப்பானியர்கள் 39 சதவீதத்துடன் கடைசி இடம் பெற்றுள்ளனர்.

உடற்பயிற்சி செய்வதில் சீனா மற்றும் மெக்சிகோவை சேர்ந்தவர்கள் முதல் மற்றும் இரண்டாம் இடத்தை பெற்றுள்ளனர். இதில் இந்தியர்கள் கடைசி இடம் பெற்றுள்ளனர். 23 நாடுகளில் 20 ஆயிரத்திற்கும் மேற்பட்டோரிடம் எடுக்கப்பட்ட இந்த சர்வேயில் ஒட்டு மொத்தமாக 66 சதவீத மக்கள் போதுமான அளவில் தூங்கி ஓய்வு எடுப்பதாகவும், 59 சதவீதம் பேர் ஆரோக்கியமான உணவை எடுத்து கொள்வதாகவும் 57 சதவீதம் பேர் உடற்பயிற்சி செய்வதாகவும் தெரிவித்துள்ளனர்.

தினகரன்