இலங்கை அதிபர் தேர்தல்: 1,16,146 ஓட்டுக்கள் வித்தியாசத்தில் ஸ்ரீசேனா முன்னிலை

kshanmuganathan · kshanmuganathan Fri Jan 09, 2015 6:15 am

கொழும்பு: இலங்கையில் நடைபெற்ற அதிபர் தேர்தலில் ஓட்டு எண்ணிக்கையில், எதிர்க்கட்சி வேட்பாளர் ஸ்ரீசேனா ,1,16,146 ஓட்டுக்கள் பெற்று முன்னிலை பெற்றுள்ளார்.
இலங்கை அதிபர் தேர்தல் நடந்தது. இந்த தேர்தலில் மூன்றாவது முறையாக அதிபர் ராஜபக்சே மீண்டும் போட்டியிட்டனர். எதிர்க்கட்சி வேட்பாளராக ஸ்ரீசேனா களமிறங்கினார். , இலங்கை அதிபர் தேர்தல், மிகப் பெரிய வன்முறைச் சம்பவங்கள் ஏதுமின்றி ஓட்டுப்பதிவு அமைதியாக நடந்து முடிந்தது. இலங்கை தேர்தலில் 70 சதவீத ஓட்டுப்பதிவு நடந்துள்ளதாக அதிகாரப்பூர்வமற்ற தகவல்கள் தெரிவிக்கின்றன.இத்தேர்தலில், இதுவரை இல்லாத அளவில் மக்கள் ஆர்வமுடன் வாக்குச் சாவடிக்கு வந்து ஓட்டளித்தனர். குறிப்பாக, தமிழர்கள் அதிகம் வாழும் வடக்கு மாகாணம் மற்றும் முஸ்லிம்கள் அதிகம் வாழும் வடமேற்கு பகுதிகளில், ஓட்டுப்பதிவு பரபரப்பாக நடைபெற்றது. இங்குள்ள புத்தாலம் கிராமத்தில், மொத்தம் உள்ள, 1,200 வாக்காளர்களில், ஓட்டுப்பதிவு துவங்கிய ஒரு மணி நேரத்தில், 800 பேர் ஓட்டளித்து உள்ளனர். ஒரு சில பகுதிகளில், மசூதிகளில் உள்ள ஒலிபெருக்கிகள் வாயிலாக, மக்கள் மறக்காமல் ஓட்டளிக்குமாறு கேட்டுக் கொள்ளப்பட்டனர்.தமிழர்கள் பெரும்பான்மையாக உள்ள யாழ்ப்பாணம், கிளிநொச்சி, முல்லைத்தீவு பகுதிகளில், 50 சதவீதத்திற்கும் அதிகமாக ஓட்டுகள் பதிவாயின.
இதன் பின்னர் இரவு ஓட்டுக்கள் எண்ணப்பட்டன. முதலில் தபால் ஓட்டுக்கள் எண்ணப்பட்டன.ஸ்ரீசேனாவின் சொந்த தொகுதியான பொலநறுவ மாவட்டத்தில் தபால் ஓட்டுக்கள் எண்ணப்பட்டதில், ஸ்ரீசேனா 9.480 ஓட்டுக்களும், ராஜபக்சே 4,309 ஓட்டுக்களும் பெற்றுள்ளனர்.மொனராகல மாவட்டத்தில் ராஜபக்சே 8377 ஓட்டுக்களும், ஸ்ரீசேனா 7058 ஓட்டுக்களும் பெற்றுள்ளனர்.காலி மாவட்டத்தில் ஸ்ரீசேனா 13,879 ஓட்டுக்களும், ராஜபக்சே 16,116 ஓட்டுக்களும் பெற்றுள்ளனர்.கோகாலை மாவட்டத்தில், ஸ்ரீசேனா 14,976 ஓட்டுக்களும், ராஜபக்சே 14,163 ஓட்டுக்களும் பெற்றனர்.யாழ்ப்பாணத்தில் ஸ்ரீசேனாவுக்கு 10,085 ஓட்டுக்களும், ராஜபக்சேவுக்கு 4,067 ஓட்டுக்களும் பெற்றனர்.
கடைசியாக கிடைத்த தகவலின்படி, ஸ்ரீசேனாவுக்கு ஆதரவாக 8,81,881 ஓட்டுக்கள் பதிவாகியுள்ளது. ராஜபக்சேவுக்கு ஆதரவாக,7,65,735ஓட்டுக்கள் பதிவாகியுள்ளது. இதன் மூலம் ஸ்ரீசேனா 52.82சதவீத ஓட்டுக்கள் பெற்றுள்ளார். ராஜபக்சே 45.86 சதவீத ஓட்டுக்கள் பெற்றுள்ளார்.

**ayyasamy ram** · **ayyasamy ram** Fri Jan 09, 2015 6:38 am

இலங்கை அதிபர் தேர்தல்: 1,16,146 ஓட்டுக்கள் வித்தியாசத்தில் ஸ்ரீசேனா முன்னிலை 4wE34vpkTMKpwNXZVUpG+Tamil_News_large_1157370

-
நல்லது நடக்கட்டும்...
-

இலங்கை அதிபர் தேர்தல்: 1,16,146 ஓட்டுக்கள் வித்தியாசத்தில் ஸ்ரீசேனா முன்னிலை

இலங்கை அதிபர் தேர்தல்: 1,16,146 ஓட்டுக்கள் வித்தியாசத்தில் ஸ்ரீசேனா முன்னிலை

Re: இலங்கை அதிபர் தேர்தல்: 1,16,146 ஓட்டுக்கள் வித்தியாசத்தில் ஸ்ரீசேனா முன்னிலை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக